حهدیسا حهفتێ
ڕێنیشانێن ڕێكێ
7 ـ عَـن ابـنِ عَـبَّـاسٍ ـ رَضِيَ اللَّهُ عَنْهُ ـ قَالَ : خَطَبَ رَسُولُ اللهِ ـ صَلَّى اللَّهُ عَلَيْهِ وَسَلَّمَ ـ النَّاسَ فِيْ حَجَّةِ الوَدَاع ، فَقَالَ : [ يَا أيُّهَا النَّاسُ ! إنِّي قَدْ تَرَكْتُ فِيْكُمْ مَا إن اعْتَصَمْتُمْ بِهِ فَلَنْ تَضِلُّوا أبَدَاً : كِتَابَ اللهِ وَسُنَّتِي ] أخرجه الحاكم والبيهقي .
عهبدللاهێ كوڕێ عهبباسى ـ خودێ ژێ رازى بت ـ دبێژت : پێغهمبهرى ـ سلاڤـ لـێ بن ـ د حهجا خاتر خواستنێ دا گۆت : [ گهلى مرۆڤان ! من ئهو تشت د ناڤ ههوه دا هێلایه یێ ئهگهر هوین خۆ پێڤه بگرن هوین قهت بهرزه نابن : كیتابا خودێ وسوننهتا من ] حاكم وبهیههقى ڤهدگوهێزن .
مهعنا : كیتابا خودێ وسوننهتا پێغهمبهرێ وى ـ سلاڤـ لـێ بن ـ دویر ژ ههوایێ نهفسێ وبهرژوهندییێن شهخصى وتهفسیراتێن حزبى وبۆچوونێن بهرتهنگ ڕێكا ڕاست ومهنههجێ دورسته .. بهلـێ پسیار ل ڤێرێ ئهڤهیه : ئهرێ ما ئێك ههیه خۆ ب موسلمان بزانت و د ڤێ مهسهلـێ دا بكهفته گومانێ ؟ وما ئێك ژ موسلمانان ههیه نهبێژت : ڕێكا دوست كیتاب وسوننهته ؟
بۆ بهسڤ دێ بێژین : بهلـێ یێن ههین ! بهس ئینكارا وان یا ئاشكهرا وڕوى ب ڕوى نینه ، چونكى كهسهك نهشێت ئاشكهرا ئینكارا كیتابێ وسوننهتێ بكهت ، ئهگهر چهند یێ د سهردا چوویى ژى بت ، لهو تشتهكێ ڤهبڕ ل ڤێرێ ههیه تێگههشتنا دورست ونه دورست بۆ كیتابێ وسونـنـهتێ ژێك جودا دكهت ، ودڤێت ئهم ڤى تشتى باش بزانین دا باوهر ژ ههر كهسهكى نهكهین دهمێ دئێت و ب ناڤێ دویكهفتنا كیتابێ وسوننهتێ دئاخڤت .
