(6) ژ ڕامانێن عبوودییهتێ
وههر د وێ ئعترافێ ب عبوودییهتێ دا یا دوعاكهر د دوعایا خۆ دا دكهت، دهمێ دبێژت: ( اللَّهُمَّ إِنِّي عَبْدُكَ، وَابْنُ عَبْدِكَ، وَابْنُ أَمَتِكَ )هژمارهكا ڕامانێن عبوودییهتێ ههنه.. عهبد دهمێ دبێژته خودایێ خۆ: ئهز ودهیك وبـابـێـن مـن ژى عهبدێن تهینه، ئهو ب خۆشكاندن ولێزڤڕین ڤه پێگیریێ ب عهبدینیا وى دكهت، وژارى وههوجهییا خۆ بۆ وى ئاشكهرا، وخۆ دهێلته ب هیڤیا وى ڤه.
ودهمێ ئهو ئعترافێ ب عهبدینیا خۆ بۆ خودێ دكهت، ودبێژتێ: ( إِنِّي عَبْدُكَ ) ئهو یێ ئاشكهرا دكهت كو ئهو ب ههمى ڤه، و ژ ههر لایهكى ڤه، و ل ههر دهمهكى عهبدێ وییه، دهمێ یێ بچویك ودهمێ یێ مهزن، ساخ ویێ مرى، وگوهدار ویێ نهگوهدار، ب رحێ ودلى، ب ئهزمانى ولهشى..
ئهز عهبدێ تهمه ( یهعنى: ب مالێ خۆ ونهفسا خۆ، چونكى عهبد وههر تشتهكێ وى ههى، ملكێ سهییدێ وینه، وهـهر نعمهتـهكـا عهبد تێدا ژ قهنجیا سهییدێ وییه، لهو عهبد ب ڤێ گۆتنا خۆ ب ڕهنگهكێ نه یێ ئێكسهر ئعترافێ نعمهتا خودایێ خۆ ژى ل سهر خۆ دكهت.
وعهبدینى هندێ دگههینت كو عهبد تهصهرووفێ د تشتهكى دا ژ مال ونهفسا خۆ ناكهت بێى ئهمر ودهستویریا خودایێ خۆ، وفایدهك وزیانهكێ وى د دهستێ وى ب خۆ دا نینه، نه ئهو دشێت ژینێ بدهته خۆ نه مرنێ، ودهمـێ ئـهو ڤـێ چـهنـدێ دزانـت و ل بـیـرا خـۆ دئینته ڤه، هنگى ئهو ژ دل و ب ڕاستى ڤه دبێژت: ئهز عهبدێ تهمه.
پاشى گۆت: ( نَاصِيَتِي بِيَدِكَ ( و(ناصیه) ناڤچاڤن ژ مرۆڤى، ئهگهر ته بڤێت مرۆڤهكى بێى وى بكێشیه سهر ڕێكهكێ، دێ ناڤچاڤێن وى گرى وكێشى حهتا بهرێ وى ددهیه وێ ڕێكێ یا ته دڤێت، وئهڤ مهعنایه بۆ تمامیا عهبدینیێ د ڤێ دوعایێ دا هاته قهركرن، دا هندێ بگههینت كو عهبدى بێى خودایێ خۆ مافێ (تهصهرروفهكا) ب تنێ ژى د تشتهكى دا نینه، ب ڤێ گۆتنا خۆ ئهو عهبدینیا خۆ هێشتا پتر بۆ خودایێ خۆ ئاشكهرا دكهت، ودبێژتێ: تویى من ب ڕێڤه دبهى وهكى ته دڤێت!
وما چاوا ئهو دێ شێن خۆ ب ڕێڤهبهت، یێ نهفسا وى د دهستێ سـهیـیـدێ وى دا، وئهو بهرێ وى ددهته وێ ڕێكێ یا وى دڤێت، ودلێ وى د ناڤبهرا دو تبلان دا ژ تبلێن وى، ژینا وى ومرنا وى، كهیفخۆشى وبهختڕهشیا وى، ساخلهمى وئبتلائا وى، ههمى د دهستێ وى دا؟ تشتهك ژ وان د دهستێ وى ب خۆ دا نینه، بهلكى ئهو ب ههمى ڤه د دهستێ سهییدێ خۆ دایه، عهبدهكێ لاوازێ لهغهر ناڤچاڤێن وى د دهستێ خودانهكێ ب هێز دانه یێ ههر تشتهكێ ههى وى بندهستى خۆ كرى، ووێڤهتر ژى!
وهـهر جـارهكـا عهبدى شاهدهیى دا كو (ناصیهتا) وى ویا ههمى عهبدان د دهستێ خودێ ب تنێ دایه، وئهوه كاروبارێ وان وهسا ب ڕێڤه دبهت وهكى وى دڤێت، هنگى ئهو ژ كهسهك ژ وان ناترست، ووى هیڤى ب كهس ژ وان نابت، وئـهو كـهس ژ وان ل ڕێزا (مالكان) نادانت، بهلكى دێ وان ل ڕێزا (مهملووكان) بینت، یێن ئێكێ دى وان ب ڕێڤه دبهت.
وئهوێ خۆ ب ڤى كراسى ببینت، دێ زانت كو ههژارى وههوجهییا وى بۆ خودێ وهصفهكێ لازمه بۆ وى، وئهوێ خهلكى ب ڤى كراسى ببینت خۆ ههوجهى وان ناكهت، وهیڤیا خۆ ب وان ڤه گرێ نادهت؛ چونكى ئهو دزانت چو ب وان نینه.. وهنگى تهوحیدا وى بۆ خودێ وعهبدینى وتهوهكوللا وى دێ یا دورست بت.
وههر ئهڤ مهعنایهیه یا د گۆتنا هوودى دا بۆ قهومێ وى هاتى، دهمێ وى گۆتیه وان: (إِنِّي تَوَكَّلْتُ عَلَى اللَّهِ رَبِّي وَرَبِّكُمْ مَا مِنْ دَابَّةٍ إِلَّا هُوَ آخِذٌ بِنَاصِيَتِهَا إِنَّ رَبِّي عَلَىٰ صِرَاطٍ مُسْتَقِيمٍ)(هود 56) یهعنى: هندى ئهزم من يێ خۆ هێلايه ب هيڤیا خودێ ڤه، خودايێ خۆ وخودايێ ههوه، وخودان ڕحهك نينه ل سهر ڤى عهردى ب ڕێڤه بچت ئهگهر وى خودانى لێ نهكربت، وئهو د بن فهرمانا خودێ دا نهبت. هندى خودايێ منه يێ ل سهر ڕێكهكا ڕاست، ئـانكو: ئهو د حوكم وشريعهتێ خۆ دا يێ دادكهره.
