كیتابا سویندان
الحلف إنما يكون باسم الله تعالى أو صفة له، ويحرم بغير ذلك، ومن حلف فقال: إن شاء الله فقد استثنى، ولا حنث عليه، ومن حلف على شيء فرأى غيره خيرا منه فليأت الذي هو خير، وليكفر عن يمينه، ومن أكره على اليمين فهي غير لازمة، ولا يأثم بالحنث فيها، واليمين الغموس هي التي يعلم الحالف كذبها، ولا مؤاخذة باللغو، ومن حق المسلم على المسلم إبرار قسمه، وكفارة اليمين هي ما ذكره الله في كتابه العزيز.
(سویند ههما ب ناڤێ خودێ دبت، یان ب سالۆخهتهكێ وى، و ئهو ب ههر تشتهكێ ژ بلى وى بت حهرامه) ژ بهر گۆتنا پێغهمبهرى -سلاڤ لێ بن- ئهوا بوخارى و موسلم ژێ ڤهدگوهێزن، دبێژت:( من كان حالفا فليحلف بالله أو ليصمت )یهعنى: ههچییێ سویند بخۆت بلا ب خودێ سویند بخۆت، یان خۆ بێ دهنگ بكهت.
(و ههچییێ سویند بخۆت و بێژت: ئهگهر خودێ حهز بكهت، سویند ل وى ناكهڤت، و ههچییێ سویندێ ل سهر تشتهكى بخۆت، پاشى تشتهكێ دى یێ باشتر ژێ ببینت، بلا ئهو تشتێ باشتر بكهت و كفارهتا سویندا خۆ بدهت، و ههچییێ بێته نهچاركرن كـو سـویـنـدێ بـخـۆت، لازم نینه ئـهو پێگیرێ سویندا خۆ بت، و ئـهو ب شكاندنا وێ سویندێ گونههكار نابت، و ئهو سویندا خودانى د گونههێ دا نقۆ دكهت ئهوه یا مرۆڤ مسۆگهر بزانت كو درهوه، و بۆ سویندا نه ژ دل بت چو گونههـ تێدا نینه) ژ بهر گوتنا خودێ:
( لا يؤاخذكم اللـه باللغو في أيمانكم ولـكن يؤاخذكم بما عقدتم الأيمان )(المائدة: 89)
(و مافێ موسلمانى ل سهر موسلمانى ئهوه سویندا وى نهشكێنت، و كفارهتا شكاندنا سویندێ ئهوه یا خودایێ مهزن د قورئانا پیرۆز دا گۆتى) كو ئهڤ ئایهتهیه:
(فكفارته إطعام عشرة مساكين من أوسط ما تطعمون أهليكم أو كسوتهم أو تحرير رقبة فمن لم يجد فصيام ثلاثة أيام ذلك كفارة أيمانكم إذا حلفتم واحفظوا أيمانكم كذلك يبين اللـه لكم آياته لعلكم تشكرون)(المائدة: 89)
یهعنى: كفارهتا شكاندنا سویندێ ئهوه خوارنێ بدهته دههـ ههژاران، یان جلكان بۆ وان بكڕت، یان بهنییهكى ئازا كهت، و ئهگهر چو ژ ڤان پێڤه نههات، دێ سێ ڕۆژان یێ ب ڕۆژى بت.
