حهدیسا بیست وحهفتێ
جوداهى د ناڤبهرا گۆتن وكریارێ دا
27 ـ عَنْ أنَسٍ ـ رَضِيَ اللَّهُ عَنْهُ ـ عَنْ النَّبِيِّ ـ صَلَّى اللَّهُ عَلَيْهِ وَسَلَّمَ ـ قَـالَ : [ رَأيْتُ لَيْلَةَ أسْرِيَ بِي رِجَالاً تُقْرَضُ شِفَاهُهُمْ بِمَقَارِيْضَ مِنْ نَارٍ ، فَقُلْتُ : مَنْ هَؤلاءِ يَا جِبْرِيْلُ ؟ فَقَال : الْخُطَبَاءُ مِنْ أمَّتِكَ ، يَأمُرُونَ النَّاسَ بِالبِرِّ وَيَنْسَونَ أنْفُسَهُمْ ، وَهُمْ يَتْلُونَ الكِتَابَ أفَلا يَعْقِلونَ ] رواه ابن حبان .
ئهنهس ـ خودێ ژێ رازى بت ـ دبێژت : پێغهمبهر ـ سلاڤـ لـێ بن ـ دبێژت : [ شهڤا ئهز تێدا هاتیمه برن بۆ عهسمانى من هندهك زهلام دیتن دهڤێن وان ب هندهك مهقهسێن ئاگرى دهاتنه دڕاندن ، من گۆت : ئهى جـبـریـل ئهڤه كینه ؟ وى گـۆت : خوتبه خوینێن ئوممهتا تهنه ، فهرمانێ ب قهنجییێ ل خهلكى دكهن وخۆ ژ بیـر دكهن ، وئهو قورئانێ دخوینن ئهرێ ما ئهو تێ ناگههن ] ئبن حببان ڤهدگوهێزت .
وئهڤه گرنگتـرین مهسهلهیه دكهفته بهرانبهر وان یێن بۆ ڕێكا خودێ گازى دكهن ، داعیهكى یان خوتبه خوینهكى تو دێ بینى بۆ خهلكى بهحسێ زوهدێ دكهت ، وئهو ب خۆ دویرترین مرۆڤه ژ زوهدێ ، یان بهحسێ خرابییێن غهیبهتێ دێ بۆ وان كهت ، وئهو ب خۆ ژ ههمى كهسان پتـر غهیبهتێ دكهت ، ئێكێ دى بهحسێ ئاخرهتێ وتهنگاڤییێن وێ بۆ خهلكى دكهت ، ویێ ژ ههمى كهسان پتـر كارێ خۆ بۆ ئاخرهتێ نهكرى ئهوه !!
ڤێجا كهسێ ئهڤه حالـێ وى بت ترسهكا مهزن ل سهر وى ههیه ، وفایدێ مهزن د هندێ دایه مرۆڤـ خۆ ژ وى دویر بكهت ، وهسا نهبت مرڤـ شیرهتهكێ لـێ بكهت ین بیـرا وى ل حهقییێ بینتهڤه .
و ژ وان تشتێن پێتڤییه بێنه زانین هویربینى وڕژدییا داعیه وگازیكهرییه.
