سوباهى دێ گههینه خۆشتڤیان
ودهم هات بیلال بارێ خۆ بدانت، وخاترا خۆ یا دویماهیێ ژ ڤێ دنیایێ بخوازت، ل باژێڕێ دیمهشقێ، یان ل باژێڕێكێ (داریا) ئهو ل نێزیكى دیمهشقێ ل دویڤ گۆتنهكێ، بیلال كهفته بهر سهكهراتێ، وتهنگاڤى لێ شدیا، دهمێ ژنكا وى ئهو د ڤى حالى دا دیتى، گۆت:
- وهى بۆ ڤێ كۆڤانێ!
بیلالى گۆت:
- نه.. وهى بۆ ڤێ كهیفێ! سوباهى ئهم دێ گههینه خۆشتڤیان، موحهممهدى وههڤالێن وى..
و د گهل گازیا (يا أيتها النفس المطمئنة(27)ارجعي إلى ربك راضية مرضية(28)فادخلي في عبادي(29)وادخلي جنتي(30))بیلالى چاڤێن خۆ دانانه سهرێك، ورحا وى قهستا بانێن بلند كر، د گــهل مـــوحـــهمـــمــهدى -سلاڤ لێ بن- ودهستهكا وى ژ ڕاستگۆ وشههید وچاكان، و چ خۆش ههڤالن ئهو!!
و ب ڤێ چهندێ بهرپهڕێ بیلالى ژى هاته پێچان، ئهو عهبدێ حهبهشى یێ كـهسـێ نـهدنـیـاسـى، پاشى پشتى ب ئیسلامێ ئازاد بووى نوكه ژ دههـ موسلمانان ل دنیایێ چوننه چوننه حهفت مرۆڤ وى دنیاسن، وما كى ههیه (موئهژژنێ پێغهمبهرى) نانیاست، ئهو عهبدێ كافران بهرێن مهزن ددانانه سهر زكى ووی دگۆت: (أحد.. أحد)؟!
