حهدیسا پێنجێ
ڕێك چیه ؟
5 ـ عَنْ حُذيْفَةَ بْنَ الْيَمَانِ ـ رَضِيَ اللَّهُ عَنْهُ ـ يَقُولُ : كَانَ النَّاسُ يَسْأَلُونَ رَسُولَ اللَّهِ ـ صَلَّى اللَّهُ عَلَيْهِ وَسَلَّمَ ـ عَنْ الْخَيْرِ ، وَكُنْتُ أَسْأَلُهُ عَنْ الشَّرِّ مَخَافَةَ أَنْ يُدْرِكَنِي ، فَقُلْتُ : يَا رَسُولَ اللَّهِ ، إِنَّا كُنَّا فِي جَاهِلِيَّةٍ وَشَرّ فَجَاءَنَا اللَّهُ بِهَذَا الْخَيْرِ ، فَهَلْ بَعْدَ هَذَا الْخَيْرِ مِنْ شَـرّ ؟ قَالَ : [ نَعَمْ ] قُلْتُ : وَهَـلْ بَعْدَ ذَلِكَ الشَّرِّ مِـنْ خَيْرٍ ؟ قَالَ : [ نَعَمْ ، وَفِيهِ دَخَنٌ ] قُلْتُ : وَمَا دَخَنُهُ ؟ قَالَ : [ قَوْمٌ يَهْدُونَ بِغَيْرِ هَدْيِي ، تَعْرِفُ مِنْهُمْ وَتُنْكِرُ ] قُلْتُ : فَهَلْ بَعْدَ ذَلِكَ الْخَيْرِ مِنْ شَرّ ، قَالَ : [ نَعَمْ ، دُعَاةٌ إِلَى أَبْوَابِ جَهَنَّمَ ، مَـنْ أَجَابَهُمْ إِلَيْهَا قَذَفُوهُ فِيهَا ] قُلْتُ : يَا رَسُولَ اللَّهِ صِفْهُمْ لَنَا ، فَقَالَ : [ هُمْ مِنْ جِلْدَتِنَا وَيَتَكَلَّمُونَ بِأَلْسِنَتِنَا ] قُلْتُ : فَمَا تَأْمُرُنِي إِنْ أَدْرَكَنِي ذَلِـكَ ؟ قَالَ : [ تَلْزَمُ جَمَاعَةَ الْمُسْلِمِينَ وَإِمَامَهُمْ ] قُلْتُ : فَإِنْ لَمْ يَكُنْ لَهُمْ جَمَاعَةٌ وَلا إِمَامٌ ؟ قَالَ : [ فَاعْتَزِلْ تِلْكَ الْفِرَقَ كُلَّهَا ، وَلَوْ أَنْ تَعَضَّ بِأَصْلِ شَـجَـرَةٍ حَـتَّـى يُـدْرِكَكَ الْمَوْتُ وَأَنْتَ عَلَى ذَلِكَ ] رواه البخاري ومسلم .
حوذهیفهیێ كوڕێ یهمانى ـ خودێ ژێ رازى بت ـ دبێژت : خهلكى پسیارا باشییێ ژ پێغهمبهرى ـ سلاڤـ لـێ بن ـ دكر ، ومن پسیارا خرابییێ ژێ دكر ژ ترسێن هندێ دا كو بگههته من ، ڤێجا من گۆت : ئهى پێغهمبهرێ خودێ ، ئهم د جاهلییهت وخرابییێ دا بووین ، خودێ ئهڤـ باشییه بـۆ مه ئینا ، ئهرێ ڤێجا پشتى ڤێ باشییێ خرابییهكا دى ههیه ؟ وى گۆت : [ بهلـێ ] من گۆتێ : وپشتى وێ خرابییێ باشییهكا دى ههیه ؟ وى گۆت : [ بهلێ ، وهندهك دهغهل دێ د ناڤـ دا ههبت ] من گۆتێ : ودهغهلـێ وێ چیه ؟ وى گۆت : [ هندهك مرۆڤن ل دویڤ ڕێكا من ناچن ، هندهك تشتێ وان یێ باشه وهندهك یێ خراب ] من گۆتێ : وپشتى وێ باشییێ خرابییهكا دى ههیه ؟ وى گۆت : [ بهلـێ ، هندهك گازیكهرن بۆ دهرگههێن جههنهمێ ، ههچییێ گوهدارییا وان بكهت ئهو دێ وان هاڤێنه تێدا ] من گۆتێ : ئهى پێغهمبهرێ خودێ ! سالۆخهتێن وان بـۆ مــه بـێـژه ، وى گۆت : [ ئهو ژ مهنه و ب ئهزمانێ مه دئاخڤن ] من گۆتێ : ڤێجا تو چ فهرمانێ ل من دكهى ئهگهر ئهو چهنده گههشته من ؟ وى گۆت : [ خۆ بده د گهل كۆما موسلمانان وئیمامێ وان ] مـن گـۆتـێ : وئهگهر وان نه كۆم ههبت نه ئیمام ؟ وى گۆت : [ هنگى تو خۆ ژ وان ههمى دهستهكان بده پاش ، ئهگهر خۆ مهجبوور بـووى كـو ڕههێن دارێ بدهیه بهر لهقان حهتا مرن دگههته ته وتو یێ وهسا ] بوخارى وموسلم ڤهدگوهێزن .
ئهڤـ حهدیسه ڕێكا ڕاست ل دهمێ فتنێ بۆ مه ئاشكهرا دكهت ، دهمێ فتنه د ناڤـ ئوممهتێ دا پهیدا دبن ، ودوبهرهكى دكهفته ڕێزا موسلمانان دڤێت مرۆڤ خۆ بدهته د گهل كۆما موسلمانان ، ئهو كۆما خودان ئیمام ، یهعنى : ئهو خهلیفه یێ ئهحكامێن شهرعى ل سهر خهلكى ب كار دئینت وئالایێ دینى بلند دكهت ، وئهگهر خهلیفهیێ شهرعى نهما وموسـلـمـان ل سهر كۆمهكا پارت ودهستهكا لێكڤهبوون ، وههر دهستهكهكێ گۆت : حهقى ئهوه یا د گهل مه ههى ، وههچییێ نه د گهل مه ب كێر نائێت ، هنگى ڕێكا دورست ئهوه مرۆڤـ خۆ نهدهته د گهل چ ژ وان دهستهكان ، دا ژ خرابییا وان بێته پاراستن ..
بهلـێ مهعنا ڤێ گۆتنێ ئـهو نـیـنـه مرۆڤـ دهستان ژ گازیكرنا بۆ دینى بهردهت ، وفهرمان ب باشییێ ل خهلكى نهكهت ، وبهرێ وان ژ خرابییێ نهدهته پاش ، نه ! كاروانێ دهعوێ ل چو دهم و ل چو جهان ڕاناوهستت ، وهكى دێ بۆ مه ئاشكهرا بت .
