مۆبایل.. وخرابكرنا مالهكێ
ئهم خودان خێزانهكا ناڤنجى بووین ژ لایێ هژمارا كهسان ڤه و ژ لایێ قهدر وبهایێ جڤاكى ژى ڤه.. بابێ مه فهرمانبهرهكێ خودان ڕێز و ژ خۆ شهرم بوو، خویشكهكا مهزن مه ههبوو یا شویكرى بوو وزهلامێ وێ مرۆڤهكێ ب قهدر بوو د جڤاكێ دا، وئهم خویشك وبرایێن دى ههمى قوتابى بووین ل قویناغێن جودا جودا ژ قویناغا سهرهتایى بگره وحهتا زانكۆیێ.
و ب ڕهنگهكێ گشتى (سومعهتا) مالا مه د ناڤ خهلكى دا یا باش بوو حهتا ئهو ڕۆژ هاتى یا من ژ نهزانینا خۆ ئهڤ سومعهته ڕهش كرى و ل ئاخێ داى !
وههر چهنده دهیكا مه ژنهكا نهخواندهڤا بوو ژى بهلـێ وێ هـهردهم ئــهم پـالددایـن دا كــو د خواندنا خۆ دا پێش بكهڤین و ژ سهركهفتیان بین.. و ب ڕاستى خویشك وبرایـێـن من ههمى ـ ب تـنـێ ئهز تێ نـهبـم ـ ب دورسـتـى ددیندار بوون، وحهز ژ هندێ دكر پێگیریێ ب عورف وعهدهتێن جڤاكى بكهن، ومن هزر دكر ئهڤ پێگیریه زنجیرهكا نهخۆشه ئازادیا من گرێ ددهت، وچونكى من دڤیا ئهز ههردهم یا ئازاد بـم ئهز لـێ دگهڕیام دویر ژ ڤێ پێگیریێ بژیم.. وئهز ل ههوه ناڤهشێرم كو ههڤالا من یا قوتابـخـانـێ كـو كچهكا زێـده (ڤهكرى) بوو دهورهكێ مهزن د هندێ دا ههبوو ئهز ژى (ڤهكرى) بژیم !
وخویشكا من ئهوا سالهكێ ژ من مهزنـتـر ههردهم شـیـرهت ل من دكر كو ئهز خۆ ژ ڤێ ههڤالـێ بدهمه پاش چونكى سومعهتا وێ ل قوتابخانێ یا باش نینه، بهلـێ من گوهداریا وێ نهدكر ومن دگۆتێ: هوین خودان هزرهكا كهڤـنـن لــهو كـهربـێــن هـهوه ژ كهسێن ڕۆناكبیر ڤهدبن !
ودۆستینیا من د گهل ڤێ ههڤالـێ ڕۆژ بۆ ڕۆژێ ب هێز كهفت، وگههشته وێ دهرهجێ ئهز گهلهك جاران د گهل وێ دچوومه مالا وان.. وڕۆژهكێ من ژێ زانى كو وێ ههڤالهكێ ههى وپهیوهندیهكا زێدهى عهدهتى د ناڤبهرا وان دا ههیه، وگاڤا من پسیارا ڤێ چهندێ ژێ كرى گۆت: ما ته چ ههڤال نینن؟
گاڤا من گۆتیێ: نه، ئهو ژ من عهجێبگرتى بوو وگۆت: ههر وهكى تو ژى ژ مۆدێلا بهرێ یى !! پاشى ئهو ما ب من ڤه كو ئهز ژى بۆ خۆ دۆستهكى بگرم وكهیفێ ب جحێلینیا خۆ ببهم، وگاڤا وێ دیتى ئهزا دودلم وێ گۆت: خۆ بجهڕبینه وهكى ههمى كچكان پاشى پاشى بڕیارا خۆ بده.
پاشى وێ گۆت: دۆستێ من ههڤالهكێ ههى ئهز دێ بێژمێ بلا رهقهمێ خۆ بدهته ته.. و ژ وێرێ وێـڤه تو وزیرهكیا خۆ !
ل سهر ئهز گهلهكا دودل بووم، وچهند ڕۆژهكان ئهز مام من تهلهفوون بۆ نهكر، ههڤالا من ما ب من ڤه حهتا دویماهیێ ئهز قانع كریم د گهل وى باخڤم، جارا ئێكێ دهمێ ئهز د گهل ئاخفتیم ژ ترس وشهرمان دا دهنگێ من ڤهدلهرزى.. پاشى پیچ پیچه ئهز بسته بووم، ومهسهله گههشته هندێ ئهگهر ڕۆژهكێ من گوهـ ل دهنگێ وى نهببا ئهز ژێ خهریب دبووم، پاشى مهسهله پێشڤه چوو ومن ووى ژڤان دا ئێك.. وگاڤا ههڤالا من ب ڤێ چهندێ زانى كهیفا وێ گهلهك هات وتهشجیعا من كر كو ئهز خۆ سست نهكهم !
وگاڤا ئهز ل ژڤانى چوویم.. ترسا من ئهو بوو ئهزا ب دلـێ وى نهبم، چونكى جوانیا من یا ناڤنجى بوو، بهلـێ گاڤا وى ئهز تێ گههاندیم كو جوانیا من كارهكێ مهزن د وى كریه نێزیك بوو ئهز ژ كهیفان دا بفڕم.. ڕۆژ بۆ ڕۆژێ پهیوهندى د ناڤبهرا من ووى دا ب هێزتر لـێ هات، ودهنگ وباسێن ڤێ پهیوهندیا گهرم گههشتنه خویشكا من، ووێ گهلهك خۆ وهستاند كو من قانع بكهت دا ئهز ڤێ پهیوهندیێ ببڕم بهلـێ من گوهداریا وێ نهكر، چونكى ئهز ل وێ باوهرێ بووم كو بێى ههڤالـێ خۆ وڤیانا وى ئهز نهشێم دهقیقهكێ بژیم، وپشتى بۆ خویشكا من دیار بووى كو ئهز گوهێ خۆ نادهمێ، گهف ل من كرن كو ئهگهر ئهز گوهداریا وێ نهكهم ئهو دێ مهسهلـێ گههینته باب وبرایێن من، ئهز ژ ڤێ چهندێ ترسیام، چونكى بابێ من مرۆڤهكێ عهشائرى بوو، و ل بهر وى ئهڤ ڕهنگه پهیوهندیه تاوانهكا مهزنن ههر نائێنه غهفراندن.
وحهتا ئهز دهلیڤێ بدهمه خۆ كو ڕێكهكێ ببینم بهلا خویشكا خۆ پێ ژ خۆ ڤهكهم وخۆ ژ گهفا وێ ڕزگار كهم من وهسا د خۆ ئینادهر كو ئهز دێ گوهداریا وێ كهم، وڤێ پهیوهندیا خۆ یا گونههكار ب دویماهى ئینم، كهیفا خویشكا من گهلهك ب ڤێ چهندێ هات.. وپشتى دهمهكى ئهز وههڤالا خۆ و د گهل دۆستێ خۆ یێ خۆشتڤى گههشتینه ڕێكهكێ شهیتانى ئینا سهر هزرا مه: لازم ئهز تشتهكى ل سهر خویشكا خۆ بگرم دا پێ بشێمێ وبهرهنگاریا گهفێن وێ بكهم، چ بكهم؟ چ نهكهم؟
گۆتن: مۆبایلهكا ب كامیره د گهل خۆ ببه وجارهكێ دهمێ ئهو د حالهتهكێ (نهدورست) دا وێنهیهكى بۆ بگره.. وته شۆلهژێ نهبت.
و ژ بێ عهقلیا خۆ من وه كر.. مۆبایلا دۆستێ خۆ ب دزى ڤه من د گهل خۆ ئینا مال، وڕۆژهكێ دهمێ خویشكا من جلكێن خۆ دگوهاڕتن وبێى ئهو ب من بحهسیێت وێنهیهكێ وێ من گرت دهمێ ئهو یا نیڤ ڕویس.. ویا ژ من ڤه سهركهفتنهكا مهزن من ب دهست خۆ ڤه ئینا، وڕۆژا د دویڤ دا من مۆبایل ب وێـنـه ڤه ل دۆستێ خۆ زڤڕاندهڤه، پشتى من ب ڤیانا مه ئهو دایه سویندێ كو ئهو بهرێ خۆ نهدهته وێنهى !!
وپـشـتـى ئـهڤ پیلانا خـۆ من ب جـه ئیناى جارهكا دى ئهز ل خویشكا خۆ قـولپـیـم، وگاڤا وێ گهف ل من كریهڤه من گۆتێ: خۆ ل سهر سهرێ من شهریف نهكه، خودانا تو وێنهیێ خۆ یێ ڕویس ددهیه خودانێن مۆبایلان !
ئهو ژ ڤێ گۆتنا من حێبهتى ما.. بهلـێ من گۆتێ: وێنهیهكێ ته یێ بێ ههتك من د مۆبایلا ههڤالـێ خۆ دا دیتیه، وچى گاڤا وێ بهحسێ من كر ئهز دێ وى وێنهى نیشا باب وبرایـێـن خۆ دهم !
گاڤا خویشكا من ئهڤ گۆتنه گوهــ لـێ بووى دلگرتى بوو، وحهتا مه نهبریه خهستهخانێ وچهند ڕۆژهكان بۆ چارهسهریێ مایه ل وێرێ نهزڤڕى سهر هێزا خۆ..
ومن هزركر مهسهله ل ڤێرێ دێ ڕاوهستت، بهلـێ پشتى هنگى ئهو تشت چێبوو یێ من چو هزر بۆ نهكرین.. دۆستێ منێ بێ بهخت ئهو وێنه ل سهر ههڤالێن خۆ یێن بێ ئهخلاق بهلاڤكر، وێنه ژ ئێكى بۆ یێ دى هاته ڤهگوهاستن حهتا سوحبهت گههشتیه بابێ من وبرایێن من، ودویماهیا خویشكا من یا ئاشكهرا بوو..!!
وگاڤا ئهز چوویمه تهلبا دۆستێ خۆ یێ بێ بهخت، ل سهرى وى گۆت: ببۆره ئهڤ چهنده ب خهلهتى ڤه چێبوویه، پاشى ڕاستیا خۆ بۆ من ئاشكهراكر وگۆت: تو دزانى خویشكا ته ژ ته جوانتـره ! ودا بۆ ته بێژم: مهسهله بلا ل سهر بهڕكێ بت، نوكه سومعهتا مالا ههوه یا ل صفرێ، ڤێجا خۆ ل سهر سهرێ من شهریف نهكه، وهره دا ب دلـێ خۆ بكهڤین، ما تو ژ چ دترسى ئێدى !!
