ل مهكههێ..
وهۆسا صوههیبى خۆ دیت بوو ئێك ژ كوڕێن مهكههێ.. ئهو باژێڕێ خهلكێ وێ ژ قورهیشیان خۆ پێ سهربلند ددیت؛ چونكى ئهو مزگهفتا پیرۆز لێ بوو یا باپیرێ وان یێ ئێكێ ئیسماعیلى وبابێ وى ئیبراهیمى ئاڤاكرى..
وئیبراهیم وپهیاما وى ل بهر صوههیبى تشتهكێ بهرزه نهبوو، ل وهلاتێ ڕۆمێ گهلهك جاران وى گوهـ ل زهلامێن دینى دبوو دهمێ وان تهورات دخواند، وان سهرهاتیا ئیبراهیمى وههردو كوڕێن وى ڤـهدگـێـڕا، وكـانـێ چـاوا وى ئێكانێ خۆ ئیسماعیل د گهل دهیكا وى هاجهرێ، ب وهحیا خودێ برن دانانه وێ نهالا هشك وزوها ئهوا دكهفته بهڕیا فارانێ.. بهلێ تشتێ صوههیب حێبهتى دكر ئهڤ دینه بوو یێ خهلكێ مهكههێ ل سهر، پهڕستنا صهنهمان، و د گهل هندێ ژى وان دگۆت: ئهم دویكهفتنا ئیبراهیمى ودینێ وى دكهین.. ئهرێ ما ئهڤه ئهو دین بوو یێ ئیبراهیم پێ هاتى؟
وپشتى دهمهكى ژ ئاكنجیبوونا وى ل مهكههێ، ئهو پتر ب پێكهاتیێ ڤى باژێڕێ غهریب ئاگههدار بوو، و ژ نێزیك ب سهر وبهرێ وان حهسیا، وحهجمێ وێ (قهلهق) وهژیانێ زانى ئهوا د هزر وبیر وباوهرێن خهلكى دا ههى.. ڕاسته خهلك ل ڤێرێ سادهتر ودلساخترن ژ وى خهلكى یێ ل وهلاتێ فورسێ وڕۆمێ دژین، بهلێ زولم وزۆردارى ل ڤێرێ ژى یا ل كاره.. ل ڤـێـرێ ژى خـهلـك دویــر ژ وێ ڕێـكـێ دژیـن یـا خـودێ بـۆ وان ڤیاى، ڕێكا ڤیانێ وعهدالهتێ وتهناهیێ، ل ڤـێـرێ ژى گـازیـا خـێـرخـوازێـن وهكـى مهولایێ وى عهبدللاهێ كوڕێ جودعانى د ناڤ دهنگێن خراب دا وهسا بهرزه دبن كو كهسێ گوهـ لێ نهمینت..
بهلێ تشتێ صوههیبێ گهنج ل ڤى باژێڕى خۆش دكر، ئهو بوو وى چهند مرۆڤهكێن ب تبلێن دهستان بێنه هژمارتن نیاسین، ب ڤى واقعى درازى نهبوون یێ ل مهكههێ ههى، نه ژ لایێ دینى ڤه، ونه ژ لایێ دنیایێ ژى ڤه، ئهو ل وێ باوهرێ بوون كو ئهڤه نه ئهو دینه یێ ئیبراهیم وئیسماعیل ل سهر چووین، صوههیب ئـهوێ ل وهلاتـێ ڕۆمـێ ل سهر دینێ مهسیحى خودێ نیاسى، وباوهرى ب پێغهمبهران ئیناى، خۆ پتر نێزیكى ڤان مرۆڤێن كێم دیت، ئهوێن خهلكێ مهكههێ ب سارى ڤه بهرێ خۆ ددا وان وگازیا وان.. صوههیبى ژ نێزیك ڤه ههڤالینیا هندهك ژ ڤان مرۆڤان كر، وئێك ژ وان ههڤالێ مهولایێ وى كوڕێ جودعانى بوو، ئهوێ مهكههیان ههمیان دگۆتێ: ڕاستگۆیێ دهسپاك، موحهممهدێ كوڕێ عهبدللاهێ هاشمى.. ههر ژ ڕۆژا ئێكێ یا صوههیبى موحهممهد تێدا دیتى، پێ حهسیا ههر وهكى تشتهكێ وى دكێشته ڤى زهلامى، ڕاسته ئهو نێزیكى بیست سالان ژ موحهممهدى بچویكتره ژى، بهلێ ئهو ڕویگهشى وجامێریا ل نك موحهممهدى ههى ئێكا هـنـد ژێ چـێ دكـهت هـهر كـهسـهكـێ تێكهلیا وى بكهت ب وێ فهرقیێ نهحهسیێت یا د ناڤبهرا وى وموحهممهدى دا ههى، نه ژ لایێ عهمرى ڤه، ونه ژى ژ لایـێ جـوداهـیـا جـڤـاكـى ڤه، لهو دا بینى گهلهك مرۆڤێن ههژار وبێ خودان ژ بچویك ومهزنان ههڤالینا وى دكر.. وئێك ژ وان صوههیبێ ڕۆمى بوو، ئهوێ ل بازارا مهكههێ ب كارێ چێكرنا شیران ڕادبوو.
