حهدیسا سیهــ وئێكێ
فتنا گازیكهرى
31 ـ عَنْ أبِي الأعْوَرِ السُّلَّمِي ـ رَضِيَ اللَّهُ عَنْهُ ـ قَالَ : قَالَ رِسُولُ اللهِ ـ صَلَّى اللَّهُ عَلَيْهِ وَسَلَّمَ ـ : [ إيَاكُمْ وَأبْوَابُ السُّلطانِ ، فَإنَّهُ قَدْ أصْبَحَ صَعْبَاً هَبوطَاً ] رواه ابن عساكر والطبراني .
ئهبوو ئهعوهرێ سوللهمى (ناڤێ وی یێ دروست عەمرێ کورێ سوفیانییە ) ـ خودێ ژێ رازى بت ـ دبێژت : پـێـغـهمبهرى ـ سلاڤـ لـێ بن ـ گـۆت : [ هشیارى بهر دهرگههێن سولتانى بن ، چونكى ئهو ژێلهلییهكێ ب زهحمهت وفرۆكهیه ( یەعنی رێکەکا وەسایە ب زەحمەت مروڤ ب سەردکەڤت و ب ساناهی ژێ دکەڤت) ] ئبن عهساكر وطەبهرانى ڤهدگوهێزن .
نێزیكییا ژ سولتانى دژوارترین فتنهیه مرۆڤێ داعیه پێ د سهر دا دچت، وتشتێ ژ ههمییێ پـتـر یێ ب ترس ل سهر وى كهسى یێ دچته نك مهزنێن زۆردار ئهوه ئهو درهوێن وان ڕاست دهربێخت ، وهاریكارییا وان ل سهر زولما وان بكهت ، یان ژى خۆ ل سهر خرابییا وان بێ دهنگ بكهت وئینكارا وان نهكهت ، چونكى ئهوێ قهستا وان بكهت دا ب ههڤالینییا وان پێش بكهڤت ومهزن ببت ، ئهو نهرازیبوونا خۆ ل سهر خرابییێن وان ئاشكهرا ناكهت ، بهلكى ئهو خرابییێن وان دێ ل بهر وان جوان وتازه كهت ، دا كهیفا وان ب وى بێت ووى پـتـر نێزیكى خۆ بكهن ، وهیڤى وداخوازییێن وى بۆ وى ب جـه بینن ، وبهریكێن وى تژى بكهن !
وبهلایا مهزن ئهوه دهمێ شهیتان وهسا داعیهى تێ دگههینت كو نێزیكییا وى ژ سولتانى بۆ هندێ یه دا ( دهعوه ) مفایى ژ وى ببینت ، ودین پێ سهرفهراز ببت ، وئهو ب خۆ مهسهله مهصلحهتا وییه وچو ددى نه !
وخۆ نێزیكییا ژ سولتانى ئهگهر بۆ هندێ بت دا دهعوه د گهل بێتهكرن ، وفهرمانا ب باشییێ لـێ بێتهكرن ، وئهو ژ خرابییێ بێته دویر ئێخستن ئهڤه كارهكێ باشه خودێ خێرێ دێ ژێ دهته خودانى ..
و ژ ڤێ چهندێ دیار دبت كو ڕابوونا داعیه ب ئاشكهرا كرنا حهقییێ ژ مهسهلێن گرنگه .
