پێشگۆتنا پهرتۆكا (لا تحزن)
حهمد وسوپاسى بـۆ خودایى بن، وصهلات وسلاڤ ل پێغهمبهرێ خودێ بن، و ل صهحابى و بنهمال و دویكهفتییێن وى، وپاشى:
ئهڤهیه كتێبا (ب خهم نهكهڤه) بهلكى ب خواندن و مفا ژێ وهرگرتنێ تو
كهیفخۆش ببى، و بۆ ته ههیه بهرى تو ڤێ كتێبێ بـخـوینى كو بۆ
ههلسهنگاندنا وێ تو حوكمێ خـۆ ببهیه نك گـۆتـنـا ڕاست وعهقلێ دورست و د
سهر وێ چهندێ ڕا دهقا بێ خهلهتى وگونهه (كو كیتاب وسوننهته).
ژ زۆردارییێ یه حوكمهكێ بهر وهخت ل سهر تشتى بێته دانان بهرى ئهو
بـێـتـه دیـتـن وتامـكـرن وبێنكرن، و ژ زۆردارییا زانینێ یه فهتوایهكا
بهروهخت بێت دان بهرى بهرێخۆدان وهزركرن وگوهدانا دهعوهدارى ودیتنا
هێجهتێ.
ئهڤ نڤیسینه من بۆ وى نڤیسییه یێ كهفت بیته تهنگاڤییهكێ یان خهم
ونهخـۆشـییهك ب سهر دا هات بت، یان موصیبهتهكێ ب سهر دا گرت بت، یان
كـۆڤانـهكێ خهو ژ چاڤان ڕهڤاند بت، و ما كى ژ مه ههیه ژ ڤێ چهندێ یێ
ڤالا بت؟!
ل ڤێرێ ئایهتێن قورئانێ ومالكێن شعرێ، دیـمـهن وعیبرهت، مفا ومهتهل،
وچیرۆك وسهرهاتى ههنه، ئهو نیڤشكێ مرۆڤێن ناڤدار گههشتینێ ژ دهرمانێ
دلـێ كـهسـهردار، و رحا وهستیایى، و نهفسا خهمگین و بێ ئێغبال، من
پێداكرییه.
ئهڤ كتێبه دبـێـژتـه ته: كهیفخۆش و گهشبیـن و تهنا ببه، بهلكى ئهو
دبێژته ته: ژینێ وهكى وێ خۆش و گهش و جوان ببه سهرى.
ئـهڤ كـتـێـبـه وان خهلهتییـێن ته دورست دكهت یێن دژى خوڕستییێ د
سهرهدهرى و تێكهلـییا د گهل مرۆڤ، و تشت، و دهم و جهى دا. ئـهو ب مـجـدى
ته ژ هندێ ددهته پاش كو تو ڕژدییێ ل سـهر هـهڤـڕكـییا د گهل ژینێ بكهى،
یان بهرهنگارییا قهدهرێ بكهى، یان دژاتـییا مهنههجى بكهى ودهلیلى
لادهى، بهلكى ئـهو ژ جـهـهكـێ نـێـزیـكى نـهفـسا تـه و ب رهخ رحا ته ڤه
گازى تـه دكـهت كـو تـو ژ باشییا پاشـهڕۆژێ پشت ڕاست بـبـى، وته باوهرى ب
شیان ودان وپێڤههاتنێن خۆ هـهبـت و دا تو وان ب كار بینى ژى، و وان تشتان ژ
بیـر بكهى یێن ژینێ تێك ددهن و عهمرى بێ تام دكهن و كاروانى دوهستینن.
و ل دهسپـێـكا ڤێ كتێبێ من دڤێت هندهك مهسهلێن گرنگ بهرچاڤ بكهم:
یا ئێكێ: مهخسهد ب ڤێ كتێبێ ئهوه كهیفخۆشى و تهناهى و رحهتى و دلفرههی
ب دهست بكهڤت، و دهرگـههـهك بۆ هیڤى و ئومێد و پاشهڕۆژا گهش ڤهببت. و
ئهو بیرئینانهكه ب دلۆڤانییا خودێ و گونههژێـبـرنا وى، و خـۆهێلانا ب هیڤییا
ویڤه، و هزركرنا باش ژ وى، و باوهرییا ب قهدهرێ، و ژینا د توخویبێ ئهڤـرۆ
دا، و هێلانا ترس و دودلییا ل سهر پاشهڕۆژێ و بیرئینانا قهنجییێن خودێ.
یا دووێ: وئهو بهرگهڕیانهكه بۆ دهركرنا خهم و كۆڤان و كول و كهسهر، و
دودلـى و بێنتهنگى، و بێ هیڤى و بێ ئومێدییێ.
یا سـییـێ: هـهر تـشـتـهكێ د خهلهكا بابهتى دا بزڤڕت ژ قورئانێ و گۆتنێن
پێغهمبهرێ مهعصووم ـ سلاڤ لـێ بن ـ، و مـهتـهلـێـن بـهلاڤ، و
سـهرهاتییێن ب وج، و مالكێن شعرێن كارتێكهر، و گۆتنێن حهكیم و نـۆژدار و
تـۆرهڤانان مـن د ڤـێ كـتـێـبێ دا كۆمكرینه، و چریسكهك ژ سهربۆڕێن بهرچاڤ
و دلیلێن گـهش و پـهیـڤـا ژ دل تێدا ههیه، و ئهو نه ب تنێ وهعزهكه یان
هزرهكا زێدهیه، یان بۆچوونهكا سیاسییه، بهلكى ئهو گازییهكا جددییه
پێخهمهت كهیفخۆشییا ته.
یا چارێ: ئهڤ كتێبه بۆ موسلمانى ونهموسلمانى ژییه، لهو من ههست وشـعـوور
وڕێكێن نـهفـسـا مـرۆڤى ل بهر چاڤ وهرگرتینه، د گهل ل بهرچاڤگرتنا
مهنههجێ خودایى یێ دورست، كو دینێ خۆڕستییێ یه.
یا پێنجێ: د ڤـێ كـتـێـبێ دا گهلهك گۆتنێن ڤهگوهاستى ژ ڕۆژههلاتى
ڕۆژئاڤایییان تو دێ بینى، و بۆ ڤێ چهندێ چو لۆمه ل من نائێنه كرن، چونكى
گۆتنا بنهجه داخوازییا خودان باوهرییه، چى جهێ وى ئهو لـێ دیت ئهو بۆ وى
فهرتره.
یا شهشێ: مـن چـو دههمهن بـۆ كتێبێ نـهداناینه دا ئهو ل بهر خواندهڤانى
گران نهبت، و دا خواندنا وى یا بهردهوام و پـێـكڤه گـرێـدایى بت، وناڤێ
ژێدهرى د بناخهیێ كتێبێ دا گهل تشتێ ژێ هاتییه ڤهگوهاستـن من ئینایه.
یا حهفتێ: وهكى یێن بهرى خۆ هژمارا بهرپهڕى و پشكێ من نهئینایه، چونكى
من دیت ئهو ب ساناهـیـتـر و ب مفاتره، و هندهك جاران ئهز ب دهسكارى
ڤهدگوهێزم و هندهك جاران دهق ودهق، و هندهك جاران ژى ب وى ڕهنـگـێ ئـهز د
پهرتووكێ یان كۆڤارێ گههشتیم.
یا ههشتێ: ئهڤ كتێبه ل سهر دهرگهه وناڤـبـڕان من لێكـڤـه نـهكرییـه،
بهلكى من ب گهلهك ڕهنگان گۆتن پێشكێش كرییه، و دبت هندهك جاران من بابهت
تێكهلـى ئێك كربن، و ئهز ژ گۆتنهكێ چووبـمـه ئێكا دى و پشتى چهند
بهرپهڕهكان جارهكا دى ئهز لـێ زڤڕیبمه ڤه، دا بۆ خواندهڤانى ب تامـتـر
وخۆشـتـر بت، و ل بهر چاڤێن وى جوانتـر بت.
یا نههێ: مـن گـۆتـن ب ئینانا هژمارێن ئایهت وتهخریجا حهدیسان درێژ
نهكرییه، وئهگهر حهدیس یا لاواز بت من ئهو چهنده ئاشكهرا كرییه، و
ئهگهر یا دورست بت یان یا باش بت من ئیشارهتا دایه وێ چهندێ و دبت من خۆ
بێ دهنگ كربت، ئهڤه ههمى پێخهمهت كورتكرنێ، و دا گۆتن دوباره و بێ تام
نهبت، ((وئهوێ خـۆ ب وى تـشـتـى بینته دهر یـێ بـۆ نههاتییه دان وهكى
وییه یێ دو كراسێن ژ درهو كرینه بهرخۆ)).
یا دههێ: دبـت خـوانـدهڤـان دوبارهكـرنا هندهك ڕامانان د پتـر ژ قالبهكى دا
ببینت، و ئهو ب خۆ ئهو چهند من ژ قهستا نهكرییه، بهلكى من هزر د گهلهك
شێوهیـێـن جودا جودا دا ئینایه دا ئهو پتـر بنهجـه بـبـت، و دا ئـهو زانـیـن
ب گـهلهك ڤـهگوهاستنێ د سهرى دا بێته چاندن، و ههچى كهسێ قورئانێ
بخوینت دێ ڤێ چهندێ بینت.
ئهڤه دهه مهسهلێن دورست بوون، من دڤێت پێشكێشى وى كهسى بكهم یێ بڤێت ڤێ
كتێبێ بخوینت، و هیڤییا من ئهوه ڤێ كتێبێ ڕاستى دگـۆتنێ دا، و دادى د حوكمى
دا، و وژدان وئنصاف د ئاخفتنێ دا وباوهرییا باوهرى د زانـیـنـێ دا، و
سـهرڕاستى د بـۆچـوونێ دا، و ڕۆناهى د دیتنێ دا د ناڤ خۆ دا هلگرت بت.
ئهز ب ڤێ كتێبێ ههمییان دئاخـێـڤم، و گازییێ ئاراستهیى ههمییان دكهم، و
مـهخـسـهدا من پێ دهستهكهكا تایـبـهت، و جـیـلهكـێ دهسنیشانكرى، و
كـۆمـهكـا توخویبدایى، و باژێرهكێ ب تنێ نهبوویه، بهلكى ئهو بۆ ههر
كهسهكییه یێ بڤێت بـژیـت ژینهكا ب خۆشى.
ورصـعـت فـيـه الـدر حـتـى تركته
يـضيء بلا شـمس ويسري بلا قمر
فـعـيـنـاه سـحـر والـجـبـيـن مهند
ولله در الـرمـش والجید والـحور
(یهعنى : من دوڕ ومرارى تێدا ڤههاندینه حهتا من وهلێكرى ئهو بێ ڕۆژ گهش
بكهت ، وبێ ههیڤ تاڤێ بدهت ، ڤێجا چاڤێن وێ سێرهبهندییه وئهنى وهكى
شیرى سپى دكهت ، ووهى بۆ موژیلانك وگهردهن وچاڤێن وێ یین ڕهش ! )
