حهدیسا سیهــ وسییێ
ب سهرێخستنا خودان باوهران
33 ـ عَنْ سَعِيدِ بْنِ الْمُسَيِّبِ ـ رِحِمَهُ اللهُ ـ قَالَ : بَيْنَمَا رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ جَالِسٌ وَمَعَهُ أَصْحَابُهُ ، وَقَـعَ رَجُـلٌ بِأَبِي بَكْرٍ ، فَآذَاهُ فَصَمَتَ عَنْهُ أَبُو بَكْرٍ ، ثُمَّ آذَاهُ الثَّانِيَةَ فَصَمَتَ عَنْهُ أَبُو بَكْرٍ ، ثُمَّ آذَاهُ الثَّالِثَةَ فَانْتَصَرَ مِنْهُ أَبُو بَكْرٍ ، فَقَامَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ حِينَ انْتَصَرَ أَبُو بَكْرٍ ، فَقَالَ أَبُو بَكْرٍ : أَوَجَدْتَ عَلَيَّ يَا رَسُولَ اللَّهِ ؟ فَقَالَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ : [ نَزَلَ مَلَكٌ مِنْ السَّمَاءِ يُكَذِّبُهُ بِمَا قَالَ لَكَ ، فَلَمَّا انْتَصَرْتَ وَقَعَ الشَّيْطَانُ ، فَلَمْ أَكُنْ لأَجْلِسَ إِذْ وَقَعَ الشَّيْطَانُ ] رواه أبو داود .
سهعیدێ كوڕێ موسهییبى ـ خودێ رهحمێ پێ ببهت ـ دبێژت : جارهكێ دهمێ پێغهمبهر ـ سلاڤـ لـێ بن ـ د ناڤـ ههڤالێن خۆ دا یێ ڕوینشتى ، زهلامهكى گۆتنهكا سهقهت گۆته ئهبوو بهكرى وى پێ نهخۆش بوو ، بهلـێ ئهبوو بهكرى بهرسڤا وى نهدا ، پاشى جارهكا دى وى نهخۆشى گههانده ئهبوو بهكرى وئهبوو بهكرى بهرسڤا وى نهدا ، وجارا سییێ وى نهخۆشى گههانده ئهبوو بهكرى ئینا ئهبوو بهكرى بهرسڤا وى دا ، هنگى پێغهمبهر ـ سلاڤـ لـێ بن ـ ژ وێرێ ڕابوو ، ئینا ئهبوو بهكرى گــۆتــێ : ئــهى پێغهمبهرێ خودێ دلێ ته ژ من ما ؟ پێغهمبهرى ـ سلاڤـ لـێ بن ـ گۆتێ : [ ملیاكهتهك ژ عهسمانى هاتهخوار ئهو درهوین دهردئێخست دهمێ وى ئهو ئاخفتن دگۆتنه ته ، دهمێ ته بهرسڤا وى داى، شهیتان ئاماده بوو ، ڤێجا بۆ من نهبوو ئهز ل وى جهى روینم یێ شهیتان لـێ ئاماده ببت ] ئهبوو داوود ڤهدگوهێزت .
پشتهڤانییا خودان باوهران و ب سهرئێخستنا وان كارهكێ مهزنه ، مرۆڤێ داعیه وێ بهندكێ پێ دپارێزت یا وى وبرایێن وى دگههینته ئێك ، وئهگهر ئهوێ خـۆ بێ دهنگ كر وپشتهڤانییا برایێن خۆ نهكر وبهڕهڤانى ژ وان نهكر هنگى ئهو دێ بێ ئهمرییا پێغهمبهرى ـ سلاڤـ لـێ بن ـ كهت دهمێ دبێژت : [ أنصر أخاك ظالماً أو مظلوماً ـ پشتهڤانییا برایێ خۆ بكه ، یێ زۆردار بت یان زۆردارى لـێ بێتهكرن ] .
وگومان تێدا نینه ئهگهر وى پشتهڤانییا برایێ خۆ كر وئهو ب سهر وان ئێخست یێن غهیبهتا وى بكهت وبهاڤێتێ ، ئهو دێ بته ئهگهرا هندێ كو شهیتان پاشڤه بچت ، وفێلبازییا وى پویچ ببت ، و ژ لایهكێ دى ڤه تۆڤێ خرابییێ كێم ببت وپهیوهندى د ناڤبهرا وى وبرایێن وى دا چاك ببت، وئهڤـ چهنده دهعوێ ب بها لـێ دكهت .
وئهڤـ مهسهلا مه بهحس ژێ كرى ئیشارهتێ ددهته مهسهلهكا دى یا گرنگ ئهو ژى ژینگهها گازیكهرییه یا ئهو د ناڤـ دا دژیت .
