(6)
رهمهزان.. تهناهى وئاشتى
سـلـووك ورهفــتــارێ پــێــغـهمبهرێ مه -سلاڤ لێ بن- ل ڤێ ههیڤێ ژ هندهك لایان ڤه یێ جودا بوو ژ ههر ههیڤهكا دى، بۆ هندێ دا ئهو تایبهتىیهكێ بدهته ڤێ ههیڤا پیرۆز، بهلێ تشتێ ههڤپشك د ههمى ههیڤان دا ل نك پێغهمبهرى -سلاڤ لێ بن- ئهو بوو دهمێ ههیڤا ئێك شهڤى وى ددیت، وهند دگههاند كو ههیڤهكا نوى دهست پێ كر، دا ڤێ دوعایێ بێژت -وهكى حاكم ژێ ریوایهت دكهت-: (اللهم أهله علينا بالأمن والإیمان، والسلامة والإسلام، ربي وربك الله) ژ ڤێ حهدیسێ دیار دبت كو ل دهسپێكا ههمى ههیڤان، و ب تایبهتى ههیڤا رهمهزانێ، پێغهمبهرى -سلاڤ لێ بن- دوعا ژ خودێ دكر كو ئهو تهناهى وئاشتىیێ ب سهر خهلكى دا بینت، ووى تهناهى ب ئیمانێ ڤه گرێ ددا، وئاشتى ب ئیسلامێ ڤه، وتشتهكێ ئاشكهرایه ل بهر مه كو ههر جارهكا مرۆڤى تشتهك ب ئێكێ دى ڤه گرێ دا، ئهو ههردو تشت د گرنگىیا خۆ دا دێ ئێنه ڕێزهكێ، و د دینێ مه دا تشتهك وهكى باوهرىیێ وئیسلامێ یێ گرنگ نینه، چونكى ب باوهرى وئیسلام ئهڤ دینه ب جهـ دئێت، ڤێجا دهمێ پێغهمبهر -سلاڤ لێ بن- تهناهىیێ ب باوهرىیێ ڤه گرێ ددهت، وئاشتىیێ ب ئیسلامێ ڤه، مهعنا ئهو یێ مه ئاگههدار دكهت كو تهناهى وهكى ئیمانێ بۆ جڤاكێ یا گرنگه، وئاشتى وسلامهتى وهكى ئیسلامێ، ومــرۆڤــێ خـــودان بــاوهرى ومــوســلـمـان نـهشێت ستوینێن باوهرىیا خۆ ب دورستى ب جهـ بینت، ئهگهر ئهو د جڤاكهكا تهنا دا نهژیت، وئهو نهشێت د ستوینێن ئیسلامێ ب جهـ بینت ئهگهر ئهو د جڤاكهكا ئاشتیخواز دا نهبت..
وئهڤ ڕاستىیا نه بهرگومان بیرا مه ل ئالۆزىیهكا مهزن دئینتهڤه یا نوكه گهلهك جڤاكێن مرۆڤان -ب تایبهتى ل وهلاتێن مه موسلمانان- تووش بوویێ، ئهو دیاردا نههێلانا ڤان ههردو ستوینێن گرنگ د جڤاكێ دا دخوازت، ئهو دیاردا گهلهك جاران ب ناڤێ (ئیرهابێ) دئێته نیاسین، وبێى ئهم گهلهك ل دویڤ ڤێ مهسهلێ بچین، دێ بێژین: ئهگهر نهیار ودوژمنێن ئیسلامێ، چ یێن دهرڤهیى بن ئهوێن نهڤیانا خۆ بۆ ئیسلامێ ئاشكهرا دكهن، یان یێن ناڤخۆیى بن ئهوێن ب ئهزمانێ حلى مه دئاخێڤن، كهڤلێ میهان دكهنه بهر خۆ وكینا گورگان د دلێن خۆ دا ڤهدشێرن، ئهگهر ئهڤ نهیاره لێ بگهڕیێن تهناهى وئاشتىیێ د جڤاكێن مه دا نههێلن ئهڤه یا غهریب نینه ژ طبیعهتێ ههڤڕكى ودوژمنىیێ، بهلێ كو هندهك كهس ههبن ئارمانجا خۆ یا سهرهكى بكهنه ترساندنا خهلكى ونههێلانا تهناهى وئاشتىیێ د ناڤ موسلمانان دا و ب ناڤێ جیهادا ئیسلامى یا پیرۆز وبهڕڤانىیا ژ دینى، ئهڤه تشتهكێ غهریبه وفتنهیهكا مهزنه، ئهگهر خودانێن ڤى كارى چ هێجهتهكا ههبت بۆ خۆ بگرن!
وئهم دبێژین: ئهڤ كاره شهرمزارىیهكا مهزن وفتنهیهكا دژواره، ژ بهر دو ئهگهران: یا ئێكێ: ئهو ب ڤى كارێ خۆ خهلكى وه تێ دگههینن كو ههما ئیسلام ئهڤهیه، تو مرنێ بهلاڤ كهى وترسێ بێخىیه دلێ خهلكى ههمىیێ، وتهڕ وهشكان تێكهل بكهى، وخرابكرنا دنیایا خهلكى بۆ خۆ بكهیه ڕێك بۆ چوونا بهحهشتێ. ویا دووێ: ئهگهر ئهڤه ئیسلام نهبت، وئهڤ كهسه نوینهرێن ئیسلامێ بن، یان خۆ ب نوینهر بۆ ئیسلامێ بزانن، و(ئجتهاداتێن) خۆ (مولزهم) بزانن بۆ خهلكى، ل دهمێ (غیابا) زانایێن ئیسلامێ یێن ددورست، هنگى حهقى ونهحهقى دێ تێكهلى ئێك بن، وڕێیا ڕاست دێ ل بهر گهلهك مرۆڤان بهرزه بت، وئهڤه فتنهیهكا مهزنه، خودێ مه وجڤاكا مه ژێ بپارێزت، وتهناهىیێ د گهل ئیمانێ، وئاشتییێ د گهل ئیسلامێ، ب رزقێ مه بكهت.
