(أحد.. أحد)
ملحهمێ دهرد وبرینێن بیلالى
بیلال، ئهو عهبدێ حهبهشى، یێ چو هێز وعهشیرهت وبنهمال ل پشت نهههین بهڕهڤانیێ ژێ بكهن، یان وى ژ غهزهبا زڕتهكێن قورهیشیان بپارێزت، ههڤڕكى هلبژارت، و ب سڤكى بهرێ خۆ دا ههر نهخۆشیهكێ یا د ڕێكا خودێ دا بێته سهرى، گاڤا سهییدێ وى گهف لێ كرین، وى گۆتێ:
- ههچیا ژ ته دئێت بكه.. ب تنێ تو دشێیه لهشى!
- باشه دێ بینین كانێ دویماهى بۆ كێیه..
ئومهییهى بڕیار دا جلك ژ بهر عهبدێ وى بیلالى بێنهكرن، و ل شوینێ كراسهكێ ئاسنى بكهنه بهر، وببهنه بهر حهتاڤا مهكههێ یا گهرم، ل سهر خیزێ شـاریـاى ڕازیـنـن، حـهتـا كـهل بـێـتـه لهشێ وى، و د گهل هندێ ژى هندهك جاران د بهر ڕا وى ئاسنهك ل سهر ئاگرى سۆر دكر ولهشێ بیلالى پێ داخ دكر.. دگۆتێ:
- یان تو دێ كوفرێ ب خودایێ موحهممهدى كهى، وباوهریێ ب خوداوهندێن مه ئینى یان حهتا مرنێ ئهز دێ ته هێلمه د ڤێ عهزابێ دا.
بهلێ بیلالى داخوازا وى ب جهـ نهئینا، وگوهـ نهدایێ..
هژمارهكا خودان باوهرێن ههژار ولاواز، یێن بێ پشت وبێ خودان، ل وێ مهیدانێ بۆ عهزابدانێ هاتبوونه حازركرن.. عهممارێ كوڕێ یاسرى ودهیك وبابێن وى، صوههیبێ رۆمى، ومقداد، ویێن وهكى وان.. وعهگید وفێرسێن قورهیشیان لێ كۆم بووبوون زیرهكیا خۆ ل سهر سهرێ وان ههژاران دجهڕباند، و ب عهزابدانا وان خۆشى بۆ خۆ چێ دكر، هندهك ژ وان ژ بهر دژواریا عهزابێ دلگرتى بوون، وهندهكان تهحهممولا عهزابێ نهكر وهندهك گۆتنێن كافران پێ خۆش د دهر حهقا خودێ وپێغهمبهرى دا گۆتن، بیلال كهسێ ئێكانه بوو یێ خۆ ل بهر عهزابێ گرتى، نه هشێن وى ژ سهرى چوون، ونه ژى گۆتنهك گۆت یا كافران پێ خۆش بت، لهو عهقل ژ سهرێ ئومهییهى فڕى وگاڤ بۆ گاڤێ عهزاب ل سهر وى دشداند، وگۆتنا ئێكانه یا بیلالى وهكى چهكوچێن ئاسنى ل سهرێ ئومهییهى وزڕتهكێن وهكى وى ددا ئهڤه بوو:
- أحد.. أحد..
خودایێ ب حهق یێ من باوهرى پێ ههى خودایهكێ ب تنێیه، وئهو گهلهك صهنهمێن ههوه باوهرى پێ ههى وهوین هزر دكهن ئهو شریكێن خودێنه، ئهو دباطلن، وچو ڕاستى بۆ وان نینه..
- أحد.. أحد..
ئهو ملحهم بوو یێ دهرد وبرینێن بیلالى پێ دهرمان دبوون، وئهو دربێ كوژهك بوو یێ وى دوهشانده غوروور ودفن بلندیا ئومهییهى وههر زالمهكێ وهكى وى.. وئومهییه باش ب دژواریا ڤى دربى دحهسیا، لهو ب دلهكێ تژى كهرب وكین ڤه دگۆته بیلالى:
- ما چو گۆتنێن دى نینن تو بێژى ژبلى ڤێ پهیڤێ؟
بیلالى دگۆتێ:
- ئهگهر من زانیبا پهیڤهكا دى یا ژ ڤێ نهخۆشتر ل بهر ته ههیه، ئهز دا وێ بێژم!!
وچهند عهزابا وى ل سهر بیلالى دژوارتر لێ دهات، صهبر وخۆڕاگریا بیلالى ژى پتر لێ دهات.. ودویماهیێ شهیتانێن جاهلیهتێ دا پتر دلێ خۆ ب ئێشاندنا وى هوین بكهن، وان زنجیرهك ئێخسته ستویێ بیلالى، وهكى ههڤسارى! وسهرێ وێ كره د دهستێ هندهك زارۆك وبێ عهقلان دا وگۆته وان:
- وى ل كۆلانێن مهكههێ بینن وببهن، ل پێش چاڤێن خهلكى؛ دا ئهو بۆ خۆ پێ بكهنه كهنى!
وڤێ ژى چو ژ هێز وخۆڕاگریا بیلالى كێم نهكر.. بیلال، ئهوێ بهرى چاڤێن وى ب ئیسلامێ روهن ببن، ودلێ وى ب باوهریا تهوحیدێ ئازاد ببت، ههر ههست ب ههبوونا خۆ نهدكر، نوكه پێ دحهسیێت كو چهند هێزا دنیایێ ههمى یا وییه، بهرێ.. وى ژى وهكى ههر عهبدهكێ دى ل مهكههێ، هزر دكر بهس ژیانا وى مرۆڤى ژیانه یێ دهستێ وى ژ مالێ دنیایێ یێ تژى بت، بهس وى كهسى حهقێ ههى بێژت: ئهز مرۆڤم، یێ ملك وئهملاك وسهلتهنهت ههى، وچونكى ئهو عهبدهكێ بێ مال وحاله، وى هزر دكر ئهو ژیانا ئهو دبۆرینت نه ژیانه.. بهلێ نوكه وپشتى ئهو ب سهر ڕۆناهیا ئیسلامێ هلبووى، ژ نوى وى زانى كو مرۆڤ ب ئارمانجا خۆ -نه كو ب مال ودهولهمهندیا خۆ- دئێته هلسهنگاندن، وئارمانجا تـه د ڤـێ ژیانێ دا چهند یا مهزنتر وپیرۆزتر بت بهایێ ته دێ یێ پتر بت، وما چ ئارمانج ژ وێ پیرۆزتره كو تو بۆ خودێ بژى؟
ڕۆژا موحهممهدى -سلاڤ لێ بن- ب گازیا خۆ دلێ بیلالى ئازاد كرى، بیلال پێ حهسیا ههر وهكى ئهو یێ بوویه مرۆڤهكێ دى، مرۆڤهكێ دژیت بۆ ئارمانجهكا پیرۆز، وئهوێ بهرێ وى ل ئومێدهكا مهزن بت د خهمێ نابت چییا د وێ ڕێ دا بێته سهرى.. بیلالى نزم بهرێ خۆ ددا وان یێن ئهو عهزاب ددا، وهندهك جاران ژى دلێ وى دما ب وان ڤه، ئهو چهند دنهزانن دهمێ هزر دكهن دێ ب بێژنكا خۆ ڕۆناهیا ڕۆژێ ژ خهلكى گرن!!
وئومهییهى ڕۆژهكێ ڤیا دهنگێ بیلالى چك بكهت، دا (أحد.. أحد) نهئێته گوهێن وى، ئینا بڕیار دا دو زهلام دستارهكێ مهزن هلگرن وبینن بداننه سهر زكێ بیلالى، ههر وهكى چاڤێ ڕۆژا مهكههێ یێ ئاریاى، وخیزێ بهتهنێن وێ یێ شاریاى تێرا هندێ نینن كهربا دلێ وى رحهت بكهن، ڤێجا وى ڤیا بێنا بیلالى ب بـهرێ دسـتــار وبـاگـوردانـان ژى چـك بـكـهت.. بـهلـێ دهنـگـێ بـیـلالـى هـهر ما د گوهێن وى دا دهنگ ڤهدهت:
- أحد.. أحد!!
