گۆتن وكریارێن خەلەت یێن
پەیوەندی ب نڤێژا مری ڤە هەی
و ل ڤێرێ مە دڤێت چاوانییا كرنا نڤێژا ل سـەر مـری ( صلاة المیت ) ئاشكەرا بكەین ، دا ئەو گۆتن وكریارێن خەلەت یێن پەیوەندی ب ڤێ نڤێژێ ڤە هەی بۆ مە ئاشكەرا ببن :
نڤێژا مری ژی ئەو شەرتێن نڤێژێ پێ دڤێن یێن كو بۆ نڤێژێن دی دپـێــتــڤـی ، وئــەڤ نڤـێـژە ژ پێیان ڤە دئێتە كرن ، وپتـر ژ ( تەكبیرەكێ ) دئـێـنە گـۆتـن ، ویا دورست ئەوە ل دەمێ تەكبیـرا ئێكێ ب تنێ مرۆڤ دەستێن خۆ بلند بكەت ، وپشتی تەكبیـرا ئێكێ ئـەو دێ دەسـتـێ خۆ یێ ڕاستێ دانتە سەر یێ چـەپـێ ودانتە سەر سنگێ خۆ ، وەكی كو د نڤێژێن دی دا دكەت .
پاشــی ئێكسەر ـ وبێی گۆتنا دوعایا ئستفتاحێ ـ دێ دەست ب خواندنا فاتـحـێ كەت ، وخواندن دێ یا سرری بت ، پاشی دێ تەكبیـرا دووێ دەت بێی دەستێن خۆ بلند بكەت ، ودێ صلاوەتان دەتە سەر پێغەمبەری ـ سلاڤ لـێ بن ـ ، پاشی دێ تەكبیـرا سییێ دەت ودێ دوعایان بۆ مری كەت ( و ژوان دوعایێن ژ پێغەمبەری سلاڤ لێ بن هاتینە ڤەگێران : (اللهم عبدك وابن أمتك احتاج إلى رحمتك وأنت غني عن عذابه ، إن كان محسناً فزد في حسناته ، وإن كان مسيئاً فتجاوز عن سيئاته ) ) ، پاشی
دێ تەكبیـرا چارێ دەت وهندەك دوعایێن دی دێ بۆ مری كەت ، پاشی دێ سلاڤا ملێ ڕاستێ ویێ چەپێ دەت ودورستە ژ چار تەكبیـران پـتـر بدەن ( حەتا نەهان ) وپشتی هەر تەكبیـرەكێ دوعا بۆ مـری دئــێــنــەكـــرن ، ویا سوننەت ئەوە ( ئیمام ) و ( مەئمووم ) سلاڤێ ب سرری ڤەدەن نە وەكی نڤێژێن دی ئیمام دەنگێ خۆ ب سلاڤێ بلند دكەت .
