مفایێ ترسا ژ ئاگری
پشتی بو مە دیاربووی کو ژ تشتێن فەرە مروڤ ژ جەهنەمێ بترست، پرسیارەك دێ ئێتە هلێخستن : ئەرێ مفایێ ترسا ژ ئاگری چیە؟
بەری نوکە مە گوت: مفایێ مەزن یێ کو ترسا ژ جەهنەمێ دگەهینتە خودانێ خو ئەوە کریارێن وی ب شریعەتی توخویب ددەت، و بەرێ وی ددەتە وەنجییێ و خێرخوازییێ، و ژبلی ڤی مفایی یێ کو ددنیایێ دا دئێتە دیتن مفایەکێ دی یێ مەزنتر هەیە ل ئاخرەتێ دگەهتە خودانی ، ئەو ژی پاراستنا ژ ئاگرێ جەهنەمێیە.
و دەلیل ل سەر ڤێ چەندێ ئەڤ حەدیسەنە:
( نەسائی و ترمذی ) ژ (ئەبوو هورەیرەی ) ڤەدگوهێزن و دبێژن: پێغەمبەری سلاڤ لێ بن گوت: (لا يلج النار رجل بكى من خشية الله حتى يعود اللبن في الضرع ) ئەو زەلامێ ژ ترسێن خودێ دا بکەتە گری ئەو ناچتە ئاگری حەتا شیر دزڤرتە گوهانی.
و(ترمذی) ژ (عەبدللاهێ کورێ عەبباسی) ڤەدگوهێزت دبێژت: من گوهــ ل پێغەمبەری سلاڤ لێ بن بوو دگوت: (عينان لا تـمسهما النار : عين بكت في جوف الليل من خشية الله ، وعين باتت تحرس في سبيل الله عز وجل ) دوو چاڤ هەنە ئاگر ڤێ ناکەڤت: ئەو چاڤێ ل نیڤا شەڤێ ژ ترسا خودێ دا بکەتە گری، و ئەو چاڤێ نەنڤت حەرەسییێ درێکا خودي دا بگرت
و ( ئیمام ئەحمەد ) ژ ( ئەبوو رەیحانەی) ڤەدگوهێزت ، دبێژت: پێغەمبەری سلاڤ لێ بن گوت : (حرمت النار على عين دمعت أو بكت في جوف الليل من خشية الله ، وحرمت النار على عين سهرت في سبيل الله ) ئاگر ل سەر وی چاڤی هاتە حەرامکرن یێ ل نیڤا شەڤێ ژ ترسا خودێ دا بکەتە گری ، و ئاگر ل سەر وی چاڤی هاتە حەرامکرن یێ ب شەڤ حەرەسییێ درێکا خودێ دا بگرت و دریوایەتەکا دی دا هاتییە : (وحرمت النار على عين غضت عن محارم الله أو فقئت في سبيل الله ) و ئاگر ل سەر وی چاڤی هاتە حەرامکرن یێ ژ بەرێخودانا حەرامییێ هاتبتە گرتن ، یان د رێکا خودێ دا هاتبتە پەقاندن.
و دحەدیسەکا دی دا یا (بوخاری و موسلم) ژ (ئەبوو هورەیرەی) ڤەدگوهێزت، هاتییە: پێغەمبەر سلاڤ لێ بن بەحسێ وان ملیاکەتان دکەت ئەوێن دچن ل مەجلسێن زکری دگەریێن ، دبێژت: (إن الله عز وجل يسألهم ـ وهو أعلم بهم ـ فيقول : مم يتعوذون ؟ فيقولون : من النار ، فيقول : وهل رأوها ؟ قالوا : لا والله ما رأوها ، فيقول : كيف لو رأوها ؟ فيقولون : لو رأوها كانوا أشد منها فراراً وأشد منها مخافة ، قال : فيقول : إني أشهدكم أني قد غفرت لهم ) خودێ پرسیارێ ژ وان ملیاکەتان دکەت و ئەو ژوان زاناترە بو وان دبێژت: ئەو خو ژ چ دپارێزن؟ دبێژن: ژ ئاگری، خودێ دبێژت: ما وان ئەو دیتییە؟ ملیاکەت دبێژن: نە ب خودێ وان نە دیتییە، خودێ دبێژت: پا ئەگەر وان ئەو دیتبا دا چاوا بت؟ ملیاکەت دبێژن: ئەگەر وان ئەو دیتبا ئەو پتر دا ژێ ترسن ، و دا پتر ژێ ترسن ، گوت: ڤێجا خودێ دبێژت: ئەز هەوە دکەمە شاهد کو من گونەهێن وان بو وان ژێبرن.
