(3)
زارۆكێن مه و ڕۆژیگرتن
مهلكهكى ژ مهلكێن دنیایێ، خهمهكا مهزن ژ پهروهردهكرن وفێركرنا زارۆكهكێ خۆ دخوار، هێشتا ئهوێ بچویك ل دیوانا حوكمى ئاماده دكر، وفێرى هۆنهرێ سیاسهتێ وڕێڤهبرنا كاروبارێ دهولهتێ دكر، حهتا هندهك ژ زهلامێن دیوانا وى ئهڤ چهنده ب غهریبى ڤه ژێ وهرگرت، ئینا ڕۆژهكێ وى گۆته وهزیرێ خۆ: ههچىیێ كوڕێ باش تهربیهت كهت، دفنا دوژمنێ خۆ دێ ل ئاخێ دهت! ڤێ گۆتنێ من دڤێت بكهمه دهرگههـ بۆ پهیڤا خۆ یا ئهڤرۆ كو ل دۆر زارۆكێن مه وڕۆژیگرتنێیه..
تشتهكێ ئاشكهرایه د شریعهتى دا كو (تهكلیف) ل مرۆڤى نائێتهكرن هندى یێ بالغ نهبت، ومهعنا گۆتنا مه تهكلیف لێ نائێتهكرن، ئهڤهیه: ئهگهر هات ووى كارهكێ واجب نهكر (وهكى نڤێژێ یان ڕۆژىیێ) ل سهر وى نائێته هژمارتن گونههـ، وچو عقووبه د دنیایێ ژى دا ژێ ناگرن. بهلێ مــهعـــنـــا ڤــێ ئــــهو نــیـنــه ئهم دهستان ژ مرۆڤێ بالغ نهبووى بكێشین، و ب هێجهتا هندێ كو ئهو هێشتا زارۆكه، وسهربهرداى بهێلین، بێژین: بلا نهدهخست!
شفك ئهگهر ژ تهڕى نهئێته چهماندن، پشتى هشك دبت گهلهك دێ یا ب زهحمهت بت بێته چهماندن، ئهو كهسێن دخوازن (دین) بۆ زارۆكان نهئێته گۆتن، ڤێ چهندێ دزانن لهو وێ داخوازێ دكهن.. وئیسلامێ گرنگىیهكا مهزن دایه زارۆكى ب ههمى لایان ڤه ب تایبهتى لایێ پهروهردهكرن وبهرههڤكرنێ ڤه بۆ ب جهئینانا (تهكالیفێن شهرعى) ڤه، وپێغهمبهر -سلاڤ لێ بن- د حهدیسهكا خۆ دا فهرمانێ ل مه دكهت كو ئهم ل حهفت سالىیێ زارۆكى فێرى نڤێژێ بكهین.. ووهكى نڤێژێ ڕۆژى، ههر چهنده دڤێت ژ بیرا خۆ نهبهین كو ڕۆژى ژ نڤێژێ ب زهحمهتتره، بهلێ بهرانبهر ڤێ زهحمهتێ (رهغبهت ودافعهكێ ذاتى) یێ پتر ل نك زارۆكى بۆ ڕۆژىیێ ههیه وى پال ددهت كو تهحهمموللا هندهك نهخۆشىیێ بكهت پێخهمهت گرتنا ڕۆژىیێ، ئهو ژى دافعێ خۆئینانه پێشه! یهعنى: زارۆك ههست ب كهیفهكا مهزن دكهت دهمێ ئهو ڕۆژىیهكێ دگرت، چونكى ئهو هزر دكهت كو ئهو ژ مهزنان دئێته هژمارتن، لهو دێ بینى زارۆك یێ ڕژده ل دهمێ پاشیڤێ ڕاببت، ئهگهر خۆ ڕۆژا د دویڤ دا ئهو یێ ب ڕۆژى نهبت ژى..
ئهڤى دافعێ ل نك زارۆكى ههى دڤێت ئهم ئستغلال بكهین دا وى فێرى ڕۆژیگرتنێ بكهین، هندهك دهیباب ههنه حهز ناكهن (یان ناهێلن) زارۆكێ وان ڕۆژىیێ بگرن، ب هێجهتا هندێ كو ئهو نهشێت ڕۆژىیێ بگرت، وئهڤه كارهكێ دورست نینه.. ئازادىیێ بده زارۆكى كو سپێدێ یێ ب ڕۆژى بت، وئهگهر نیڤرۆ ههست ب برسهكا زێده كر مهنعا وى نهكه ئهو ڕۆژىیا خۆ بخۆت، وتهشجیعا وى بكه، وبێژێ: گهلهك باشه ئهڤه نیڤ ڕۆژى ته گت، سوباهى ژى نیڤێ بگره ئهڤه ئێك! وڕۆژا د دویڤ دا ئهگهر گۆت: ئهز دێ یێ ب ڕۆژى بم، نهبێژێ: تو ژ خۆ وه دبێژى دوهى ژى ته نهگرت!
خوارن وڤهخوارن تشتێ ژ ههمىیان گرنگتره ل نك زارۆكى، ئهگهر ئهو هێشتا زارۆك فێرى هندێ بوو پێخهمهت ئارمانجهكا بلند پشت بدهته خوارن وڤهخوارنێ، وتهحهمموللا نهخۆشىیێ بكهت دا بگههته وێ ئامانجێ یا وى ل بهرا خۆ داناى، سوباهى دهمێ ئهو مهزن دبت ژێ نهترسه كو ئهو د ژینا خۆ دا یێ سهركهفتى بت.
زارۆكێ ته دهمێ خۆ فێرى ب هێزكرنا (ئیرادهیا) خۆ دكهت ب گرتنا ڕۆژىیێ بلا كهیفا ته بێت، چونكى ئهڤ ئیرادهیه یا ل پاشهڕۆژێ وى دگههینته ڕێزا سهركهفتىیان، (ئیمامێ بوخارى) د (صهحیحا) خۆ دا (بابهك) دانایه ل بن ناڤێ (ڕۆژیگرتنا زارۆكان) بــۆ هــنـدێ دا ئهو بنهجهـ بكهت كو صهحابىیان -بۆ فێركرن ومهشقدان- فهرمان ب ڕۆژىیێ ل زارۆكێن خۆ دكر ئهو ڕۆژییان بگرن، وكو وان هندهك یارى ژ هرىیێ بۆ زارۆكان چێ دكرن، دا پێڤه موژیل ببن وبرسێ ژ بیر بكهن، حهتا ڕۆژى ب دویماهى هاتبا.. ڤێجا ئهگهر ته بڤێت دفنا دوژمنێن خۆ ل ئاخێ بدهى خهمێ ژ تهربیهتا زارۆكێ خۆ بخۆ، وگوهـ نهده وان ئهوێن دبێژن: زارۆكێن خۆ ب نڤێژ وڕۆژىیان ڤه نهدهخسینن!
زارۆكـێ تــه ئــهڤــرۆ.. زهلامــێ ئــومـمهتێ یێ سوباهىیه، وتو ئهڤرۆ چ بچینى سوباهى دێ وى ههلینى، و ژ بیر نهكه ل قیامهتێ پسیارا كوڕ وكچێن ته دێ ژ ته ئێتهكر كانێ ته چاوا ئهو تهربیهت كربوون.
