حهدیسا ئێكێ
بناخهیێ ههمى كاران
1 ـ عَـنْ عُـمَـرَ بْنَ الْخَطَّابِ ـ رَضِيَ اللَّهُ عَنْهُ ـ يَقُولُ : سَمِعْتُ رَسُولَ اللَّهِ ـ صَلَّى اللَّهُ عَلَيْهِ وَسَلَّمَ ـ يَقُولُ : [ إِنَّمَا الأَعْمَالُ بِالنِّيَّةِ ، وَإِنَّمَا لِكُلِّ امْرِئٍ مَا نَوَى ، فَمَنْ كَانَتْ هِجْرَتُهُ إِلَى اللَّهِ وَرَسُولِهِ ، فَهِجْرَتُهُ إِلَى اللَّهِ وَرَسُولِهِ ، وَمَنْ كَانَتْ هِجْرَتُهُ إِلَى دُنْيَا يُصِيبُهَا أَوْ امْرَأَةٍ يَنْكِحُهَا فَهِجْرَتُهُ إِلَى مَا هَاجَرَ إِلَيْهِ ] رواه البخاري ومسلم .
عومهرێ كوڕێ خهططابى ـ خودێ ژێ رازى بت ـ دبێژت : من گوهــ ل پێغهمبهرى بوو ـ سلاڤـ لـێ بن ـ دگۆت : [ هندى كارن ب ئنیهتێنه ، وبۆ ههر مرۆڤهكى ئهو ههیه یا وى كرییه دلـێ خۆ ، ڤێجا ههچییێ مشهختبوونا وى بۆ خودێ وپێغهمبهرێ وى بت ، مشهختبوونا وى بۆ خودێ وپێغهمبهرێ وییه ، وههچییێ مشهختبونا وى بۆ دنیایهكێ بت دا بگههتێ ، یان ژنکهکێ دا ماره بكهت ، مشهختبوونا وى بۆ وى تشتییه یێ وى مشهخت كرییێ ] .
ئهڤه ئێك ژ حهدیسێن زێـده گـرنـگـه ژ بـهر كو قاعدهیهكێ گرنگ ژ قاعدهیێن دینى د ناڤـ خۆ دا هل دگرت ، ئهو ژى ئهڤهیه : هندى ئنیهته بناخهیه بۆ ههمى كار وكریاران ، وچو كار بێ ئنیهت نائێنهكرن ، وئنیهته كارێ مرۆڤى دورست دكهت وههر ئهو ژى كارێ مرۆڤى خراب دكهت، ژ بهر ڤێ چهندێ زانایهكێ وهكى عهبدررهحمانێ كوڕێ مههدى دبێژت : (( ههر كهسهكێ بڤێت كتێبهكێ بڤیست بلا ب ڤێ حهدیسێ دهست پێ بكهت )) .
ڤێجا بهرى ههر تشتهكى دڤێت ئهو مرۆڤێ بۆ ئیسلامێ گازى بكهت ئنیهتا خۆ دورست بكهت ، دا ئهو ههر كارهكێ ههى دورست ببینت ، ڤێجا ئهگهر وى ئهڤـ چهنده كر ئهو دێ شێت ب ساناهى سهر وى واقعێ شهرمزار هل بت یێ ئوممهت ئهڤرۆ تێدا دژیت .
