بهرى بدهینه ڕێ..
مـه گـۆت: پـێـگـاڤـا ئێكێ یا ته پێتڤى ب هاڤێتنا وێ ههى دهمێ تو بهر ب خودێ ڤه دچى ئهوه تو خۆ ب دورستى بنیاسى، نه ب وى ڕهنگێ خهلك ته پـێ دبینت، یان تو لـێ دگهڕیـێـى خـۆ پـێ نیشا خهلكى بدهى، نه.. بهلكى ب وى ڕهنگى یێ خودێ ته پێ دبینت، وتو پێ دحهسـیـێـى، ڕهنگێ ته یێ دورست، دویر ژ ههر (رتووشكرن) وجوانكرنهكا ههبت.
وگاڤا ته ب دورستى خۆ نیاسى، هشیار بى تووشى داڤێن (تهبریركرنا) خهلهتییێن خۆ نهبى، چونكى مخابن ئهم یێن كهفتینه زهمانهكى نێزیكه (تهبریر) وهێجهتگرتن (خهلهتییێ) و (خهلهتكارى) ژ فهرههنگا خهلكى بینتهدهر، ئهم ل دهمهكى دژین (نهظەریاتێن تهبریرى) ئهوێن هندهك جاران ب ناڤێ ڕاستییێن علمى دئێنه بهلاڤكرن دڤێن مرۆڤێ ژ ههمییان تاوانبارتر ب كراسێ كهسهكێ بێ گونههــ نیشا مه بدهت، یێ ژ بهر هندهك (كاودانین سهخت) بوویه قوربان بۆ خهلهتییێن جڤاكێ، ئهگهر نه ئهو ب خۆ مرۆڤهكێ بێ گونههه، كاغهزهكا سپییه.. و ب ڤى ڕهنگى كهسهك نابت لۆمه لـێ بێتهكرن، چونكى كهسهك نابت یێ گونههكار بت!
وخۆنیاسین وتووش نهبوونا داڤێن تهبریركرنێ دبته مهزنـتـرین پالدهر بۆ مرۆڤى كو ئهو هزرێ د خۆ ڕزگاركرنا ژ گونهه وخهلهتییێ دا بكهت، وئهڤ هزركرنه ئهو كارێ پێتڤییه یێ فهره ههر ئێك ژ مه بیرا خۆ لـێ بینته ڤه بهرى كو ب نك خودێ ڤه بچت وبهر ب كنارێ وى ڤه بدهته ڕێ، چونكى بێى ڤێ هزركرنێ مرۆڤ نهشێت باوهرییێ ب خۆگوهۆڕینێ بینت.
ودویر نهبینه هندهك جاران مهزنتـرین گونههكار ژى ـ د گهل خۆ ـ پسیار بكهت ودبێژت: ئهز ژى حهز دكهم بزڤڕم، ببمه مرۆڤهكێ دى، بهلـێ ئهڤه چاوا دێ چێ بت؟ چاوا ئهز دێ شێم خۆ گوهۆڕم؟ ئهرێ دێ بۆ من ههبت ئهز ژى ب ڤى بارێ خۆ یێ گران ڤه ب نك خودێ ڤه بچم؟
ڤێجا حهتا ئهم بشێین ڤان ڕهنگه مرۆڤان ژ داڤێن بـێ هیڤیبوونێ ڕزگار بكهین، وه لـێ بكهین وى باوهرى ههبت ئهو ژى دشێت خۆ بگوهۆڕت، بـبـتـه مرۆڤهكێ دى، دڤێت ڕێكا زڤڕینێ نیشا بدهین، وكارێ خۆ گوهۆڕینێ ل بهر وى سڤك وشرین بكهین، نهبینه هاریكارێن شهیتانى ل سهر وى ووى وه تێ بگههینین كو دهلیڤه بۆ وى نهمایه ئهو ببته مرۆڤێ خودێ.. نه! بهرێ خۆ بدهنێ چاوا خودێ دهرى ل بهر مه ل تاق دكهت دهمێ دبێژت:(قل يعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم )(الزمر 53).
ئهى موحهمـمهد! تو بێژه وان بهنییێن من یێن گهلهك ب ناڤ گونههێ ڤه چووین، و ب كرنا خرابییان تهعدایى ل خۆ كرى: ژ بهر گونههێن خۆ یێن مشه هوین ژ دلۆڤانییا خودێ بێ هیڤى نهبن، هندى خودێ یه گونههان ههمییان ژێ دبهت بۆ وى یێ ژێ تـۆبه بكهت و ل خۆ بزڤڕت، هندى ئهوه ئهو باش گونهه ژێبـرێ دلۆڤانكاره.
