حهدیسا سیهــ وشهشێ
شارهزایییا گازیكهرى
36 ـ عَنْ أَبِي هُرَيْرَةَ ـ رَضِيَ اللَّهُ عَنْهُ ـ عَنْ النَّبِيِّ ـ صَلَّى اللَّهُ عَلَيْهِ وَسَلَّمَ ـ أَنَّهُ قَالَ : [ لا يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ ] رواه البخاري ومسلم .
ئـهبـوو هورهیره ـ خودێ ژێ رازى بت ـ دبێژت : پێغهمبهى ـ سلاڤـ لـێ بن ـ گۆت : [ ژ كونهكێ خودان باوهر دو جاران نائێته گهستن ] بوخارى وموسلم ڤهدگوهێزن .
مرۆڤى ئهگهر كارهك كر و ب سهربۆڕ بۆ وى ئاشكهرا بوو كو ئهڤى كارى چو مفا تێدا نینن ، ئهرێ ئهو ههر دێ مینت وى كارى كهت ؟
ئهگهر ههر ما مهعنا وێ ئهوه ئهو یێ شارهزا وتێگههشتى نینه ، ژ خۆ ئهگهر وى ئهو كار هێلا مهعنا وێ ئهوه وى باوهرى وشارهزایى وتێگههشتنهكا مهزن ههیه .
وحهدیسا بۆرى مهتهلهكه پێغهمبهرى ـ سلاڤـ لێ بن ـ ئیناى ، دا هشیارى وخۆپاراستنا خودان باوهرى ئاشكهرا بكهت ، ودا دیار بكهت كو باوهرییا خودان باوهرى ناهێلت ئهو وان خرابییان بكهت یێن زیانا وى تێدا ههى ، وههر جارهكا ئهو تێكهفت وتشتهكێ وهسا كر ، ههر زوى ئهو پهشێمان دبت و ل خۆ دزڤڕت وتۆبه دكهت ، و ژ تمامییا تۆبا وى ئهوه ئهو یێ هشیار بت دا جارهكا دى تویشى وى كارى نهبتهڤه ، وهكى وى كهسى یێ دهستێ خۆ دكهته د كونهكێ ڕا ومارهك پـێـڤـه ددهت ، ئهو پشتى هنگى جارهكا دى دهستێ خۆ ناكهته د وێ كونێ ڕا ، ژ بهر ئهوا جارا ئێكى هاتییه سهرى .
ومهتهلا داعیهى د ڤێ چهندێ دا وهكى وێ یه ئبن مهسعوود ـ خودێ ژێ رازى بـت ـ دبـێـژت : (( مـرۆڤـێ بهختهوهر ئهوه یێ عهقلى بۆ خۆ ژ هندهكێن دى وهرگرت )) .
ڤێجا پا چاوایه یێ نهفسا وى وهعزى ل وى دكهت وئهو مفایى بۆ خۆ ژێ وهرنهگرت ؟
و ژ وان كاران یێن شارهزایى وتێگههشتنا داعیهى زێده دكهن : بهلایا گازیكهرییه .
