جلکێن جەهنەمییان
دئایەتەکا پیروز دا خودایێ مەزن دبێژت: (فَالذِينَ كَفَرُوا قُطِّعَتْ لَهُمْ ثِيَابٌ مِنْ نَار يُصَبُّ مِنْ فَوْقِ رُءوسِهِمْ الْحَمِيمُ ) ڤێجا ئەوێن کافر بووین عەزاب وەکی جلکی دوان دئالیێت ، و کراسێ ژ ئاگری بو وان یێن هاتینە دروستکرن ، ڤێجا لەشێن وان دبرێژت ، و ئاڤا زێدە کەلاندی ل هنداڤی سەرێن وان دئێتە رێتن ( الحج : 19 ) .
ژڤێ ئایەتێ ئاشکەرا دبت کو جلکێن جەهنەمییان ژ ئاگری دفەصالکرینە و لبەر وان دئێنەکرن، و بو پتر ئاشکەراکرن خودایێ مەزن دئایەتەکا دی دا بەحسێ جلکێن جەهنەمییان دکەت و دبێژت: (وَتَرَى الْمُجْرِمِينَ يَوْمَئِذٍ مُقَرَّنِينَ فِي الأَصْفَادِ . سَرَابيلُهُمْ منْ قَطِرَانٍ وَتَغْشَى وُجُوهَهُمْ النَّارُ) و تو (ئەی موحەممەد) ل روژا قیامەتێ تاوانباران دبینی ب قەیدان دگرێداینە و دەست و پێیێن وان ب زنجیران یێن گەهاندینە ئێك، و ئەو درەزیل و شەرمزارن . جلکێن وان ژ وێ قەترانێنە یا زوی دئێتە سوتن ، و ئاگر ب رویێن وان را دچت و دسوژت ( إبراهيم : 49-50 ) .
و دگوتنەکێ دا ژ (ئبن عەبباسی) دئێتە ڤەگوهاستن کو مەعنا پەیڤا(قطران)ئەوا دئایەتێ دا هاتی سفرێ حەلاندییە ، و ئاشکەرایە کو ئەڤ جلکە بو هندێ نینە دا جەهنەمی پێ بێنە ستارەکرن ، بەلکی بو هندێ یە دا عەزابا وان پێ زێدەتر لێ بێت.
