(1)
ب خێر بێت رهمهزان
جارهكا دى وپشتى چاڤهڕێیهكا یازده ههیڤان ڤهكێشاى رهمهزان هاته ڤه، ب خێر وبهرهكهت ڤه هات، دا ببته مێڤانهكێ عـهزیـز یـێ دویر كهفتنا وى ل خۆشتڤییان درێژ بووى، ئهو مێڤانێ ئهڤه سالهكه خێزانا موسلمان ل هیڤىیا هاتنا وى..
ووهكى ئهم ههمى دزانین ههر جارهكا خێزان ب هاتنا مێڤانهكێ عهزیز ب حهسیێت، لێ دگهڕیێت ب ههمى شیانێن خۆ ڤه بهرههڤىیا هاتنا وى مێڤانى كهت، مالا خۆ بۆ ئاماده كهت، وئهندامێن خۆ ژ لایێ نهفسى ڤه بۆ پێشوازىیا وى بهرههڤ كهت، وهندهك گوهۆڕینێ ئێخته ژڤانێن كارێ خۆ وسهروبهرێ ژینا خۆ.. وچهند ئهڤ مێڤانه یێ ب بهاتر بت، بهرههڤى بۆ هاتنا وى دێ یا مهزنتر بت. وهوین چ دبێژن ئهگهر ئهو مێڤان ئهو بت یێ ب ملیوونان مرۆڤ ل هیڤىیێ بن، وهكى وى مێڤانى یێ ئهڤرۆ ئهم ب دیتنا خۆ چاڤروهن ودلخۆش كرین؟
بێ گومان پێشوازى یا لێ دئێتهكرن دێ یا گهرمتر بت، ژ ل سهر ئاستێ رهسمى یێ دهولهتـێ بـت، چ ل سهر ئاستێ خێزانێ بت، یان ژى ل سهر ئاستێ كهسایهتى بت..
وپێشوازى ل هاتنا ههیڤا رهمهزانێ، ژ هــهمــى لایــان ڤــه یـا گهرمه، ل سهر مستهوایێ رهسمى یێ دهولهتێ -وهكى ئهم دبینین- پترىیا دهولــهتــێـــن مــوســلـمــانــان ژڤــانـێـن كاركرنێ ل دهزگههێن خۆ دگوهۆڕن، و ب نڤیسینێن رهسمى ڕۆژی شكاندنا (عهلهنى) وبهرچاڤ قهدهه دكهن وهك رێزگرتنهك ل ڤێ ههیڤێ وههستێ ڕۆژیگران، وهندهك دهولهت پترىیا ڤێ ههیڤێ دكهنه بێنڤهدان بۆ هندێ دا خهلك بشێن ب ئێكجارى خۆ بۆ پێشوازیكرنا ل ڤى مێڤانى ڤالا بكهن، وههر ل سهر مستوایێ رهسمى ویێ نیڤ رهسمى ژى وهێشتا بهرى هاتنا ڤێ ههیڤێ ب دهمهكى دهزگههێن ڕاگههاندنێ خۆ بهرههڤ دكهن بۆ ئامادهكرنا كۆمهكا بهرنامهیێن نـوى ویـێـن تـایـبـهت ب ڤـێ ههیڤێ ڤه (یێ ددورست ویێن نهدورست ژى!).
و ل سهر مستوایێ خێزانێ ژى، خێزان ههوجهیێن خۆ (یێن خوارن وڤهخوارنێ ب تایبهتى) پهیدا دكهت، ودبت ئهو بهرنامهیهكێ نوى بۆ قهتاندنا دهمى و ب ڕێڤهبرنا سهروبهرێ ژینا ڕۆژانه بۆ خۆ بدانت..
و ل سهر ئاستێ كهسایهتى ژى دێ بینى مرۆڤێ موسلمان، خۆ گهلهك ژ وان یێن بهرى وپشتى رهمهزانێ چو ئعتبارێ بۆ دیندارىیێ نهدانن ژى، ل ڤى دهمى ب ئحترام وڕێزگرتن ڤه ل بهرانبهر ڤى مێڤانى ڕادوهستن، هندهك ڤێ ههیڤێ بۆ خۆ ب باشترین دهلیڤه دزانن كو تێدا ل خۆ بزڤڕن وهندهك حسێبێ د گهل خۆ بكهن، وئێكا هند بكهن كو گونههێن وان یێن بۆرى بۆ بێنه ژێبرن، وبهرپهڕهكێ دى یێ نوى د گهل خودایێ خۆ ڤهكهن.
ومرۆڤێ موسلمان د گهل ڤێ ههیڤێ ئێك ژ دوانه:
- یان موسلمانهكێ دیندار وعیبادهتكهره، وئهڤه ب كهیف وشهوق ڤه پێشوازىیێ ل ڤێ ههیڤێ دكهت، وشوكرا خودێ دكهت كو ئهو گههاندىیه مهوسمێ عیبادهتى یێ خێر تێدا دئێنه زێدهكرن، وخێرخواز تێدا دئێنه خهلاتكرن، وجهووێ زێدهبوونا باوهرىیێ تێدا دئێته بهرههڤكرن، لهو دێ بینى ئهو زهند وباسكێن خۆ هلددهت، و(مونافهسێ) د گهل عیبادهتكهران دكهت، دا هندى ژێ بێت خۆ پتر نێزیكى خودێ بكهت..
- یان ژى موسلمانهكێ گونههكاره، وئهڤه ژى ئهگهر ئهصلێ باوهرىیێ ل نك ههبت، ڤێ ههیڤێ -وهكى مه گۆتى- بۆ خۆ ب باشترین دهلیڤه دزانت كو تێدا ل خۆ بزڤڕت وهندهك حسێبێ د گهل خۆ بكهت، وهندهك ژى ئهوێن خودێ خێر بۆ نهنڤیسى، هاتنا ڤێ ههیڤێ تارىیێ ل سهر تارىیێ ل وان زێده دكهت، لهو دێ بینى ئهڤ ههیڤه دئێت ودچت بێى چو گوهۆڕینێ ل وان بكهت..
هیڤىیا مه ژ خودێ ئهوه ئهو مه بكهته ژ وان كهسان یێن ب كهیف ڤه پێشوازىیێ ل ڤێ ههیڤێ دكهن، و ب مفا ڤه ژێ دهردكهڤن، ژ وان یێن رهمهزان ڕۆناهىیێ ل وان زێده دكهت، نه كو تارىیا ل سهر تارىیێ، و ب خێر بێت رهمهزان..
