چاوا دێ بییه مرۆڤهكێ دلشاد؟
1- باوهرى خهمان دبهت، وكۆڤانان دبرینت، وئهو ڕۆناهییا چاڤێن خودێناسانه، وصهبر وئارامییا عیبادهتكهرانه (ڤێجا ئهگهر ته بڤێت خهمێن ته كێم ببن، باوهرییا خۆ زێده بكه).
2- تشتێ بۆرى چوو، وتشتێ چووى مر ونهما، ڤێجا هـزرا خـۆ د تشتێ بـۆرى دا نـهكـه مادهم چوویه ونهمایه (ئهگهر ته بڤێت كهسهران ل خۆ كۆم نهكهى).
3- ب قهدهرا خودێ یێ رازى به، و ب قسمهتا خۆ یێ قانع به، ههر تشهك خودێ ب قهدهرهكێ یێ داى، ڤێجا خۆ تهنگاڤ نهكه (دا دلرحهت بژى).
4- ب زكرێ خودێ دل تهنا دبن، وگونهه دوهریێن، وخودێ رازى دبت، وتهنگاڤى دهرباس دبن (ڤێجا خودێ ژ بـیـرا خۆ نهبه، ئهگهر ته بڤێت خۆ ژبـیـر نهكهى).
5- چاڤهرێى شوكر وسوپاسییا كهسێ نهبه، تێرا ته ههیه خودێ ژ ته رازى بت، وخۆ عێجز نهكه ئهگهر ئێكى قـهدرێ ته نهزانـى، یان حـهسـویـدى ب ته بر (چونكى دێمێ ڕۆژێ ب بێژنگێ نائێته ڤهشارتن).
6- ئهگهر ل ته بوو سـپـێـده ل هیڤییا ئـێـڤارى نهبه، د ڕۆژا خۆ دا بژى، وهزرا خۆ ههمییێ بۆ هندێ كۆم كه كو ڕۆژا ته پێ چاك ببت (چونكى دوهى یا چووى، وسوباهى تو نزانى كانێ دێ گههییێ یان نه).
7- پاشهڕۆژێ بهێله حهتا ئهو ب خۆ بێت، وخهما سوباهى نهخۆ، چونكى ئهگهر ته ئهڤرۆیا خۆ چێكر سوباهییا ته ب خۆ دێ چێ بت (وتشتێ ئهڤرۆ بچینى سوباهى دێ ههلینى).
8- دلـێ خـۆ ژ حـهسـویـدییـێ پـاقـژ بـكـه، ووى ژ كهربێ داقوته، ونهڤیانێ تێدا نههێله، وكینێ ژێ بینهدهر (ئهگهر ته ڤیا بارێ ته سڤك ببت، وتهنا رحهت بنڤى).
9- بۆ كرنا باشى وخێرێ نهبت تێكهلییا مرۆڤان نهكه، بلا جهێ ته مالا ته بت، خهمێ ژ كارێ خۆ بـخـۆ، وخۆ ژ خهلكى ڤهدهر كه (دا خهمێن ته دكێم بن).
10-كتێب باشتـرین ههڤاله، د گهل كتێبان بژى، وههڤالینییا زانینێ بكه، و د گهل مهعرفهتێ به (دا خۆشییێ ومفایێ ههڤالینییێ ببینى ووهرگرى).
11-گـهردوون هـهمـى ب تهرتیف یا هاتییه ئاڤاكرن، و ب ڕێك وپێكى یا هاتیه دانان، ڤێجا تو ژى د جلك ومال وكار وبارێ خۆ دا یێ ب ڕێك وپێك به (دا تو نهببیه تشتهكێ نهشاز د ڤێ گهردوونێ دا).
12-دهركـهڤـه بـهر ڕۆژێ، وبهرێ خۆ بده باغچهیێن ب خهمل، وهزرا خۆ د چێكرییێن خودێ دا بكه (دا تو بزانى ژیان یا بهرفرههه).
13-وهره وههڕه وڕاوهستاى نهمینه، وخۆ ژ سستى وكسلانییێ بده پاش، وخۆ ژ بهطالى و بێ كارییێ دویر بكه (دا مهژییێ ته بهستى نهگرت).
14-دیرۆكێ بخوینه، وهزرا خۆ د عهجێبییێن زهمانى دا بكه، ومفاى بـۆ خـۆ ژ غهریبییێن وى وهربـگـره، وخۆشییێ ژ چیرۆك وسهرهاتییێن وێ ببینه (دا بـزانـى زهمان نـه بۆ كهسێ دمینت، نه خۆ ل كهسێ دگرت، نه ڕۆندكان ل سهر كهسێ دبارینت).
15-ههردهم ژیانا خۆ نوى بكه، وشێوهیێن ژینا خۆ گهلهك ڕهنگ بكه، وئهو رووتینێ تو د ناڤ دا دژى بگوهۆڕه (چونكى ههر گوهۆڕینهكێ تاما خۆ ههیه).
16-ئهو تشتێ دبێژنێ: " مونـهبـبـه "، وهكى چایێ وقـههـوێ گهلهك ب كار نـهئـیـنـه، وهشیارى جگارێ به (دا سهربهست بژى).
17-خهمێ ژ پاقژییا جلكێ خۆ بـخـۆ، وههمى گاڤان بلا بێنا خۆش ژ ته بێت، وسهر وبهرێ ته بلا یێ لێكداى بت، ودهڤێ ته یێ پاقژ بت (دا خهلك ژ ته نهڕهڤت).
18-ئهو كتێبێن رهشبینى وسستى و بێ هیڤییێ ل نك ته پهیدا دكهن نهخوینه (ما تو چ مهجبوورى ب دهستێن خۆ خۆ دهرمان بدهى!؟).
19-بینه بـیـرا خۆ كو رهحم ودلۆڤانییا خودایێ ته گهلهك یا بهرفرههه، تۆبێ قهبویل دكهت، و ل بهنییێن خۆ دبۆرت، وخرابییان ب باشییان دگوهۆڕت (دا بێ ئومێدى ڕێكا خۆ ل نك ته نهبیت).
20-شوكرا خودایێ خۆ بكه ل سهر نعمهتا دینى وعـهقـلـى وسـلامـهتـى وسـتـارهى وچاڤ وگاڤان بكه (چونكى گهلهك كهس ههنه ل نێزیكى ته دژین وخودێ ئهو ژ ڤان نعمهتان بێ باركرینه).
21-ما تو نزانى د ناڤ مرۆڤان دا گهلهك ههنه عهقلێ وان نهمایه، یان ساخلهمییا وان یا تێك چووى، یان یێن هاتینه گرتن، یان شهلهلـێ ئهو یێن ئێخستینه سهر قانا پشتێ دموبتهلا؟ (ئهگهر تو ژى وهكى وان یێ موبتهلا باى دا چ كهى؟).
22-د گهل قورئانێ بژى، ژ بهر بكه وبـخـوینه و گوهدارییا وێ بكه وهزرێن خۆ تێدا بكه، باشـتـرین چارهسهرى بۆ خهم وكۆڤانان ئهوه.
23-خۆ بهێله ب هیڤییا خودێ ڤه، و ب حوكمێ وى رازى بـه، وههوارێن خۆ بگههینه وى، ئهو تێرا ته ههیه (ته ژ خهم وكۆڤانان بپارێزت).
24-ل وى ببۆره یێ زۆردارى ل ته كرى، و ب سهر وى ڤه ههڕه یێ پشت دایه ته، وبده وى یێ تو بێ بار كرى، ویێ بێنفرهه به د گهل وى یێ نهخۆشى گههاندیه ته، تو دێ دلـخـۆشى وتهناهییێ بینى.
25-گۆتنا (لا حول ولا قوه إلا بالله) گهلهك جاران دوباره بكه چونكى ئهو دلى فرهه دكهت، وحالى خۆش دكهت، وبارێن گران سڤك دكهت، وخودێ رازى دكهت.
26-گهلهك ئستغفاران بكێشه، چونكى رزق وبهرفرههى ودووندهه وعلمێ ب مفا و ب ساناهیكهفتنا كارى وژێبرنا گونههان د گهل دایه.
27-یێ قانع به ب ب شكلێ خۆ، و ب بارا خۆ، مال وحالـێ خۆ دا تو رحهتییێ وكهیفخۆشییێ ببینى.
28-تو بزانه كو تهنگاڤییێ بهرفرههى د گهل دایه، وخۆشى د گهل نهخۆشییێ یه، و چـو حال بهردهوام نامینن، ڕۆژ دۆر ودهورانن.
29-یێ گهشبین و ب هیڤى به، وهزرا باش ژ خودایێ خـۆ بـكـه، وچاڤهڕێـى هـهمـى خێر وجوانییێ به ژ وى (چونكى ئهو دبێژت: ئهز دێ ل دویڤ وێ هزرێ بم یا عهبدێ من ژ من دكهت).
30-كهیفا خۆ ب وى تشتى بینه یێ خودێ بۆ ته هل دبژێرت، چونكى تو مهصلحهتا خۆ نزانى، وبهلكى تهنگاڤى بۆ ته ژ بهرفرههییێ چـێـتـر بت (ما ته نهدیتییه چهند مرۆڤ د سهرداچووینه دهمێ كهفتینه د بهرفرههییێ دا؟).
31-بهلا وموصیبهت ته نێزیكى خودێ دكهن، وته فێرى دوعاكرنێ دكهن، وخۆمهزنكرن ودفن بلندى وتهعهججوبێ ل نك ته ناهێلت (ڤێجا خۆ ژێ بێهن تهنگ نهكه!).
32-ته كۆمێن نعمهت وقهنجییان ههنه، وخزینێن خێران خودێ یێن داینه ته (ل دۆر و ڕهخێن خۆ بزڤڕه دێ ڕاستییا ڤێ گۆتنێ زانى).
33- قهنجییێ د گهل مرۆڤان بكه، وخێرخوازییێ پێشكێشى خهلكى بكه، دا تو دلـخـۆشییـێ ژ سهرهدانا نساخى ودانا ههژارى ورهحم برنا ب ئێتیمى ببینى.
34- خۆ دویر بكه ژ هزرا خهلهت، وگومان وخهیالێن خراب وهزرێن نساخ بهاڤێژه (دا خۆشییێ ب نهفسهكا ساخلهم ببهى).
35- دهمێ تو دكهڤیه بهلایێ ل بیـرا خۆ بینهڤه كو بهلا ب سهرێ ته ب تنێ نههاتییه، وكهس نینه ژ خهمان یێ ڤالا، وچو مرۆڤ ژ نهخۆشییان خلاس نهبوویه (ڤێجا خونه ته دڤێت تو ژ خهلكى ههمییێ یێ جودا بى؟!).
36-تو باش بزانه كو دنیا وارێ جهڕباندن وموصیبهتانه جهێ شێلیكرنا خۆشییانه، ڤـێـجـا كـانـێ ئهو یا چاوانه وهسا وێ قـهبـویل بكه، وخۆ بهێله ب هیڤییا خودێ ڤه (دلـێ ته دێ یێ تهنا بت).
37- هـزرا خـۆ د وان كـهسـان دا بكه ئهوێن بهرى ته د كاروانێ ژینێ دا بۆرین ژ وان یێن هاتینه عهزلكرن، گرتن، كوشـتـن، وئهوێن بهلا هاتینه سهرى، وهاتینه جهڕباندن، ونهخۆشى دیتین (بارێ ته دێ ل بهر ته سڤك بت).
38- ههر موصیبهتهكا دگههته ته ژ خهم وكۆڤان وبرس وفهقیرى ونساخى ودهین ونهخۆشییان، خودێ خێرێ دێ ژێ دهته ته (وخێرا خودێ ددهت بۆ ته چـێـتـره).
39- تو بزانه كو دژوارى وتهنگاڤى گوه وچاڤان ڤهدكهن، ودلان زێندى دكهن، ونهفسێ پاشڤه دبهن، وخودێ ل بیـرا عهبدى دئیننهڤه، وخێران زێده دكهن.
40- ل هیڤییا ڕویدان وكارهساتان نهبه، وچاڤهڕێى خرابـییـێ ژى نهبه، وباوهر ژ گۆتگۆتكان نهكه، وخۆ ب دهست درهوان ڤه بهرنهده (دا نهبیه مرۆڤهكێ سلبى وڕهشبین).
41- بارا پتـر ژ وان تشتێن مرۆڤ خۆ ژێ دتـرسـیـنت چێ نابن، وبارا پـتـر ژ وان نهخۆشییێن مرۆڤى گوه لـێ دبـن ژى چـێ نـابـن، وخودێ تێـرا مـرۆڤـى هـهیـه (نهخۆشییێ لادهت) وچاڤـدێـرى ژ وییه، وئهوه هاریكار.
42- ل نك دلڕهش ودارگران وحهسویدان نهڕوینه، ئهون تایێ دئیننه رحێ، وئهون قاصدێن تێكدانێ، وهلگرێن خهمان.
43- بلا بـهرێ ته ل هـنـدێ بـت هـهر جار بـگـههییه (الله أكبر) ا ئێكێ ل مزگهفتێ بۆ كرنا نڤێژا ب جماعهت، وبلا مانا ته گهلهك ل مزگهفتان بت، وخۆ فێرى هندێ بكه زوى قهستا نڤێژێ بكهى دا دلـخـۆشییێ ببینى.
44- هشیارى گونههان به، چونكى ئهون ژێدهرێ خهم وكۆڤانان، وئهون ئهگهرا ئاتافان، ودهرگههێ موصیبهت وقهیرانان.
45- گهلهك ڤى زكرى بێژه: [لا إِلَهَ إِلا أَنْتَ سُبْحَانَكَ إِنِّي كُنْتُ مِنَ الظّالِمِينَ ] چونكى سررهكا عهجێب بۆ نههێلانا تهنگاڤییان، وخهبهرهكێ مهزن بۆ لادانا نهخۆشییان، تێدا ههیه.
46- گۆتنا كرێت وئاخفتنێن نهخۆش ئهوێن د دهر حهقا ته دا دئێنه گۆتن بلا كارى ل ته نهكهن، چونكى ئـهو خـودانـێ خۆ دئێشینن نه كو ته (ئهگهر تو ب چو ڤه نهگرى).
47- كانێ بهایێ ته چهنده دوژمنێن ته هند گۆتنێن سهقهت وحهسویدێن ته هـنـد خـهبـهران دێ بـێـژنه ته، (ڤـێـجـا ئـهگهر ته ئهو چهنده ژ وان گـوه لـێ بوو تو ب خهم نهكهڤه، مهعنا وێ ئهوه) تو یێ بوویه تشتهكێ بهرچاڤ، وزهلامهكێ گرنگ.
48- تـو بـزانـه ئـهوێ غهیـبـهتا ته دكهت خێرێن خۆ ب دیارى ددهته ته، وگونههێن ته بۆ خۆ دبهت، وناڤ ودهنگێن ته بهلاڤ دكهت، وئهڤه نعمهتهكه (ڤێجا بۆچى تو دێ خۆ بێهن تهنگ كهى؟!).
49- د كرنا عیبادهتى دا ل سهر خۆ نهشدینه، وپێگیرییێ ب سونـنـهتێ بكه، وئابـۆرێ د گاعهتى دا بكه، وڕێكا ناڤـنـجى بگره، وهشیارى توندییێ به (دا د سهر ڕێكا ڕاست دا نهچى).
50- تهوحید ویهكتا پهرێسییا ته بلا بۆ خودایێ ته یا خوڕى بت، دا یێ بێهن فرهه بى، ودلـخـۆشییا ته دێ هندى زهلالییا تهوحیدا ته وپاقژییا ئخلاصا ته بت.
51- مرۆڤهكێ زیرهك ودل موكم ونهفس بنهجـه به، بلا ته بزاڤ وهممهتهكا مهزن ههبت، وهڕهبا وگۆتگۆتك بلا ته نههژینن.
52- یێ مهرد به چونكى مرۆڤێ مهرد یێ سنگ فرهه ودل رحهته، ومرۆڤێ بهخیل سنگێ وى یـێ تـهنـگـه، ودلـێ وى یێ تارییه، وهزرا وى یا شێلییه (ڤێجا كى ژ ههردووان چێتـره؟).
53- د گهل خهلكى یێ ناڤچاڤ ڤـهكـرى به تو دێ وان ب لایـێ خۆ ڤه كێشى، و ب گۆتنهكا نهرم وان باخێڤه ئهو دێ حهز ژ ته كهن، وخۆ ل سهر سهرێ وان مهزن نهكه ئهو دێ قهدرێ ته گرن.
54- ب باشییـێ خرابـییێ پالده، و د گهل خهلكى یێ نهرم به، ودوژمنكارییێ بڤهمرینه، وئاشتییێ د گهل نهیاران ب جـه بینه، وههڤالێن خۆ زێده بكه.
55- دوعایێن دهیبابان مهزنتـرین دهرگههێن دلـخـۆشیێنه، ژ دهست خۆ نهكه (وهند قهنجییێ د گهل دهیبابێن خۆ بكه حهتا ئهو دوعایان بۆ ته بكهن) دا دوعایێن وان ته ژ ههمى نهخۆشییان بپارێزن.
56- خهلكى وهسا قهبویل بكه وهكى خودێ ئهو داین، و ل خهلهتییێن وان ببۆره، وتو بزانه كو ئهڤهیه سوننهتا خودێ د مرۆڤ وژینێ دا (كهس نهشێت خهلكى ههمییێ وه لـێ بكهت وهكى وى دڤێت).
57- د مپالیـیـاتـان دا نـهژى، بـهلكى د واقـعـێ خۆ دا به، چونكى ته ئهو ژ خهلكى دڤێت یێ تو نهشـێـى بكهى، ڤێجا مرۆڤهكێ عادل به.
58- بلا ژیانا ته یا بهسیط بت، وخۆ ژ ئیسرافێ وژینا بـهرفرهه بده پـاش، چـونـكـى چـهنـد لـهش پـتـر د بهرفـهرهـییـێ دا بت هند رح تویشى گرێكان دبت (ومـرۆڤـێ ب عهقل خـۆشـییا رووحى نادهته ب یا لهشى).
59- وان زكران بپارێزه ئهوێن ل دهمێن جودا جودا دئێنه گۆتن، چونكى ئهو پاراستنن بۆ ته، وهند سهر ڕاستى تێدا ههیه ڕۆژا ته پێ چاك ببت.
60- كارێن خۆ ل سهر دهمى بهلاڤ بكه، وههمییان كۆم نهكه سهر ئێك، دا تو بشێى د ناڤ ڕا بێهنا خۆ بدهى بۆ هندێ دا بهرههمێ ته یێ باش بت.
61- بهرێ خۆ بده وى یێ د بن ته دا بت و ژ ته كێمتـر بت ژ لایێ لهشى وڕهنگى ومالى وخانى وكارى وعهیالى، دا تـو بـزانـى كو ب هزاران مرۆڤ ههنه تو ژ وان بلندترى.
62- تو باش بزانه كو ئهو ههمى كهسێن تو تێكهلى وان دبـى ژ بـرا وكـوڕ وژن وههڤال ونیاسان د بێ عهیب نینن (وبهس خودێ یه یێ بێ عهیب) ڤێجا خۆ فێرى هندى بكه كو تو خهلكى ههمییێ (ب عهیبێن وان ڤه) قهبویل بكهى.
63- وێ بههرێ بگره یا بۆ ته هاتییه دان، ووى علمى یـێ تـو پـێ رحهت، ووى رزقى یێ ل بهر ته هاتییه ڤهكرن، ووى كارى یێ ب كێر ته بێت (دا خهما تشتێ تو نهگههییێ ته نهئێخت).
64- هشیار بى چو كهس ودهزگههان نهشكێنه، ویـێ ئـهزمان پاقژ ودل ساخ به، بلا پهیڤێن ته دشرین بن، وخهلك ژ ته یێ ئهمین بت (دا بزانى چهند خۆشه دهمێ خهلك یێ ژ مرۆڤى رازى).
65- تو بزانه كو تهحهمـمـول عهیبان ڤهدشێرت، ونهرم وحهلیمى گونههان ستاره دكهت، ومهردینى كراسهكێ شۆڕه كێماسییان ڤهدشێرت.
66- دهمهكى ب تنێ د گهل خۆ بـمینه بهرێ خۆ بده كـارێ خـۆ، وموراجـهعـا نـهفـسـا خۆ بكه، وهزرێ د ئاخرهتا خۆ دا بكه، ودنیایا خۆ پێ چاك بكه.
67- كتێبخانهیا ته ل مال بیستانێ ته یێ ب خهمله، وباغچێ ته یێ گهشه، ڤێجا ههردهم تو د ناڤ دا ههڤالینییا زانا وتۆرهڤان وشاعران بكه.
68- رزقـێ حـهلال ب دهست خـۆ بێخه، وهشیارى رزقێ حهرام به، وخۆ ژ خواستنێ بـده پاش، وبازرگانى ژ وهڤیفهى باشتـره، ومالـێ خۆ بده كارى و د ژینا خۆ دا یێ ب ئابۆر به.
69- جلكهكێ ناڤنجى بكه بهر خۆ، نه جلكێ مرۆڤێن بهطران ونه یێ ههژاران، وجلكهكێ وهسا نهكه بهر خۆ د ناڤ خـهلكـى دا یـێ بـهرچاڤ بى، ومرۆڤهكێ عامى به.
70- كهربێن خۆ ڤهنهكه چونكى كهرب تبیعهتى خراب دكهت، وئهخلاقى تێك ددهت، وخهلكى ژ مرۆڤى دڕهڤینت، وڤیانێ پویچ دكهت، وههڤالینییێ ناهێلت.
71- هـنـدهك جاران سهفهرێ بكه دا ژینا خۆ نوى كهیهڤه، وعالهمهكا دى وهندهك ڕێنیشان وباژێڕێن نوى ببینى، چونكى سهفهر خۆشییه.
72-بلا دهفتهركهكا بهریكێ یا بچویك ته ههبت كارێ ته تهرتیب بكهت ودهمێ ته ڕێك بێخت وبیـرا ته ل ژڤانێن ته بینتهڤه، ودا تێبینییێن خۆ ل سهر بنڤیسى.
73- تو بهرێ سلاڤ كه مرۆڤان، و ب گڕنژین ڤه پێشوازییێ ل وان بكه، وپویته ب وان بكه، دا ل بهر دلێن وان یێ شرین بى ویێ نێزیكى وان بى.
74- بلا ته باوهرى ب خۆ ههبت وخۆ نههێله ب هیڤییا خهلكى ڤه، وتو وهسا حسێب بكه كو ئهو هارى ته ناكـهن، و ژ خودێ پـێـڤـهتـر كهس د گهل ته نینه، و ب ههڤال وبرایێن بهرفرههییێ نهئێى خاپاندن.
75- هشیارى پهیڤا (پاشى) به، وكارێ خۆ گیرۆ نهكه ونهبێژه: هێشتا زوییه پاشى دێ كهم، چونكى ئهڤ چهنده نیشانا شكهستن وفاشلبوونێ یه.
76- یـێ دودل نهبه د وهرگرتـنـا بـڕیـاران دا، و د ههلویستێن خۆ ژى دا یێ هژهژۆك نهبه، خۆ ئێك دل كه وبۆ پێشڤه ههڕه.
77- ژییێ خـۆ د هندێ دا نهبۆرینه كو ژ ڤى كارى بچیه یێ دى وخۆ ژ ڤێ (تهخهصصوصێ) ڤهگوهێزیه یا دى، چونكى مهعنا وێ ئهوه تو د چو تشتان دا یێ سهركهفتى نینى.
78-لا كهیفا ته ب وان كاران بێت یێن گونههان ژێ دبهن، وهكى كارێن چاك، وبهلا وموصیبهت، وتـۆبـهكرن، ودوعایێن موسلمانان، ورهحما خودێ، ومههدهرا پێغهمبهرى ـ سلاڤ لـێ بن ـ.
79- خۆ ژ دانا خێران نهده پاش ئهگهر خۆ تشتهكێ كێم ژى بدهى، چونكى ئهو گونههێ ژێ دبهن، ودلى كهیفخۆش دكهن، وخهمێ ڤهدڕهڤینن، ورزقى زێده دكهن.
80- تو پێشهوایێ خۆ موحهممهدى ـ سلاڤ لـێ بن ـ بۆ خۆ بكه جهێ چاڤلێكرنێ، چونكى ئهوه بهرێ ته ددهته سهعادهتێ، وسهركهفتنێ نیشا ته ددهت، وڕێكا ڕزگاربوون وئیفلهحێ ل بهرا ته ددانت.
81- سهرا خهستهخانان بده دا تو نعمهتا ساخلهمییێ بزانى، وههڕه گرتیخانان دا نعمهتا ئازادییێ بزانى، وبهرێ خۆ بده شهمـماعییێ دا نعمهتا عهقلى بزانى، چونكى تو یێن هندهك نعمهتان دا ته ئاگهه ژێ نینه.
82- تـشـتـێـن بـێ بـهـا بـلا تـه نهئێخن، ومهسهلـێ ژ حهجـمـێ وێ مهزنـتـر لـێ نهكه، وهشیار بى موبالهغێ د تشتى دا نهكه، وڕویدانان د چاڤێن خۆ دا ئێكجار ب سههم نهئێخه.
83- دیتنا ته بلا یا بهرفرهه بت، وهێجهتان بۆ وان ببینه یێن نهخۆشى گههاندییه ته دا تو رحهت وتهنا بژى، وهشیار بى بلا بهرێ ته ل تۆلستاندنێ نهبت.
84- ب كهرب ڤهبوون وعێجزییا خۆ كهیفا دوژمنێن خـۆ ب خـۆ نـهئـیـنه، چونكى وان ئهو دڤێت، ڤێجا تو ب تێكدانا ژینا خۆ ڤێ مرادا وان یا مهزن بۆ وان ب جـه نهئینه.
85- تـو تهنویرهكێ ژ كهرب ودوژمنى ونهڤیانا مرۆڤان د سنگێ خۆ دا هل نهكێ چونكى ئهوه عهزابا بهردهوام.
86- ڕوینشتنا ته بلا یا تازه بت، وگۆتنا خێرێ نهبت نهبێژه، دێمێ ته بلا یێ گهش بت، وڕێزێ ل وان بگره یێن ل نك ته دڕوینشتى، گوهێ خۆ بده گۆتنا وان، ودهمێ ئهو دئاخڤن گۆتنا وان نهبڕه.
87- وهكى مێشێ نهبه بهس دادهیه سهر جهێ برینێ، وهشیارى ئهزمانێ خۆ به د دهر حهقا نامویسا خهلكى وكێماسییێن وان دا ب كار نـهئـیـنـه، وبـلا كـهیفا ته ب خهلهتییێن وان نهئێت و ل دویڤ تهحسین وكهفتنێن وان نهگهڕیێ.
88- خـودان باوهر ب خهم ناكهڤت دهمێ دنیا نهگههتێ وپویته پێ ناكهت، و ژ تهنگاڤییێن وێ ژى ناترست، چـونـكـى وێ چـو بهایێ خۆ نینه، وههر دێ چت ونامینت.
89- نێزیكى عشق وغهرام وڤیانا حهرام نهبه، چونكى ئهو بۆ رحێ عهزابه، وبۆ دلى نساخییه، وقهستا خودێ بكه وزكر وطاعهتێ وى بكه.
90- بهرێخۆدانا تشتێ حرام خهم وكۆڤان وبرینان د دلى دا دهـێـلت، ومـرۆڤـێ دلـشـاد ئهوه یـێ چاڤـێ خۆ ژ حهرامییێ بگرت و ژ خودایێ خۆ بتـرست.
91- دانێن خۆ یـێـن خـوارنـێ تـهرتـیـب بكه، وتشتێ ب مفا بـخـۆ، وخۆ ژ گهلهك خوارنێ بده پاش، ونهنڤه دهمێ زكێ ته یێ تژى.
92- دهمێ ترسا ژ ڕویدانهكێ ب سهر ته دا بێت ئحتمالا ژ هـهمـییان نهخـۆشـتـر بدانه، پاشى نهفسا خۆ ل سهر قهبویلكرنا وێ ئحتمالـێ پهروهرده بكه، هنگى تو دێ رحهتى وسناهییێ بینى.
93- وهریس ئهگهر زێده هاته شداندن دێ قهتیێت، وشهڤ ئهگهر گهلهك تارى بوو دێ ڤهڕهڤت، وحال ئهگهر تهنگ بوو دێ فرهه بت، وتهنگاڤییهك نهشێته دو بهرفرههییان.
94- هزرا خۆ د رهحما خودێ دا بكه، وى گونهها ژنهكا دههمهن پیس بۆ ژێـبـر چونكى وێ صهیهك ئاڤدا، وگونهها وى كهسى ژى ژێـبـر یێ سهد مرۆڤ كوشتین، ودهستێ خۆ بۆ تۆبهكهران ڤهكر، وفهله بۆ تۆبهكرنێ داخوازكرن.
95- پـشـتـى برسێ تێراتییه، و د دویڤ تێناتییێ دا ئاڤادنه، وپـشـتـى نساخـییـێ سـلامـهتـییه، وزهنگینى د دویڤ فهقیریێ دا دئێت، وپشتى خهمگینییێ كهیفخۆشییه.. ئهڤه ڕێبازهكا موكم ونهلڤه.
96- هزرا خۆ د سوورهتا [ ألم نشرح لك صدرك ] دا بكه، و ل دهمێ تهنگاڤییان زێ ل بیـرا خۆ بینه، وتو بزانه كو بۆ نهخۆشییان ئهو باشتـرین دهرمانه.
97- دوعایا تهنگاڤییان تو دزانى: ((لا إله إلا الله العظيم الحليم، لا إله إلا الله رب العرش العظيم، لا إله إلا الله رب السموات ورب الأرض رب العرش الكريم))؟
98- كهربێـن خۆ ڤهنهكه، وئهگهر كهربێن ته ڤهبوون نهئاخڤه، خۆ ب خودێ بپارێزه ژ شهیتانى وجهێ خـۆ بـگـوهۆڕه، وئهگهر تو یێ ژ پیان ڤه بى ڕوینه خـوارێ، ودهسنڤێژێ بـشـۆ، وگهلهك زكرێ خودێ بكه.
99- ژ نهخۆشییێن دژوار تهنگاڤ نهبه چونكى ئهو دێ دلـێ ته ب هێز ئێخن، وتاما سلامهتییێ نیشا ته ددهن، وپشتا ته موكم دكهن، وبهایێ ته بلند دكهن، وصهبرا ته ئاشكهرا دكهن.
100- هزركرنا د دهمێ بۆرى دا ئهحمهقى ودیناتییه، وئهو وهكى هێرانا ئارێ هێراى وهویركرنا هویركى ودهرێخستنا مرییان ژ گوڕانه.
