(23) قهنجى سێنه
قهنجى سێنه:
قهنجیهكا چێبووى و عهبد پێ دزانت.
و قهنجیهكا چێ نهبووى و ئهو چاڤهڕێی چێبوونا وێیه.
و قهنجیهكا ئهو د ناڤ دایه، بهلێ ئهو پێ ناحهسیێت.
ڤێجا ئهگهر خودێ ڤیا قهنجیا خۆ ل سهر عهبدێ خۆ تمام بكهت، ئهو:
- دێ وى ب قهنجیا خۆ یا ئاماده ئاگههدار كهت، و ئهو دێ هند شوكرا خــۆ دهتــێ كــو وێ قـهنـجـیـێ پـێ گرێدهت، دا نهڤهڕست، چونكى قهنجى ب گونههێ دڤهڕست و ب شوكرێ دئێته گرێدان.
- و دێ بهرێ وى دهته كارهكێ وهسا قهنجیا چاڤڕێكرى پێ ب دهست ڤه بێت، و دێ وى ب وان ڕێكان ئاگههدار كهت یێن ڕێ ل وێ قهنجیێ دگرت؛ دا ئهو خۆ ژێ بدهته پاش، حهتا ئهو ب تمامترین ڕهنگ دگههنه وى.
- و ئهو دێ وى ب وان قهنجیان ژى ئاگههدار كهت یێن ئهو د ناڤ دا و ئهو پێ ناحهسیێت.
دبێژن: ئهعرابیهك چوو نك هاروون ئهررهشیدى، و گۆتێ: ئهی ئهمیر ئهلموئمنین! خودێ ب دهوامیا شوكرێ ته ل سهر وان قهنجییان موكم بكهت یێن تو د ناڤ دا، و ب هزرا ته یا باش ژ وى و بهردهوامیا طاعهتى ئهو وان قهنجیان بۆ ته ب جهـ بینت یێن تو ل هیڤیێ، و ئهو ته ب وان قهنجیان ژى ئاگههدار بكهت یێن وى د گهل ته كرین و تو پێ ناحهسیێى دا تو شوكرا وى سهرا بكهى.
ئینا كهیفا هاروونى ب ڤێ لێكڤهكرنا وى بۆ قهنجیێ هات وگۆت: چهند لێكڤهكرنهكا تازهیه.
