(الله) خودایێ مـەیـە
كوڕێ من: باوەری ئینانا ب خودێ ب ڕەنگەكێ دورست ستوینا ئێكییە ژ ستوینێن باوەرییا مـرۆڤـێ مـوسلمان، لەو دڤێت بەری هەر تشتەكی باوەرییا مە ب خودێ یا موكم و ب هێز بت وئەم ب دورستی خودایێ خۆ بناسین.
1 ـ ڕامانا پەیڤا (لا إلە إلا الله):
كلیلا ئیسلامێ وباوەرییێ وەكی ئەم دزانـیـن پەیڤا شاهدەدانییە، ئەوا ب
ڤێ پارچەیێ دەست پێ دكەت: (لا إلە إلا الله) وڕامانا ڤـێ پەیـڤـێ
ئـەوە مـرۆڤ باوەرییـێ دئینت كو ژ وی خودایی پێڤەتر ئەوێ ب عەرەبی
دبێژنێ: (ئەللاه)، چو خودایێن دی یێن ب حەق نینن هەژی هندێ بن كو
پەرسـتـن بۆ بێتەكرن، چونكی خودییە ئەم وهەمی چێكری ئافراندین، وئەوە رزق
دایە مە، وئەوە ژینێ ومرنێ ددەت..
2 ـ چاوا دێ خودایێ خۆ ناسین؟
•كـوڕێ من: بەری هەر تشتەكی دڤێت مرۆڤ خودایێ خۆ بناست، دا بـزانـت
كانێ ئەو بۆچی هاتییە ئافراندن، وكانێ كارێ وی د ڤێ دنیایێ دا چیە..
ومرۆڤ نەشێت ڤێ زانینا هە ب دورستی ب دەست خۆ بێخت ئەگەر خودایێ وی ب خۆ
ڤێ زانینێ نیشا وی نەدەت وبەرێ وی نەدەتێ، وحەتا مرۆڤ ب دورستی خودایێ
خۆ بناست دڤێت كیتابا وی ـ كو قورئانە ـ وحەدیسێن پێغەمبەرێ وی ـ سلاڤ
لـێ بن ـ بخوینت.
3 ـ خودایێ مە كییە؟
خودایێ مە (ئەللاهە)، ئەوێ عەرد وعەسمان وهەمی چێكری ئافراندین، د
دنیایێ دا ب چاڤ نائێتە دیـتـن، بەلـێ مرۆڤ وئەڤ چێكرییێن دی یێن وی
ئافراندین، یێن كو ئەم ب چاڤ دبینین، هەمی نیشانن ل سەر هەبوونا وی وكو ئەو
خودایەكێ ب تنێ وخودان هێز وشیانە.
خودایێ مەزن د قورئانێ دا، وپێغەمبەرێ وی موحەممەدی ـ سلاڤ لـێ بن ـ د
گۆتنێن خۆ دا ناڤ وسالۆخەتێن خودایێ مە بۆ مە ئاشكەرا كرینە دا ئەم ب
دورستی وی بناسین..
و ژ وان ناڤان یێن خودێ بۆ خۆ داناین:
(الله) ئانەكۆ: ئەوێ ب دورستی پەرستـن بۆ دئێتە كرن، وئەڤە مـەزنـتـرین
ناڤێ خـودییـە، و (الـرحـمـن) ئانكۆ: خـودایـێ پڕدلۆڤان، و (الرحیم)
ئانكۆ: ئەوێ كارێ وی دلۆڤانی، و (العزیز) ئانكۆ: یێ زال ئەوێ كەس
نەشێتێ، و (الخالق) ئانكۆ: یێ ئافراندەر، ئەوێ هەمی چێكری
ئافراندین..
و ژ وان سالۆخەتان یێن وی بۆ خۆ دەسنیشانكرین:
زانـیـن، دلۆڤانی، ژین، دیـتـن، بهیستـن، گونەهــ ژێبـرن، هـێـز وشیان..
وگەلەكێن دی.
4 ـ بۆچی خودێ ئەم داینە؟
خودایێ مە ب خۆ د قورئانێ دا بۆ مە ئاشكەرا دكەت ودبێژت كانێ بۆچی وی
ئەم ئافراندینە، دەمێ د ئایەتەكا پیـرۆز دا دبێژت:
[ ومَا خَلقْتُ الْجِنَّ والإِنسَ إِلا لِيعْبُدُونِ ]
ئانكۆ: من ئەجنە ومرۆڤ بۆ هندێ یێن ئافراندین دا ئەو پەرستنا من بكەن.
وپەرستـن ئەوا ب زمانێ عەرەبی دبێژنێ: (عیبادەت)، ئەوە مرۆڤ وان هەمی
كاران بكەت یێن خودێ فەرمان پێ ل مە كری، وخۆ ژ وان تشتان ژی بدەتە پاش
یێن وی گۆتییە مە نەكەن.
وگەلەك ڕەنگێن پەرستنە هەنە: (كرنا نڤێژان پەرستنە. وگرتنا ڕۆژییان
پـەرسـتـنـە. ودانا زەكاتـێ پـەرسـتـنە. چوونا حەجێ پەرستنە. خۆدویركرنا
ژ گۆتنێن كرێت ودرەو پەرستنە. وهاریكارییا مرۆڤێن پێتڤی پەرستنە).
وهەر كارەكێ باش یێ مرۆڤ بكەت، یان هەر كارەكێ خراب یێ مرۆڤ نەكەت،
ئەگەر مەخسەدا مرۆڤی پێ رازیبوونا خودێ بت، پەرستنە.
ومفایێ پەرستنێ هەر بۆ مە دزڤڕت، چونكی ئەو كەسێ پەرستنا خودێ بكەت
دێ بتە مرۆڤەكێ چاك وباش، وئەو هەردەم دێ د خێرا وەلات ومللەتێ خۆ دا
بت.
5 ـ خودێ هەمی تشت ئافراندینە:
•كوڕێ من: تو بزانە هەر تشتەكێ د دنیایێ دا هەی خودێ ئەو یێ
ئافراندی، وئەڤ عەردێ هندە بەرفرەه، ئەڤ عەسمانێ هندە بلند ومەزن خودێ
یێن چێكرین دا ئەم مرۆڤ مفایی بۆ خۆ ژێ ببینین، ودا ئەم هزرێن خۆ تێدا
بكەین وبزانین كو ئەو خودایێ ئەڤ هەمی تشتە بۆ مە چێكرین خودایەكێ
مـەزنـە، ویێ هەژییە ئەم پەرستنا وی بكەین، وگوهدارییا گۆتنێن وی بكەین.
ڤێجا هەچی گاڤا مە بەرێ خۆ دا ڤان تشتێن خودێ بـۆ مە ئافراندین، وئـەم ژ
مەزنییا وان مەندەهووش ماین، دڤێت ئەم بێژین: سوپاس بۆ تە ئەی خودایێ
مە.
پسیار وچالاكی
(1)
هندەك ڕەنگێن پەرستنێ دەسنیشان بكە:
1 ـ
2
ـ
3 ـ
4
ـ
(2)
هندەك ژ وان سالۆخەتان یێن خودێ بۆ خۆ دەسنیشانكرین بێژە:
1 ـ
2 ـ
3 ـ
4 ـ
(3)
گاڤا ئەم پەرستنا خودێ دكەین، مفایێ ڤێ پەرستنێ بۆ كێ دزڤڕت؟
(4)
ئەرێ تو دزانی بۆچی خودێ ئەم ئافراندینە؟
..........................................
موعـەلـم بلا دل وەكی بـەر بتـن
دڤێتن كو شاگردێ دلبەر بتـن
(ئەحمەدێ خانی)
