حهدیسا چارێ
ژێكڤهبوونا ئوممهتێ
4 ـ عَنْ أنَسِ بْنِ مَالِكٍ ـ رَضِيَ اللَّهُ عَنْهُ ـ قَالَ : قَـالَ رَسُـوْلُ اللهِ ـ صَلَّى اللَّهُ عَلَيْهِ وَسَلَّمَ ـ : [ تَفْتَرِقُ هَذِهِ الأمَّةُ عَلَى ثَلاثٍ وَسَبْعِيْنَ فِرْقَةٍ كُلُّهُمْ فِي النَّارِ إلا وَاحِدَةً ] قَالُوا : وَمَا هِيَ تِلْكَ الفِرْقَةُ ؟ قَالَ : [ مَا أنَا عَلَيْهِ الْيَوْمَ وَأصْحَابِي ] رواه الطبراني فـي الـمـعـجـم الصغير .
ئهنهسێ كوڕێ ملكى ـ خودێ ژێ رازى بت ـ دبێژت : پێغهمبهرێ خودێ ـ سلاڤـ لـێ بن ـ گۆت : [ ئهڤـ ئوممهته ل سهر حهفتێ وسێ دهستهكان دێ ژێكڤه بت ، ههمى یـێـن د ئاگرى دا ئێك تێ نهبت ] گۆتن : ئهو كیژ دهستهكه ؟ پێغهمبهرى ـ سلاڤـ لـێ بن ـ گۆت : [ ئهوا ل سهر ڕێكهكا وهكى وێ یا ئهز وصهحابییێن خۆ ئهڤرۆ ل سهر ] طەبهرانى ڤهدگوهێزت .
وژێكڤهبوونا ئوممهتێ ل سهر هنده دهستهكان ئهڤرۆ پتـر ژ ههر دهمهكێ دى یا ئاشكهرایه ، وكهس نهشێت حاشتییێ لێ بكهت ، وپێغهمبهر ـ سلاڤـ لـێ بن ـ د ڤێ حهدیسا خۆ دا ئهگهرا ژێكڤهبوونێ ودورمانێ وێ ژى بۆ مه دهسنیشان دكهت ، دهمێ بۆ مه ئاشكهرا دكهت كو دهستهكا رزگاربووى ویا بهحهشتى ژ ئوممهتێ ئهوه یا ل سهر وێ ڕێكێ دچت یا پێغهمبهر ـ سلاڤـ لـێ بن ـ وصهحابییێن وى ل سهر چووین ، مهعنا : ههر جارهكا ئوممهتێ خۆ ژ وێ ڕێكا ژێگۆتى دا پاش ژێك جودابوون وههڤڕكى د ناڤبهرێ دا دێ پهیدا بت ، وههر ڕێكهكا دى یا ههبت ژ بلى ڤێ ڕێكێ ڕێكا سهرفهرزییێ نابت ، ل دنیایێ ، و ل ئاخرهتێ ژى ئهو بهرێ خودانێ خۆ دێ دهته ئاگرى .
بهلـێ ڕێك چیه ؟
