(7)
پهیڤهك د گوهێ ڕۆژیگرى دا
ئێك ژ مهزنترین ئارمانجێن ڕۆژىیێ ئهوه مرۆڤێ ڕۆژیگر ژ لایێ شـعـوورى ڤـه هـهڤپشكێ برایێ خۆ یێ موسلمانێ مهحرووم بت، ههست ب وێ نهخۆشىیێ بكهت یا ئهو ههست پێ دكهت، دا ئهڤ ههستا هه پشتى هنگى وى پال بدهت كو ئهو ل دویڤ شیانا خۆ دهستێ هاریكارىیێ بۆ برایێ خۆ درێژ بكهت ووى ژ وێ نهخۆشىیێ بینته دهر یا ئـهو كـهفـتـىیـه تـێـدا، خــودێ چـو منهت ب تێن وبرسا مه نینه ئهم ههر ژ سپێدێ وحهتا ڕۆژئاڤایێ خۆ تێنى وبرسى بكهین، بهلكى وى دڤێت ئـهو ب ڤـى عـیـبـادهتى بهرێ مه بدهته هندهك حیكمهتێن مهزن كو ئێك ژ وان ئهوه مرۆڤ ههست ب نهخۆشىیا مرۆڤێ مهحرووم بكهت، یێ مهحرووم ژ وان تشتێن حهلال یێن خهلكێ دى خۆشىیێ پێ دبهن.
مرۆڤێ ڕۆژیگر ئهگهر هزرا خۆ د وى خهلكى دا بكهت یێ ل دۆر ورهخێن وى دژین، دێ بینت گهلهك كهس ههنه ههوجهیى ب هندێ ههیه ئهو هاریكارىیا وان بكهت، چ ب دهستێ خۆ، یان ب مالێ خۆ، یان چونه چونه ب ههست وشعوور وعاطفا خۆ، دهمێ تو مهغرهب ل سهر سفرا زادى دڕوینىیه خوارێ، وگهلهك ڕهنگێن خوارن وڤهخوارنان ل بهر خۆ ددانى، بلا ل بیرا ته بت كو ل پانى وفرههىیا ڤێ جیهانێ ب سهدان هزار مرۆڤ ههنه پارىیهكێ نانى یێ ترسى ژى ب دهست ناكـهڤـت.. دهمێ تـو د مـالا خــۆ ڤــه یــێ ڕویـنـشـتـى د ناڤ عهیالێ خۆ دا، ههست ب نهخۆشىیا وان برایێن خۆ بكه یێن زولم وزۆردارىیا مرۆڤان نه مال بۆ هێلاى نه حال، دهستێ وى وعهیالێ وى ژێك ڤهقهتاندى، وئهو هێلاى مهحرووم ژ ههمى نعمهتێن خودێ بۆ حهلال كرین..
بــیــرا خــۆ ل وان بـرایــێـن خۆ بینهڤه یێن نهیاران ل سهر حهرام كرى ب ئهزمانێ خۆ باخڤن یان بخوینن وبنڤیسن، یان جلكێن خۆ یێن قهومى بكهنه بهر خۆ، یان حهتا بێژن: ئهم ژى مرۆڤین مه ژى مافێ ههى وهكى ههمى مللهتان سهربهست ل سهر ئاخا خۆ بژین..
بیرا خۆ ل وان برایێن خۆ بینهڤه ئهوێن نهیارێ وان یێ زۆردهست ئهو ل سهر ئاخ زهڤیێن وان حسێب كرین (ئهجنهبى) و ژ (جنسى)یێ وههمى مافێن (وهلاتینى)یێ بێ بار كرین، زهڤیا خۆ بۆ خهلكێ بیانى دكهن، وخانىیێ خۆ ل سهر ناڤێ كهسهكێ دى دنڤیسن، چونكى (قانوونا زالمان) مافێ نادهته وان ئهو خودانێن زهڤى وخانىیێن خۆ بن..
ڕاسته دبت تو نهشێى چو بۆ وان بكهى، بهلێ ما تو نهشێى ب دلێ خۆ ژى د گهل وان بى، دوعایان بۆ بكهى، وپشكدارىیا وان د خهما وان دا بكهى؟
پێغهمبهرێ مه -سلاڤ لێ بن- د گۆتنهكا خۆ دا دبێژت: ( من لم يهتم بأمور المسلمين فليس منهم )ههچىیێ خهمێ ژ حالێ موسلمانان نهخۆت ئهو نه ژ وانه، وخهمخوارنا ژ حالێ موسلمانان نه ب تنێ ژ لایێ حوكمداران ڤه دئێتهكرن، ههر چهنده بارێ مهزن دكهفته سهر ملێن وان.. تو ژى دشێى خهمێ ژ حالێ وان بخۆى، مهسهلا وان بۆ ڕایا گشتى یا عالهمى ئاشكهرا كهى، ئهگهر تو خودان ئهزمان وقهلهم بى، یان ب مالێ خۆ دهعما وان بكهى وبرینێن وان دهرمان بكهى، ئهگهر تو خودان مال بى، وئهگهر چو ژ ته نهئێت تو دشێى ل دهمێ پاشیڤێ، ل دهمێ فتارێ، دوعایان ژ دلهكێ شكهستى وصافى بۆ وان بكهى كو خودێ زولما زالمان ژ سهر وان ڕاكهت.
بلا رهمهزان بۆ مه ببته دهلیڤهیهكا باش كو ئهم موسلمان ههمى ههست ب براینىیا ئیسلامێ بكهین، دویر ژ دهمارگیرى وعونصرییهتا پیس یا براینىیا مه پرت پرت كرى، وئهم كرینه پارىیهكێ خۆش و ب ساناهى بۆ نهیاران..
یا رهببى، تـو بـۆ خـاترا مهزنىیا خۆ كهیه، تو ب جوانترین ڕهنگ مه ل ڕاستىیا دینێ مه ڤهگهڕینى.
