ژ تەعبیرێن خەونان یێن زانایان گۆتین
ل ڤێرێ مە دڤێت تەعبیرا هندەك خەونان ڤەگێڕین یێن كو زانایێن تەعبیرێ یێن مەزن د كتێبێن خۆ دا ڤەگێڕاین ، وهەژیە بێژین : شەرت نینە هەر جارەكا مرۆڤەكی خەونەك ژ ڤان خەونان دیت دڤێت سەدا سەد ئەڤ تەعبیرا ژێگۆتی ب جـه بێت ، بەلـێ ب نیشان وسەربۆڕان پتـر یا بەرعەقل ئەوە ئەڤ تەعبیرە ب جـهــ بێت ..
1 ـ دیتنا خودێ وملیاكەت وپێغەمبەر
وصەحابی وچاكان :
ئـەگـەر كـەسـەكـی ئێك ژ ڤان د خەونێ دا دیت ، خەونا وی دێ ئێك ژ دووان
بت : ئەگەر وی ئەو ب ڕەنگەكێ جوان وژێهاتی دیت ئەڤە نیشانا باشیا ویە یێ
خەونێ دبینت ، وئەگەر وی ئەو ب ڕەنگەكێ نە ژ هەژی دیت ئەو نیشانا خرابیا
ویە یێ خەونێ دبینت .
وئـەگـەر وی دیت ئەو بەرانبەر خودایێ خۆ یێ ڕاوەستای ویێ د گەل دئاخڤت
، ئەگەر ئەوێ خەون دیتی ژ مرۆڤێن چاك بت ئەڤە نیشانا رەحم ودلۆڤانیێ یە ،
وئەگەر ئەو ژ مرۆڤێن خراب بت دڤێت یێ هشیاری خۆ بت چونكی ئەڤە خەونە (
ئینزارەكە ) بۆ وی ، وئەگەر خودێ ـ یان ملیاكەتەك یان پێغەمبەرەك ـ وی
نێزیكی خۆ بكەت وقەدرێ وی بگرت ، مەعنا وێ ئەوە ئەو دێ جهەك ومەنصبەكێ
بلند دێ كەفتە د دەستان دا ، وبەروڤاژیا وێ چەندێ ئەگەر وی دیت ئەو یێ
ژ نك وان دئێتە دویر ئێخستن مەعنا مەزنێ وی دێ لـێ قولپت .
ودیتنا ملیاكەتان ب تایبەتی د خەونێ دا هەر ئێكی تەعبیرا وی ل دویڤ كارێ
وی ملیاكەتیە یێ ئەو دبینت ، بۆ نموونە : دیتنا جبریلی نیشانا مزگینی
وقاصدیەكا خۆشە ، ودیتنا ئـزرائــیــلــی ـ ملیاكەتێ مرنێ ـ نیشانا
ژێكەڤبوون ومرن ونەخۆشیێ یە ، ودیتنا ئسرافیلی نیشانا گەهشتن وكۆمبوونێ
یە ، ودیتنا میكائیلی نیشانا گەشبوون وشینكاتی وبەرفرەهیێ یە .. وهۆسا
.
ودیتنا پێغەمبەران ب تایبەتی د خەونێ دا هەر ئێكی تەعبیرا وی ل دویڤ وی
پێغەمبەری یە یێ ئەو دبینت ، وكانێ ئەوی پێغەمبەری چ هاتبوو سەری ، بۆ
نموونە : ئەوێ د خەونێ ئادەمی ببینت یا ببینت ئەو ب خۆ یێ بوویە ئادەم
مەعنا وێ ئەوە دوژمنێ وی دێ شێتێ ودێ وی ژ جهێ وی دەرێخت ، وهەچییێ
ئەییووب دیت مەعنا وێ ئەوە نەخۆشی دێ گەهتێ ، وهەچییێ یـووسـف دیت
مەعنا وێ ئەوە دێ ئێتە جەڕباندن ودێ سەركەڤت .. وهۆسا .
وهەچییێ پێغەمبەرێ مە ـ سلاڤ لـێ بن ـ ب صفەتێ وی یێ دورست ببینت هەر
وەكی وی ئەو ب هشیاری دیتی ، وهەچیێ ببینت جلكەكێ پێغەمبەری ـ سلاڤ لـێ
بن ـ دكەتە بەر خۆ ، یان پێغەمبەری وی نێزیكی خۆ دكەت ، یان بێژتێ : ئەزێ
ژ تە ڕازیمە ، ئەو بهایێ وی د ناڤ خەلكی دا دێ بلند بت ، هەر وەسا ئەو
نیشانا باشیا ویە .
2 ـ دیتنا عەسمانان وتشتێن پەیوەندی
پێڤە هەی :
هەچیێ ببینت یێ بەر ب عەسمانی ڤە دفڕت وبلند دبت مەعنا وێ ئەوە دێ
گەهتە جهێن بلند ومەنصبێن مەزن دێ كەڤنە دەستان ، وئەگەر تشتەكێ خۆش ل
وێرێ ببینت یان بگەهتێ مەعنا وێ ئەوە فایدەیەك دێ گەهتێ ، وئەگەر
تشتەك نەخۆش ل وێرێ دیت یان گەهشتێ مەعنا وێ ئەوە نەخۆشیەك دێ گەهتێ
.
وئــەگـەر كــەسـەكێ نساخ ببینت یێ دچتە عەسمانی ودمینتە ل وێرێ
ونازڤڕتەڤە ئەو نیشانا هندێ یە كو دبت ئەو د ڤێ نساخیێ دا بمرت
.
ودیتنا ڕۆژێ وهەیڤێ نیشانا قەدر وبهایە ، ئەگەر ببینت ڕۆژ یان هەیڤ یا
ل سەر ملی ، یان ڕۆژ یا دئێتە نك وی بێی نەخۆشی ژێ بگەهتێ مەعنا بهایێ
وی د ناڤ خەلكی دا دێ مەزن بت ، ئەگەر یێ بێ ژن بت مەعنا ژنەكا جوان
دێ ئینت ، وئەگەر ژنكەكا ب حال هەبت مەعنا زارۆكەكێ جوان دێ بت ..
وئەگەر دیت ڕۆژ وهەیڤ وستێر خۆ بۆ وی دچەمینن مەعنا حومكداری دێ كەفتە
دەستێن وی و د ناڤ خەلكی دا دێ مەزن بت .
وئەگەر وی ڕۆژ دیت ونەخۆشیەك ژێ گـەهـتـێ مەعنا موصیبەتەك دێ ب سەری
ئێت ، وئەگەر ڕۆژێ عەرد ودار وبار سۆت ، مەعنا : بەلایەكا گشتی دێ ب
سەر خەلكی دا ئێت وەكی ئاتافەكێ یان زولما مەزنەكی .
وئەگەر مرۆڤەك یێ نەخۆش بت یان د ترسەكێ دا بژیت وببینت ڕۆژ وهەیڤ
پێكڤە ل جهەكی یێن كۆم بووین هنگی ترس ل سەر وی هەیە ، هەر وەسا ئەو
نیشانا لێككەفتنا مرۆڤێن نێژیكە وەكی برا وبرای وكوڕ وبابی ، یان هەویان
.
وئەگەر دیت ڕۆژ وشەڤ یێن لێك دكەڤن مەعنا شەڕەكێ مەزن دێ چێ بت ،
وڕۆژ باشیە وهەیڤ خرابی ، وئەوێ د گەل ڕۆژێ بت ئەو یێ د گەل باشیێ
ویێ د گەل هەیڤێ بت ئەو یێ د گەل خرابیێ .
3 ـ دیتنا وان ڕویدانێن ل عەسمانی چێ دبن :
دیتنا تۆپ وبرویسیێن ب ترس ، وبارانێن بۆش ، وبـەفـر وتەڕگ ، وهڕەبایێن
ب زیان ، نیشانا هاتنا نەخۆشی وموصیبەتانە ، وئەگەر بەفر وباران د عەدەتی
بت و ب مفا بن ، وبكەڤنە جهەكێ پێتڤی ئەو نیشانا باشیێ وخێرێ
وبەرەكەتێ یە ، وهەچیێ ببینت ئەو یێ ل سەر عەورەكی فڕت ئەگەر پەڕ
پـێـڤـە هەبن ، یان ل سەر جهەكێ موكم بت مەعنا ئەو دێ چتە سەفەرەكا ب
مفا وفایدە ، بەلـێ ئەگەر ئەو یێ بێ پەڕ بت یان ل سەر چو جهێن موكم
نەبوو ترس ئەوە ئەو بچتە سەفەرەكێ وزیان تێدا بگەهتێ .
وهەچیێ ببینت تشتەكێ باش ـ وەكی گۆشتێ تەیران یان خوارنا خۆش ـ ژ
عەسمانی ڤە ب سەر دا دئێت ، ئەو نیشانا هندێ یە كو رزقەكێ بەرفرەه دێ
گەهتێ ، وئەگەر ئەو تشتێ ب سەر دا دئێت یێ نەخۆش بت مەعنا بەلایەك دێ
ئێتە سەری .
وهاتنا ڕۆژێ وئەلندێ نیشانا بەرفرەهیێ یە وهاتنا شەڤێ وتاریێ
نیشانا تەنگاڤی ونەخۆشیێ یە .
4 ـ دیتنا عەردی وتشتێن پەیوەندی
پێڤە هەی :
عەرد دایبابن ، ونیشانا خێرێ وشینبوونێ یە ، وهەچیێ ببینت عەردی یێ
بوویە دویكێل یان ئاگر یان مار ودویپشك مەعنا بەلا وموصیبەتەك دێ گەهتێ
، یان ژی خوسارەتیەك دێ ب سەری ئێت .
وهەچـیـێ ببینت یێ ل عەردەكێ خۆش و ب دار وبار وشینكاتی ، وئاڤ
وڕویبار مەعنا خێر وخۆشی دێ گەهنێ وبەرفرەهی دێ ب سەر دا ئێت .
وئەگەر دیت هندەك مەعدەنێن عەردی یێن ب بها وەكی زێڕ وزیڤی وئاسنی
دگەهنێ مەعنا وێ خێرەك دێ گەهتێ ، ئەگەر یێ بێ ژن بت دێ ژنێ ئینت
، وئەگەر ژنكەكا ب حال هەبت دێ عەیالەكێ باش هەبت ، وئەگەر یێ زانا بت
زانینا وی دێ بەرفرەه بت .. وهۆسا .
وهەچیێ ببینت ئەو یێ داخوازا مەعدەنەكی دكەت و ل شوینێ تشتەكێ بێ
بها یان یێ ب زیان یێ دگەهتی مەعنا ئەو دێ تشتەكی بۆ خۆ خوازت بەلـێ
ئەو ب دەستڤە نائێت و ل شوینێ تشتەكێ بێ خێر دێ گەهتێ ، ئەگەر ژنێ
بینت ژنكا وی دێ دەركەڤت یا خراب ، وئەگەر ژنكا وی یا ب حەملە بت
زارۆكەكێ بێ خێر دێ ئینت ، وئەگەر تجارەتەكێ بكەت دێ خوسارەت بت ،
وئەگەر زانینەكێ ب دەست خۆ بێخت دێ یا خەلەت بت .. وهۆسا .
وئەگەر دار وباری ببینت تەعبیر ل دویڤ ڕەنگێ وی دار وباریە یێ ئەو
دبینت ، ئەگەر دارەكا ب خەمل وخودان بەرهەم بت ئەو نیشانا رزقەكێ باش
وقەنجیێ یە ، وئەگەر یا ب ستـری وبێ مفا بت ئەو نیشانا زیانێ وخرابیێ
یە ، وهەچیێ ببینت یێ دارەكێ دچینت مەعنا ئەو دێ كارەكێ وەسا كەت
خەلك مفای ژێ ببینت ، وئەگەر دارەكا ب زیان بچینت مەعنا دێ كارەكێ
وەسا كەت خەلك زیانێ ژێ ببینت .
وهەچیێ ببینت یێ دارەكا ب بەرهەم دبڕت مەعنا ئەو دێ كارەكێ كەت زیان
پێ بگەهتە مرۆڤان ، وئەگەر دارەكا خراب ببڕت ئەو دێ كارەكێ خەلكی پێ
نەخۆش بت ڕاكەت .
و ب سـەر كەفتنا چیای د ڕێكێن خۆش ڕا نیشانا گەهشتنا ئارمانـجـێ یە ب
ڕەنگەكێ ب ساناهی ، وئەگەر نساخەكی دیت یێ ب سەر چیایەكی دكەڤت و ل
وێرێ رحەت دبت ، دویر نینە بمرت !
وئـەگـەر دیت چیا لێك دكەڤن یان ژ جـه دچن ، مەعنا وێ لێككەفتنا
مەزنانە ، یان مرنا ئێك ژ وانە ، وئەگەر دیت چیایەك یێ ل هنداڤ سەری
مەعنا بەلایەك دێ ب سەر دا ئێت .
ودیتنا چیایێن پـیـرۆز وەكی عەرەفێ یان گووری نیشانا زانینێ یە ،
یەعنی هەچیێ ببینت چیایێ عەرەفێ یێ هاتیە باژێڕێ وی مەعنا زانایەكێ
مەزن دێ ئێتە باژێڕێ وی ، وهەچیێ ببینت یێ دچتە سەر چیایەكێ پیرۆز
مەعنا دێ گەهتە زانینەكا ب مفا ، وهەچـیـێ خۆ ببینت یێ بوویە چیایەك
ئەو دێ بتە زانایەكێ مەزن و ب ناڤ ودەنگ .
ودیتنا ئاڤا شرین وپاقژ وزەلال نیشانا باشیێ وخێرێ یە ، هەچیێ ببینت
یێ ئاڤەكا ب ڤی ڕەنگی ڤەخۆت مەعنا باوەریا وی دێ زێدە بت وخێرەكا باش
دێ گەهتێ ، وڤەخوارنا ئاڤا شێلی وسویر وپیس بەروڤاژی وێ چەندێ یە
مەعنا نیشانا نەخۆشی وخرابیێ یە .
5 ـ دیتنا حەیوانەتان :
حەیوانەت ب ڕەنگەكێ گشتی دبنە چار پشك :
پشكا ئێكێ : دیتنا وان یا باشە وئەڤە ئەو حەیوانەتن یێن مفا بۆ مۆرڤ
تێدا هەی ، وەكی دەوار وپەزی .
پشكا دووێ : دیتنا وان یا باش نینە وئەڤە ئەو حەیوانەتن یێن زیانا
مرۆڤی تێدا هەی ، وەكی دەهبە ومار ودویپشكان .
پشكا سـیـێ : دیـتــنـا وان دبـت باشی بت ودبت خرابی بت ـ ل دویڤ
ڕەنگێ خەونێ دمینت ـ وئەڤە ئەو حەیوانەتن یێن مفا ژی تێدا هەی وهندەك
جاران زیان ، وەكی حەیوانەتێن نێچیری .
پشكا چارێ : دیتنا وان هیچ نینە نە باشە ونەخرابە ، وئەڤە ئەو
حەیوانەتن یێن نە مفا تێدا هەی نە زیان ، وەكی : مێری ومێشان .
6 ـ دیتنا خوارنێ وڤەكوشتیان :
ئەو كەسێ ببینت یێ گۆشتێ حەیوانەكی دخۆت وئەو دزانت كــو ئــەڤ
حـــەیـوانە یێ حەلالە مەعنا مالـێ وی یێ حەلالە ب تایبەتی ئەگەر ئەو
گۆشت یێ پاقژ وكەلاندی بت ، وئەگەر بزانت ئەو حەیوان یێ حەرامە ، یان
ژی ئەو گۆشت یێ شین بت مەعنا مالـێ وی یێ حەلال نینە .
وخوارن ب خۆ دو ڕەنگە : خوارنا شرین وخۆش وئەڤە نیشانا باشیێ یە بۆ
نساخی تێ نەبت ، دبت بۆ وی ببتە نیشانا درێژبوونا ئێشا وی . وخوارنا
تەعل وترش وئەڤە نیشانا خرابیێ یە ، وەسا نەبت ئەو یێ نساخ بت وترشی بۆ
ئێشا وی یێ باش بت .
7 ـ دیتنا جلكان :
هەچیێ ببینت یێ جلكەكێ نە ژ هەژی دكەتە بەر خۆ مەعنا ناڤ ودەنگێن وی
ب تشتەكێ نە بابەتی وی بت دێ بەلاڤ بت ، ودیتنا ل بەر خۆ كرنا كراسی بۆ
زەلامێ ژن نەئینای یان ژنا شوی نەكری رزقە ، و ل بەر خۆكرنا جلكی نە ل
دەمێ وی وەكی جلكێ زڤستانێ ل هاڤینێ یان نە ل جهێ وی بت وەكی كو
دەرسۆكێ بكەتە پێ خۆ ئەڤە نیشانا نساخی وخرابیێ یە .
8 ـ چەند بابەتێن ژێك جودا :
ل ڤـێـرێ هــنـدەك خەونێن جودا جودا د گەل تەعبیرێن وان ب كورتی دێ
بەرچاڤ كەین :
ئەڤە ب كورتی تـەعـبـیـرا هندەك ژ وان خەونان بوو یێن زانایێن
تـەعـبـیـرێ د كتێبێن خۆ دا گۆتین بۆ مفا ژێ وەرگرتن مە ل ڤێرێ
ئیشارەت پێ دا .. و ل دویماهیێ هیڤیا مە ژ خودایێ مەزن ئەوە بەرێ مە
بدەتە ڕێكا ڕاست ودورست ، وسەركەفتنێ ب رزقێ مە بكەت .
