حهدیسا چل و ئێكێ
عَنْ عَبْدِ الله بْنِ عَمْرو - رَضِيَ الله عَنْهُما – قَالَ: قَالَ رَسُولُ الله -صَلَّى الله عَلَيْهِ وَسَلَّمَ-: ( لا يُؤمِنُ أَحدُكُم حتّى يكونَ هَواهُ تَبَعاً لِما جِئتُ بِهِ ). حديث حسن صحيح رويناه في كتاب الحجة
ژ عهبدللاهێ كوڕێ عهمرى -خودێ ژێ رازى بت- دبـێـژت: پێغهمبهرى -سلاڤ لێ بن- گۆت: ئێك ژ ههوه باوهریێ نائینت حهتا ڤیان ودلچوونێن وى ل دویڤ وێ بن یا ئهز پێ هاتیم. حهدیسهكا باش ودورسته مه د كتێبا (الحجة) دا ڤهگوهاستیه
🌼ئهڤ حهدیسه:
ب ڤـى ڕهنـگـى ئـیـمـامـێ نهوهوى ڤێ حهدیسێ ڤهدگوهێزت، وحوكمى ب دورستیێ ل سهر ددهت، ووى ئهو ژ كتێبا (الحجة على تاركي سلوك طریق المحجة) ڤهگوهاستیه، وهكى ئهو ب خۆ دبێژت، وئهو كتێب ژ دانانا (أبو الفتح نصر بن إبراهیم المقدسى)یه، بهلێ زانایێن حهدیسێ د گهل وى نینن د ڤى حوكمى دا، بهلكى وان حوكم ب (ضهعیفى)یێ ل سهر ڤێ حهدیسێ دایه، وئهگهرێن لاوازیا حهدیسێ زانایێ ناڤدار (ابن رجب) د كتێبا خۆ (جامع العلوم والحكم) دا ڤهدگێڕت.
🌼شهرتێ باوهریا تمام:
ئهڤ حهدیسه هندێ دگههینت كو مرۆڤ نابته خودانێ باوهریهكا تمام حــهتـا ڤیان ودلچوونێن وى ل دویڤ وى شریعهتى بن یێ پێغهمبهرێ خودێ -سلاڤ لێ بن- پێ هاتى، ژ حهلالى وحهرامى، وئهمر ونههیان، یهعنى: حهتا ئهو دلێ خۆ ل دویڤ شریعهتى دبهت.. نه وهكى هندهك كهسان ئهوێن دڤێن شریعهتى ل دویڤ ههوایێ نهفسا خۆ ودلچوونێن خۆ ببهن!
و د گهلهك جهان دا مهعنایهكا وهكى ڤێ د قورئانێ دا هاتیه، وهكى ڤێ ئایهتێ: (فَلَا وَرَبِّكَ لَا يُؤْمِنُونَ حَتَّىٰ يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا) (النساء: 65) مهعنا: ئهى موحهممهد، باوهریا وان تمام نابت حهتا ئهو ب حوكمێ ته رازى نهبن د وى تشتى دا یێ د ناڤبهرا وان دا چێ دبت، ونه بهس ئهورازى ببن، بهلكى وان ب دلى ژى پێ خۆش بت، وئهو خۆ بۆ تهسلیم بكهن.
وئهڤه نیشانا ڤیانا دورسته، ئــهوێ حـهز ژ خــودێ وپێغهمبهرى بكهت، و د ڤیانا خۆ دا یێ ڕاستگۆ بت، دڤێت دویكهفتنا وان بكهت، و ب حوكمێ وان یێ رازى بت.. وبهرانبهر ڤێ چهندێ: ئهوێ ل دویڤ شریعهتى نهچت، وهندهك بیدعهیان ل دینى زێده كهت، مهعنا ئهو د ڤیانا خۆ دا بۆ خودێ وپێغهمبهرى -سلاڤ لێ بن- یێ ڕاستگۆ نینه.
پێغهمبهر -سلاڤ لێ بن- د گۆتنهكا خۆ یا دى دا، یا ئهبوو داوودێ ژێ ڤهدگوهێزت، دبێژت: ( مَنْ أَحَبَّ لله وَأَبْغَضَ لله وَأَعْطَى لله وَمَنَعَ لله فَقَدِ اسْتَكْمَلَ الإِيمَانَ ) ههچیێ ڤیان ونهڤیان ودان ونهدانا وى بۆ خودێ بت، ئهو وى باوهرى تمام كر.
⚪️مفایێن حهدیسێ:
1- ئهڤ حهدیسه شهرتێ باوهریا تمام بۆ مه بهرچاڤ دكهت.
2- دڤێت مرۆڤ د ههمى حالێن خۆ دا، ڤیان ودلچوونێن خۆ ل دویڤ شریعهتێ خودێ ببهت.
