حهدیسا دههێ
چاكى وچاكسازى
10 ـ عَنْ سَهْلِ بن سَعْدٍ السَّاعِدِيِّ ـ رَضِيَ اللَّهُ عَنْهُ ـ ، قَالَ : قَالَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ : [ إِنَّ الإِسْلامَ بَدَأَ غَرِيبًا وَسَيَعُودُ غَرِيبًا ، فَطُوبَى لِلْغُرَبَاءِ ] قَالُوا: يَا رَسُولَ اللَّهِ ، وَمَا الْغُرَبَاءُ ؟ قَالَ : [ الَّذِينَ يُصْلِحُونَ عِنْدَ فَسَادِ النَّاسِ ] رواه الطبراني والقضاعي .
سههلێ كوڕێ سهعدێ ساعدى ـ خودێ ژێ رازى بت ـ دبێژت : پێغهمبهرى ـ سلاڤـ لـێ بن ـ گۆت : [ هندى ئیسلامه دهمێ دهست پێ كرى یا غهریب بوو ، ودێ زڤڕت غهریب ، ڤێجا خوزییێن غهریبان ] گۆتن : غهریب كینه ، ئهى پێغهمبهرێ خودێ ؟ وى گۆت : [ ئهوێن خۆ چاك دكهن ، یان خهلكى چاك دكهن (ئەگەر بخوینین ( يُصلحون )مەعنا وێ دبتە : خەلکی چاک دکەن ، و ئەگەر بخوینین ( يَصلُحون ) مەعنا دێ بتە خو چاک دکەن ) دهمێ مرۆڤـ خراب دبن ] طەبهرانى وقوچاعى ڤهدگوهێزن .
غهریبییا ئیسلامێ د ناڤ مرۆڤان دا باوهرییێ ل خودان باوهرى زێده دكهت ، ووى پتـر موكم لـێ دكهت ، چونكى ئهو د نهفسا خۆ دا یێ چاكه وبۆ خهلكى ژى یێ چاكه ، وكو مرۆڤێ موسلمان د ناڤ خهلكى دا یێ غهریب بت ئهڤه نه تشتهكه ب سهر وى ب تنێ دا هاتى ، بهلكى بهرى وى گهلهك پێغهمبهر ژى ـ سلاڤـ لـێ بن ـ هاتینه د ناڤـ خهلكێ زهمانێ خۆ دا دغهریب بوون ، وهكى پێغهمبهرى ـ سلاڤـ لـێ بن ـ بو مه ئاشكهرا كرى كو پێغهمبهر بۆ وى هاتبوونه بهرچاڤـ كرن ، ڤێجا وى دیت هندهك پێغهمبهر ههبوون هژمارهكا كێم یا مرۆڤان د گهل دا بوون ، وهندهك دیتن زهلامهك یان دو زهلام د گهل دا بوون ، وهندهك پێغهمبهران كهس د گهل دا نهبو( وەکی بوخاری و موسلم ژ عەبدللاهێ کورێ عەبباسی ڤەدگوهێزن ).
وئهڤـ حهدیسه هندێ دگههینت كو گهلهكییا دویكهفتییێن ههر گازییهكێ نیشانا دورستییا وێ گازییێ نینه .
وچاکییا گازیكهرى وچاكسازییا وى ل سهر سێ بناخهیان ڕادوهستت، بناخهیێ ئێكێ : تهوحیدا خودێ یه .
