ڕۆژا من دهرگههێ مالا خۆ بۆ خرابیێ ل تاقكرى
خێزانا من ئهو چرایێ گهش بوو یێ ڕێكا من روهن دكر، وئهو سێلوان بوو یا خۆشى دگههانده دلـێ من، ڕۆژ وههیڤ وسال بۆرین.. وزارۆكێن من مهزن بوون، وهندهك ژ وان گههشتنه قویناغا زانكۆیێ، وئهز چاڤهڕێى وێ ڕۆژێ مام یا ئهو خواندنا خۆ تێدا ب دویماهى دئینن وباوهرنامهیێن خۆ وهردگرن ودبنه ئهندامێن چاك د جڤاكا خۆ دا.. وبهرى ئهو ڕۆژ بێت یا ئهز تێدا ببینم هیڤیا من ب جـه بێت ژینا مه سهروبن بوو، ههر وهكى ئهم چاڤین بووین، یان تۆكا لهعنهتێ ستوكورا مه گرتى.. كوڕێ منێ مهزنتـر ڕۆژهكێ هات وئامیرهتهكێ سهتهلایتێ د گهل دا بوو، من نهرازیبوونا خۆ ل سهر ڤى كارێ وى دیاركر، وگۆتێ: ئهڤه تو دێ چ كهى؟
وى گۆت: من دڤێت ئهم ژى وهكى خهلكى بژین.. بزانین دنیا ژ كیڤه دئێت ودێ كیڤه چت؟ بابۆ ! بلا ئهم ژى د گهل تهكنهلۆژیایا نوى بچین، پێش بكهڤین، ما حهتا كهنگى دێ پاشڤه مینین؟
وپشتى ههڤڕكیهكا گهرم د ناڤبهرا من ووى دا ل سهر دانانا ڤى ئامیرهتى ئهوێ من هزر دكر خرابیا وى ژ باشیا وى پـتـره، لهو مرۆڤێ حهز بكهت ئهخلاقێ وى ومالا وى پاراستى بمینت دڤێت ڤى ئامیرهتى ژ خۆ دویر بكهت.. ودویـمـاهیێ كوڕێ من ب ركدارى ڤه گۆت: ئهگهر تو نههێلى ئهز سهتهللایتێ بدانم ئهز دێ ژ ڤێ مالـێ دهركهڤم وئهز نائێمه ڤه !!
ل ڤێرێ دهیكا وى هاته د ناڤ سوحبهتا مه دا، و ب دژوارى بهڕهڤانى ژ كوڕێ خۆ كر وگۆته من: ئهز هیڤى ژ ته دكهم تو دلـێ وى نهشكێنه وبهێله ئهو داخوازا خۆ ب جـهـ بینت.
ودویماهیێ وپشتى ههڤڕكیهكا درێژ ئهو ب هیڤى ورجایێن خۆ شیان من قانع بكهن ومن گۆته خۆ: یا باش ئهوه ئهز ل بهر بهێم سهتهلایتێ ل مال بدانم، دا عهیالـێ من ل بهر چاڤێن من بن وئهز بشێم وان كۆنتـرۆل بكهم.. وئهو بوو من نه ژ دل دهرگههێ مالا خۆ بۆ ڤى مێڤانێ دارگران ل تاق كر !
ل سهرى من زێـرهڤـانیهكا دژوار ل ڤى ئامیرهتى كر، دا ئهو ب ڕهنگهكێ خراب نهئێته ب كارئینان، ومن ل بهر ئهندامێن مالا خۆ شرین كر كو ئهو بهرێ خۆ بدهنه بهلاڤۆكێن دهنگ وباسان وهندهك بهرنامهیێن ڕهوشهنـبـیـرى ب تنێ، پاشى ڕۆژ بۆ ڕۆژێ چ ژ سستیا من بت چ ژى ژ نهگههشتن وموژیلیا من بت ئهڤ زێرهڤانیا من لاواز بوو، وئێدى دویچوونا فلم وتهمسیلى وبهرنامهیێن ستـران وموسیقێ ژى د مالا من دا هاتهكرن، وجارهكێ ژ نشكهكێ ڤه ئهز پێ ئاگههدار بووم كو هندهك كهنالێن بێ ههتك ژى درهنگى شهڤ دئێنه ڤهكرن، بهلـێ ئهز نهشیام خـۆ ژ ڤـێ چـهنـدێ پشت ڕاست بكهم حهتا شهڤا ڕهش ب سهر مه دا هاتى..
كوڕێ من یێ مهزن ئهوێ هند ب سهتهلایتێ ڤه هاتیه گرێدان حهتا گههشتیه دهرهجا (ئیدامانێ) ئهخلاقێ وى هاته گوهاڕتن، تو دا بێژى نه مرۆڤێ بهرێ یه، د ناڤبهرا وى و ژنكا وى دا نهخۆش بوو، وئێكى ل بهر یێ دى نهدانا.. ومهسهله گههشته هندێ مانا وان د گـهل ئێك بـۆ مهسهلهكا وهختى و (بهردان) ب دیتنا ههردووان بوو چارهسهریا ئێكانه بـۆ هـهمـى ئاریشهیێن وان..
و ل شهڤهكێ ژ شهڤێن خۆ یێن (ب قهرهبالغ) كوڕێ من نه ل دویڤ عهدهتێ خۆ زڤڕى مال پشتى ههڤالێن خۆ یێن ڤهخوارنێ وخرابیێ هێلاینه ل (هێلینا زێڕین !)، زڤڕى دا ببینت هێلینا وى ب خۆ ب زهلامهكێ بیانى یا هاتیه پیسكرن ! وگاڤا وى ل سهر جهێ خۆ ژنا خۆ ل بهر سنگێ دۆستهكێ وێ یێ شهڤێ دیتى، چو پێ نهما ژبلى هندێ كو خۆ ل دهبانجێ بدهت ووان ههردووان پێكڤه بكوژت، و ب دهستێن خۆ ڕێكا گرتیخانێ و بهلكى قنارهكرنێ ژى بۆ خۆ هلبژێرت.. پشتى ناڤێ مه ومالا مه ههڕماندى وئهم كرینه قاچكێ ههمى دهڤان.
وموصیبهتا ژ ڤێ ژى مهنتـر یا ڕهوشهنبیریا سهتهلایتێ ئینایه سهرێ مه، وڕویێ مه حهتا حهتایێ ڕهش كرى ئهو بوو یا كچا من ئینایه سهرێ مه..
كچا من ئهوا بارا پتـر ژ دهمێ خۆ ل بهر خهلهكێن (ستار ئهكادیـمـى) دبۆراند، وههمى ڕهنگێن ستـرانێن عشق وئهڤینێ ژبهركرین، هزر دكر مانا كچێ بێ دۆست نیشانا كهسادا وێ یه ودهلیلێ نهشارهزایییا وێ یه د مهیدانا دلان دا، لهو مرادا وێ ئهو بوو ئهو بشێت وى تشتى یێ ئهو د فلم وستـرانان دا دبینت د واقعێ خۆ دا ب جـه بینت..
ژ بهر كهفتنا وێ یا بـهردهوام ل مـهدرهسێ هاته فهصلكرن، و ل شارعى ئهو وگهنجهكێ وهكى وێ ژ دهرچوویێن (ستار ئهكادیـمـى) و (رۆتانا) یێ ب سهرێك هلبوون، و ل تاریێ گــههـشـتـنـه ئـێـك، ئــهو گـههشتنا مهصیرێ دو مالان بهر ب خرابكرنێ ڤه برى، وپشتى ڕوى ڕهشیا خۆ كچا من خۆ بهرزهكر وحهتا ڤێ گاڤێ ژى ئـهز نـزانـم ئهو ب ئاڤ چوو یان ب ئاگر !!
وژنكا من ئهوا ئێكا هند ژ من چێكرى ئهز ب دهستێن خۆ دهرگههێ مالا خۆ بۆ خرابیێ ل تاق بكهم نهشیا تهحهمولا ڤێ ههمیێ بكهت.. دلـێ وى وهستیا پشتى دیتى كوڕ ژى چوو وكچ ژى ب دویڤ دا، ودهمهكێ درێژ پێڤه نهچوو دلـێ وێ ڕاوهستیا وئهز هێلامه ب تنێ د گهل كول وكهسهران وڕوى ڕهشیا دنیایێ بهرى یا ئاخرهتێ.. !!
