حهدیسا شازدێ
ئهگهرا خهلهلـێ
16 ـ عَبْدَ اللَّهِ بْنَ عُمَرَ ـ رَضِيَ اللَّهُ عَنْهُمَا ـ قَالَ : سَمِعْتُ رَسُولَ اللَّهِ ـ صَلَّى اللَّهُ عَلَيْهِ وَسَلَّمَ ـ يَقُولُ : [ إِنَّمَا النَّاسُ كَالإِبِلِ الْمِئَةِ ، لا تَكَادُ تَجِدُ فِيهَا رَاحِلَةً ] رواه البخاري ومسلم .
عهبدللاهێ كوڕێ عومهرى ـ خودێ ژێ رازى بت ـ دبێژت : من گوهـــ ل پێغهمبهرى بوو ـ سلاڤـ لـێ بن ـ دگۆت : [ هندى مرۆڤن وهكى حێشتـران نێزیكه ژ سهدان تو پێڕهههكێ د ناڤ دا نهبینى ] بوخارى وموسلم ڤهدگوهێزن .
ڤێ حهدیسێ بهحسهكێ دورت وڕێنیشادانهكا ب مفا تێدا ههیه :
بهحس ئهڤهیه : پێغهمبهر ـ سلاڤـ لـێ بن ـ ب مه ددهته زانین كو پـتـرییا مرۆڤان كێماسى ل نك ههیه ، وئهوێن تمام ـ یان ژى نێزیكى تمامییێ ـ د ناڤـ مرۆڤان دا دكێمن ، كانێ چاوا دهمێ تو سهد حێشتـران دبینى ل بهر چاڤـێـن تـه ئهو دێ گهلهك بن ، بهلـێ دهمێ ته دڤێت ئێكێ ژ وان بۆ خۆ هلبژێرى دا لـێ سویار بى یان بارێ خۆ لـێ بكهى ، وپێ بێى وبچى ، نێزیكه تو ئێكا ب كێرهاتى د ناڤـ دا نهبینى ، مرۆڤـ ژى دوهسانه ، ل بهر چاڤ ئهو گهلهكن ، بهلـێ ئهگهر ته ڤیا ئێكى بۆ خۆ ژێ هـلـبـژێـرى دا تشتهكـى نیشا ته بدهت ، یان فهتوایهكێ بدهته ته ، یان ب كێر ئیمامهتییێ بێت ، نێزكه تو وى نهبینى ..
وڕێنیشدان ئهڤهیه : پێغهمبهر ـ سلاڤـ لـێ بن ـ ب ڤێ گۆتنا بهرێ ئوممهتێ ددهته هندێ كو دڤێت ئهو خۆ بوهستینن وكارى بكهن بۆ هندێ دا مرۆڤێن ژ ههژى و ب كێر هاتى بهرههڤـ بكهن ، وبیننه پێش ، وكارێن گشتى بێخنه دهستێن وان ، دا فایێ وان بگههته خهلكى ههمییان .
وئهگهر ئهم ب ئهگهرا خهلهلـێ زانا وئاگههدار بووین ، دڤێت چارهیا وێ ژى بزانین .
