حهدیسا نههێ
خێر ههر دێ مینت
9 ـ عَـنْ مُـعَـاوِيَـةَ ـ رَضِـيَ اللَّهُ عَـنْـهُ ـ قَالَ : سَمِعْتُ رَسُولَ اللَّهِ ـ صَلَّى اللَّهُ عَلَيْهِ وَسَلَّمَ ـ يَقُولُ : [ لا تَـزَالُ طَائِفَةٌ مِـنْ أُمَّتِي قَائِمَةً بِأَمْرِ اللَّهِ ، لا يَضُرُّهُمْ مَنْ خَذَلَهُمْ ، وَلا مَنْ خَالَفَهُمْ ، حَتَّى يَأْتِيَ أَمْرُ اللَّهِ ، وَهُمْ ظَاهِرُونَ عَلَى النَّاسِ ] رواه البخاري ومسلم .
موعاویه ـ خودێ ژێ رازى بت ـ دبێژت : من گوهــ ل پێغهمبهرى بوو ـ سلاڤـ لـێ بن ـ دگـۆت : [ دهسـتـهكهك ژ ئوممهتا من ههر دێ مینت ب ئهمرێ خودێ ڕاببتهڤه ، ئهوێن دڤێن وان شهرمزار بكهن یان موخالهفا وان بكهن چو زیانێ ناگههیننه وان ، حـهتـا ئهمرێ خودێ دئێت ، وئهو دسهركهفتى وئاشكهرا ل سهر خهلكى ] بوخارى وموسلم ڤهدگوهێزن .
مـهعنا : ئهو خێرا بهحس ژێ هاتییه كرن چو جاران خلاس نابت ، و ل ههمى دهم وههمى جهان دێ ههبت ، ودهستهكهكا مرۆڤان دێ مینت پێ ڕابت وكارى بۆ كهت ، وپیلانێن فێلبازان ، ههر وهسا دوژمناتییا نهیاران بهرێ وان ژ حهقییێ وهناگێڕت ، وئهو كهسێن خۆ ننهدهنه د گهل وان وههڤالینییا وان ل سهر ڤێ حهقییێ نهكهن چو زیانێ ناگههینته وان وتێرا وان ههیه خودێ پشتهڤانێ وان بت ، و ب ئهمرێ خودێ ئهو ڕابن و ل سهر ئهمرێ وى خۆ موكم دكهن ، وچاڤهِێى ئهمرێ وى دبن ، وئهو ب ڤى ڕهنگى سهركهفتى وئاشكهرا د ناڤ خهلكى دا دمینن .
و دریوایهتهكێ دا ل نك موسلم هاتییه : [ لا تَزَال عِصَابَة مِنْ أُمَّتِي يُقَاتِلُونَ عَلَى أَمْر اللّه ، قَاهِرِينَ لِعَدُوِّهِمْ ، لا يَضُرّهُمْ مَنْ خَالَفَهُمْ حَتَّى تَأْتِيهِمْ السَّاعَة ـ كۆمهك ژ ئوممهتا من دێ مینن شهڕى سهرا دینێ خودێ كهن ، ودوژمنێن خۆ بێزار كهن ، وئهوێن موخالهفا وان دكهن چو زیانێ ناگههیننه وان حهتا قیامهت ڕادبت ] و ژ ڤێ حهدیسێ دیار دبت كو حهتا ڕابوونا قیامهتێ دهستهكهكا سهرڕاست دێ مینت ، وجـیـهـادا وێ د ڕێكا خودێ دا دێ یا بهردهوام بت ، ئهگهر چهند دوژمن ونهیار دزۆر ژى بن .
وههر كهسهك ژ كوڕێن ڤێ دهستهكێ گازییا خۆ ل سهر بناخهیێ چاكى وچاكسازییێ ئاڤا دكهت .
