جوانكرنا نهفسێ
بارا پتر ژ مه ڕۆژێ پتر ژ جارهكێ ل بهر قۆدیكێ ڕادوهستن، دا بهرێ خۆ بدهنه سهر و بهرێ خۆ كانێ د (ئهنیقن) یان نه، و گاڤا نوقتهكا ب تنێ ژی د دیمهنێ خۆ دا یا ب دلی نهبت، و ڤێ (ئهناقهتێ) تێك بدهت، دێ خۆ وهستینت دا ڤێ نوقتا كرێت ژێ ببهت، ئهگهر خۆ هندهك مالی ژی پێخهمهت ڤێ چهندێ ژ بهریكا خۆ خهرج بكهت ژی!
مالا خۆ ههر وهسا مرۆڤ لێ دگهڕیێن جوان بكهت، دا ب ڕهنگهكێ (ئهنیق) و بهركهفتی بێته پێش چاڤ، و ئهڤه كارهكێ خراب نینه، چونكی خودێ یێ جوانه و حهز ژ تشتێ جوان دكهت وهكی د هندهك حهدیسان دا هاتی.
بهلێ تشتێ ل ڤێرێ مه دڤێت بێژین ئهڤهیه: ئهرێ چــهنــــد ژ مـــه ڕۆژێ جارهكێ ل بهرانبهر قۆدیكا ڕاستییێ ڕادوهستت دا بهرێ خۆ بدهتێ كانێ نهفسهكا (ئهنیق) ههیه یان نه؟
(ئهناقهتا) نهفسێ ئهوا گهلهك ژ (ئهناقهتا) لهشی بۆ مرۆڤی فهرتر، ل دكانێن (كهمالییاتان) نائێته فرۆتن مرۆڤ شیشهكا وێ بۆ خۆ بكڕت، و د گهل شیرێ دهیكێ ژی بۆ مرۆڤی نائێته ڤهگوهاستن كو مرۆڤ خۆ بهێلته ب هیڤییێڤه، بهلكی ئهو ئهنجامێ خۆوهستاندنهكا رووحی و عهقلییه.
وهلاتێ مه ئهڤرۆ ژ ههر دهمهكێ دی پتر ههوجهیی ب وان مرۆڤان ههیه یێن خودان نهفسهكا (ئهنیق)، ئهو وهلاتییێ وژدانهكا پاقژ ههی، وژدانهكا خۆ ژ ههمی بێخێری و كێماسییان بلند بكهت، چونكی ئهو تارییا ئهڤه هنده ساله ڕهشمالا خۆ ل هنداڤی ژینا مه ڤهدای ب دانانا هندهك قانوینێن نوی و سهرهلدانێن قالبی ب تنێ بگوهۆڕن نا ڤهڕهڤت.
نه دهیك و باب و نهخواندنگههێن مه نهشێن جیلهكی بۆ مه پهیدا بكهت ئاڤاكرنا كهسینییا خۆ و وهلاتێ خۆ ب ستویێ خۆ ڤه بگرت، ئهگهر ئهو ب خۆ د خودان نهفسهكا (ئهنیق) نهبن، گوهۆڕینا كراسی كارهكێ ب زهحمهت نینه، و خۆخهملاندنێ ژی گهلهك وهستیان پێ نهڤێت، بهلێ جوانكرن و خهملاندنا نهفسێیه مرۆڤێن مرۆڤ پێ دڤێن، لهو مرۆڤ ب خۆگوهاڕتنا خۆ ب تنێ دشێت واقعێ خۆ ب دورستی بگوهۆڕت، گهلهك مرۆڤ و گهلهك جڤاك ژی ههنه ددویركوژن، ب سهرڤه و ژ دویر ڤه گهشاتییهكا مهزن ژێ ڕادبت مرۆڤ هزر دكهت ڕۆناهییه، چهند گاڤهكا دێ ب نك ڤه چت، دێ بینت گهشاتییهكا ژ درهوه، گاڤا نێزیك بۆ باش دێ زانت ل پشت ڤێ گهشاتییا بهرچاڤ دلهكێ وهكی ڕهژییێ ههیه!
بۆچی؟
چونكی ئهڤ گهشاتییه ژ نهفسهكا (ئهنیق) و رحهكا پاقژ دهرنهكهفتییه.
لهو دوباره دێ بێژین: د ڤێ قویناغێ دا، و پشتی بۆرینا دههـ سالان د سهر خۆئازادكرنێ ڕا، وهلاتێ مه ژ ههر دهمهكێ دی پتر ههوجهیی ب وی بابی و وێ دهیكێ و وی سهیدایی ههیه یێ باوهری ب پاقژییێ و ساخلهمییا دلی ههبت، ئهو پاقژی و ساخلهمییا دلسۆزییێ و ئیخلاصا بۆ وهلاتی و مللهتی و بیر وباوهران د وژدان ونهفسێ دا پهیدا دكهت، ئهو پاقژی و ساخلهمییا نهفسێ بهری لهشی (ئهنیق) دكهت، چی گاڤا مه ئهڤه كر هنگی بزانن ئهو مه گوهۆڕینهكا كری.
