مهتهلنامه!
1. ههر نهفهسهكا خودێ ددهته ته، ودهلیڤهیهكا د سهر ته ڕا دبۆرت، ب كرنا طاعهتهكى ڤه بت، یان نهخۆشى وفهقیریهك بت، خودێ دڤێت ته پێ بجهڕبینت، كانێ ته نهفسهكا پاقژ ودلهكێ شوكردار ههیه یان نه؟ ومهتهلا ئهوێ دنیایێ ب دینى دخوازت وهكى مهتهلا وییه یێ ئامانێ خۆ یێ زێڕى تژى دكهت ژ خوارنا گهنى، ئهرێ ئهوێ وهسا بت ما نهكهسهكێ ئهحمهقه؟
2. دهوار، دهمێ سهیسێ خۆ دبینت، كوریا خۆ دلهقینت هندى كهیف پێ دئێت، وگاڤا خودانێ خۆ ئهوێ ئالف بۆ ئیناى دبینت، ههر پویته پێ ناكهت، ووهكى وییه ئهوێ خودانێ نعمهتێ یێ ژ ڕاستى كو خودێیه ژ بیر دكهت، وشوكرا عهبدان دكهت! وصهى دهمێ تو بهرهكى لێ ددهى، ئهو دچت وى بهرى ددهته بهر لهقان، یا ژ وى ڤه گونههـ یا بهرییه، ووهكى وییه یێ هزر دكهت عهبدن موصیبهتێ ددهن!
3. ئهوێ سهرفهرازیێ ژ مرۆڤان بخوازت نه ژ خودێ، مهتهلا وى وهكى مهتهلا وییه یێ ڕێكا خۆ بهرزهكرى، هندى پتر ل ڕێكێ بچت پتر ژ ئارمانجا خۆ دویر دكهڤت.
4. مهتهلا ئهوێ عهقلێ خۆ تهسلیمى دلێ خۆ بكهت، وهكى مهتهلا وى كهسییه یێ دهمێ نقۆ دبت خۆ ب وى ڤه دگرت یێ دخندقت، ته دیتیه ئێكێ ب چاڤ چاڤێن خۆ بگرت وبێژته مرۆڤهكێ نهبینت: دهستێ من بكێشه؟!
5. زارۆكى دێ بینى دهیكا وى جوانترین جلكى دكهته بهر، ودهمــێ ئــهو وى جلكى قـڕێـژى دكهت، یان پیس دكهت، ههر د گاڤێ دا ئهو دێ جلكێن وى ب هندهكێن پاقژتر گوهۆڕت، نعمهتێن وى ل سهر ته دبهردهوامن، وههر جار تو كراسێ قهنجیا وى یێ پاقژ ب گونههێ قهڕێژى دكهى؟!
6. مهتهلا دنیایێ ل نك خودان عهقلان وهكى مهتهلا وى كهلهخێ مراره یێ ڕهڤدهیهكا صهیان هاتینه سهر ودفنێن خۆ د ناڤ دا برین، مرارهكێ وهسا ئێك ههیه دلێ خۆ ببهتێ؟!
7. مهتهلا ته د خێرێ دا بلا وهكى مهتهلا پیڤازێ نهبت، چهند قهلپهكى ڕاكهى دا بگههیه كاكلكێ قهلپهكێ دى دێ بینى!
8. تۆبه ئهو دهرمانه یێ ئێشا گونههێ چاره دكهت، ئهرێ ته دیتیه دهرمانهكێ شرین؟ ئهگهر شرینیا گونههێ كهفته دهڤێ ته، وێ ب تهعلیا تۆبێ دهرمان بكه، ومرۆڤێ جلكهكێ پیس دبهر بت، فایدێ وى ناكهت كچا سولتانى ببینت!
9. ئهگهر ته ڤیا بركهكا زهلال ته ههبت، دڤێت نههێلى چو جۆكێن شێلى بچنه سهر، وئهندامێن لهشى وهكى ئهزمان ودهست وچاڤان، ئهو جۆكن یێن دچنه سهر دلى، ڤێدا ئهگهر ته ڤیا دلێ خۆ زهلال كهى، نههێله جۆكێن وى شێلى ببن.
10. گهلهك كهس ههنه عهمرێ خۆ ههمیێ ب لهعنهتا تاریێ ڤه دبۆرینن، دمرن ودچن بێى هزرێ دهندێ بكهن كو شهمالكهكا ب تنێ ژى هلكهنێ هندهك تاریێ ڤهڕهڤینن، ئهو باشترین دیعایهت بۆ تاریێ، خهلكى ژ هاتنا ڕۆناهیێ بێ هیڤى دكهن.
11. شهرت نینه ههر جارهكا وهعظ چو كارتێكرنێ ل دلێ ته نهكهت، سویچ ژ واعظى بت، ئاڤهكا چهندا شرین تو بدهیه مرۆڤهكێ نساخ دێ بێژت: ئهڤ ئاڤه چهندا تهعله.. گاڤا داڤێن شههوهتێن ئهرزان دلێ ته ژ ههمى لایان ڤه گرت، نهبێژه: مه ئهو واعظ نینن دلان بهژینن، بێژه: مه ئهو دل نینن ب ووعظان بهژیێن.
12. ئهگهر شڤانى پهزێ خۆ بره چهروانهكێ خۆش، ولێ چهراند حهتا قهلهو ببن، كهیفا خودانى دێ پێ ئێت، وخهلاتهكێ باش دێ دهتـێ، وئـهگـهر وى پـهزێ خـۆ بـره جههكێ خراب، هندهك د لاتــان دا فــڕیــن، وهــنــدهك گــوڕگــى دڕاندن، وئهوێ مایى ژ برسان دا لهغهر بوو، خودانێ ب كهیفا خۆیه، ئهگهر بڤێت دێ وى جزا دهت، وئهگهر بڤێت دێ لێ بۆرت، مهتهلا لهشێ ته د گهل دلى وخودێ یا وهسایه، لهش پهزه، ودل شڤانه، وخودان خودێیه، لهش ئهو دهرگههه یێ بهرێ ته ددهته بهحهشتێ یان جههنهمێ.
13. ئهو كهسێ بهرانبهر خودێ ڕادوهستت وبێى دلێ وى یێ حازر بت نڤێژێ دكهت، وهكى وییه یێ سهد سندووقێن دیاریان بۆ مهلكى دبهت، بهلێ.. یێن خالى! هوین بێژن خهلاتێ مهلكى بۆ وى دێ چ بت؟ وئهوێ نڤێژێ ب دلهكێ حازر دكهت، مهتهلا وى وهكى یا وى كهسییه یێ یاقووتهكا نهئێته بهاكرن ددهته مهلكى.. فهرقى چهنده؟
14. چل سالان ئهگهر تو ههر ڕۆژ دندكهكا خیزى بهاڤێژیه جههكى، پاشى ته ڤیا وى جهى پاقژ كهى، هزر نهكه ب مالینهكێ دێ شێى ڤێ چهندێ كهى، ئهو قڕێژا چل سالان ل سهر دلێ ته كۆم بووى، ب گوهدانا وهعظهكى ب تنێ ژێ ناچت، وئهگهر ڕێ بۆ لهشێ ب جهنابهت نههاتبتهدان كو ئهو بچته د مالا خودێ ڤه، چاوا ڕێ بۆ دلێ ب جهنابهت دێ ئێتهدان كو ئهو بچته حضوورا خودێ؟
15. ئهگهر خهلكى مهدحێن ته ب وى تشتى كرن یێ ئهو هزر دكهن كو یێ ل نك ته ههى، وتو ژ خۆ دزانى ئهو تشت ل نك ته نینه، كهیفا خۆ ب مهدحێن وان نهئینه؛ چونكى یێ كرێتیا وى ئاشكهرا فایدێ وى ناكهت خهلك بێژنێ: تو یێ جوانى!
