حهدیسا سیهــ ونههێ
ئارمانجا بلندتر یا گازیكهرى
39 ـ عَنْ رَجُلٌ مِنْ أَصْحَابِ النَّبِيِّ ـ صَلَّى اللَّهُ عَلَيْهِ وَسَلَّمَ ـ أَنَّ النَّبِيَّ ـ صَلَّى اللَّهُ عَلَيْهِ وَسَلَّمَ ـ قَالَ : [ لَنْ يَهْلَكَ النَّاسُ حَتَّى يُعْذِرُوا مِنْ أَنْفُسِهِمْ ] رواه أحمد وأبو داود .
زهلامهك ژ صهحابییێن پێغهمبهرى ـ سلاڤـ لـێ بن ـ دبێژت : پێغهمبهرى ـ سلاڤـ لـێ بن ـ گۆت : [ مرۆڤـ ناچنه هیلاكێ حهتا خۆ ههژى وێ چهندێ نهكهن وعوزرێ نهدهنه وى یێ وان دبهته هیلاكێ ] ئهحمهد وئهبوو داوود ڤهدگوهێزن .
یا خودێ ژ مه دڤێت ئهوه ئهم ل سهر مهنههجێ دورست بچین ، ڤێجا ئهگهر ئهم گههشتینه سهرفهرازى وسهركهفتنێ ئهو قهنجییهك ژ نك خودێ، ئهگهر نه ئهو مه عوزرا خۆ ل نك خودێ ڤهدیت وئهم ب واجبێ خۆ یێ دورست ڕابووین .
ل سهر ڤى بناخهیى مه چو حهق ل سهر خودێ نینه كو ئهو مه ب سهر بێخت و د ژینا مه دا دوژمنێ مه بشكێنت ، نـه .. بهلكى ئهو واجبێ مه ژ سهر خۆ ڕاكرى ڕێكێ بۆ وێ سهركهفتنێ خۆش بكهت ئهوا عهیالـێ مه یان یێن د دویڤـ وان دا دئێن دبینن ، و د دیرۆكا ئیسلامێ دا مهزنتـرین عیبرهت بۆ مه ههنه . وگـۆتـنـا خودێ ئهوا دبێژتێ پێغهمبهرێ خۆ ژ ڤێ یه دهمێ دبێژت : [ وَإِنْ مَا نُرِيَنَّكَ بَعْضَ الّذِي نَعِدُهُمْ أَوْ نَتَوَفَيَنَّكَ فَإِنَّمَا عَلَيْكَ الْبَلاغُ وَعَلَيْنَا الْحِسَابُ ـ بهلكى ئهم هندهكێ ژ وێ نیشا ته بدهین یا ئهم ژڤانى پێ ددهینه وان ، یان ژى ته بمرینین ، یا ل سهر ته گههاندنه وحسێب ل سهر مهیه ] ( الرعد : 40 ) .
وئهڤه دهرسهكا مهزنه بۆ مرۆڤێن بۆ ڕێكا خودێ گازى دكهن ، دا ئهو وێ بزانن یا بۆ وان ویا ل سهر وان ، ڤێجا دا ئهو ل خودایێ خۆ بزڤڕن وتـۆبـه بـكـهن وقهستا مهنههجێ پێهمبهرێ خۆ ـ سلاڤـ لـێ بن ـ بكهن ، و ب ههمى دهڤێ خۆ بێژن : ئهم موسلمانین وبهس !
