ناڤبرا نەهێ
عهطوه بهگ د تورمبێلا خۆ دا ب ڕهخ وێ ڤه یێ ڕوینشتى بوو، بایێ شهڤێ یێ نهرم ب ڕویێ وێ یێ كهل دكهفت، یا ئاشكهرا بوو كو وى ب پشت ڕاستى تورمبێلا خۆ دهاژۆت.. خویا بوو كو حوكمێ وى ژ لهش وژیێ وى مهزنتره.. دهنگێ خرخالان بلند بوو.. وى گۆت:
ــ دهمێ ســوحــبــهتــا تــه گههشتیمه من، من خۆ ل بهر نهگرت.. ئهڤـ چهنده گهلهك جاران ڕوى ددهت، ل حهفتیا بۆرى خوارزایێ وهزیرهكى ژى وهكى ته هاته گرتن، دیسا بهرى ههیڤهكێ برایێ موشیر عامرى وهزیرێ شهڕى هاته گرتن، ههر وهسا پهیامنێرهكێ ههیكهلى نڤیسهرێ ڕۆژنامهیا ئههرام.. ههیكهلى بهایهكێ مهزن ههیه، ب دههان كارێت هۆسا ههر ڕۆژ دئێنه كرن، ئهڤـ چهنده جهێ دلرحهتیێ یه مهعنا وێ ئهوه ئاسایشا مه جڤاك ههمى یا ئێخستیه بن دهســتــێ خــۆ.. مــن یــێ زانى كو فائێلهكا مهزن ل سهر من ب خۆ ل موخابهراتێ ههیه..
نهبیلایێ ب دلتهنگى ڤه گۆت:
ــ ل نـــك مـــن ئــــهڤـ چـــهنــده هندێ دگههینت كو زۆردارى گهلهك یا دئێته كرن..
ــ ڤێ گۆتنێ ل نك كهسێ نهبێژى.. خۆ ل نك من ب تنێ ژى!
ــ ئهڤه ڕاستیه ئهز دبێژم..
ــ سوپاسیا خودێ بكه تو ب سلامهتى ڤڕیهڤه.
ــ هندى ئهزا ساخبم دلێ من دێ یێ نهخۆش بت وئهز رحهت نابم..
دهستێ خۆ یێ ڕاستێ د ستویێ وێ ئالاند وگۆت:
ــ هندى تو ب ڕهخ من ڤه بى ژ كهسێ نهترسه.. سهرۆك دلسۆزیا من دزانت، لهو چو داخوازێت من ئهو نازڤڕینت، نێزیكه دهرهجا من دێ بلندتر لێ ئێت..
چاڤێت وێ تژى ڕۆندك بوون وگۆت:
ــ عهطوه..
ــ چاڤێت عهطوهى..
ــ ما تو نهشێى هاریكاریا سهلوایێ بكهى؟
ــ سهلوا كیه؟
نــهبــیــلایــێ سهرهاتا سهلوایێ بۆ وى ڤهگێڕا وهكى وێ ل وى دهمێ كورت یێ د زیندانێ دا بۆراندى ژ وێ ب خۆ زانى..
عهطوهى سهرێ خۆ هژاند وگۆت:
ــ دڤێت تو ئێكجار وێ ژ بیر بكهى..
ــ چاوا؟
ــ تشتێ ئێكانه یێ سهرۆك مههدهرێ بۆ قهبویل نهكهت ئیخوانن.
نهبیلا لێ زڤڕى و ژ كهل گۆت:
ــ ئهرێ ما ئهو ڤان تشتان ژى دزانت؟
ــ بهلێ.. ئهو كهسێ پێ ل فهرمانێت وى بدانت، یان ژ وێ ڕێكێ دهركـهڤــت یا وى بــۆ دانــاى دێ ئــێــتـــه ژكاركرن ورهزیل كرن.. خهلهتیهكا بچویك، یان پێڕابوونهكا نه یا باش ب كارهكى دێ بهلایهكا مهزن ب سهر خودانى دا ئینت، مهسهله ژیانا ویه، ژیانا وى وشۆڕهش ومللهت پێكڤه دگرێداینه..
وێ ب حێبهتى ڤه گۆت:
ــ مانێ ئهو ژى مرۆڤهكه..
ــ ڤێ ئاخفتنا خهطەر نــهبــێــژه.. تبلێت ته ههمى وهكى ئێك نینن.
دهلـیـڤـهیـهكـێ هزرێت وێ دویـر چـوون.. پـاشـى وێ گــۆت:
ــ عومهر ل بن سیبهرا دارهكێ ل سهر ڕێكێ دنڤست..
ــ مانێ ژ بهر هندێ ئهو هاته كوشتن، ئهز ژى دیرۆكێ دزانم.
ــ بهلێ ئهم نهمر، دادى وباشیا وى ما.. وى عهرد ههمى تژى ڤیان وشارستانى كر.
عهطوهى جگارهك هلكر.. یێ بهردهوام بوو د خۆش هاژۆتنا خۆ دا بۆ تورمبێلێ.. وى گۆت:
ــ لهو شارهزایهكى داخواز ژ سهرۆكى كر كو دیرۆكا ئیسلامى ب ڕهنگهكێ نوى بێته نڤیسین.. حهتا ڤێ گاڤێ من نهدزانى بۆچى.. ژ نوى من زانى، خۆش هزره ویا د جهێ خۆ دایه..
جارهكا دى سهلوا هاته بیرا وێ.. لهو وێ گۆت:
ــ بهلى سهلوا یا بێ گونههه.. ما ههما مێرێ وێ یێ خرابه، ما گونهها وێ چیه؟
ــ سهلوا ڕێكهكه دا مێرێ وێ پێ بزڤڕینن.. ههما بهس ئهڤهیه!
ــ [ ولا تزر وازرة وزر اخرى ] كهسهك گونهها كهسێ هل ناگرت، خودێ هۆسا دبێژت، یان ههوه دڤێت قورئانێ ژى وهكى دیرۆكێ بگوهۆڕن؟
ــ خۆشتڤیا من، باوهر بكه ئهم چێتر ژ ئیخوانان دینى دزانین..
گهلهك تشت د سهرێ نهبیلایێ دا تێكهل بوون، لهو هــهســت ب گــێــژوونێ كر، بیر وباوهرێت وێ هاتنه تێكدان، ژ نوى وێ زانى كو حهتا ئهڤرۆ ئهو وهكى بچویكهكێ بێ فام بوو، وێ ژیان ب ڕهنگهكێ دورست نهدنیاسى، ڕۆژێت خۆ یێت بۆرى بێ هزركرن وێ دبۆراندن.. ئهو وهكى مرۆڤێ نڤستى بوو دهمێ ب كهڤرێ ڕاستیێ كهفتى هشیار بوو، حهز دكهت ب تنێ د گهل خۆ ڕوینت، دا ژ نوى هزرێت خۆ بكهت كهڤنه خهونێت وێ یێت وهكى گولان چرمسین، وهریان و ژ بهر ئێتوینا وێ ئاگرێ د هناڤێت وێ دا هل حهلیان.. قانوون درهوه، دادى درهوه، ئهرێ ما دبت مللهتهك پێكڤه ل بن درهوێ بژیت؟ وحهتا كهنگى؟ چاوا ئهو د ناڤـ كاروانێ درهوا مهزن دا دهستان لێك ددهن وسرۆدان دبێژن؟ ئهه! پا نهبیلایێ نوكه كهرب ژ ژیانێ ڤهدبن كهربهكا دژوار، كا چاوا وێ بهرى نوكه دژوار حهز ژ ژیانێ دكر.. سهعهتهكا ب تنێ ژ ڕۆژێ ئهو كره مرۆڤهكا دى.. ئهرێ پا نوكه ئهو ههژار چ دبێژن ئهوێت سالێت درێژ ل ژێر نهخۆشیا عهزابێ وترسێ دبۆرینن؟ ئهو چاوا دژین؟ ئهرێ ئهو دشێن بخون وڤهخون وبكهنه كهنى؟ ئهو باوهر ناكهت!
ههڕفینهكا مهزن د گیانێ وێ دا چێبوو، وهكى وى تشتێ دبێژنێ: (قونبهلا زهررى)، گول ورحانێت دلێ وێ سۆتن.. گهشه شهمالكێت هزر وخهونێت وێ ڤهمراندن.. لهو ئهو بوو كۆمهكا نهڤیان وكهرب وكینێ.. خۆ هزر دكهت ئهگهر ببته ژن.. دێ چ ژێ بت؟ چوننه ژبلى هندهك تێشكێت بهرزه ودهر ب دهر.. ئهو نهشێن شارستانیهكێ ئاڤا كهن.. دێ ژیانهكا تژى كرێتى وبرین دورست كهن..
دهنگێ عهطوهى هاتێ:
ــ شــهڤـــهكـــا خـــۆش ئـــهم دێ بۆرینیـن.. دا خهمێت خۆ ڤهڕهڤینى نهبیلا.
ههر وهكى مارى گهزتى گۆت:
ــ ئهز؟
ــ ئهز وتو..
ــ ئهزا بێ گێول وههڕفتیمه.
ــ پهرداغهكێ ب تنێ دێ ته گهش كهت وبزاڤا ته زڤڕینته ڤه.
ــ ئهز ڤهناخوم.
ــ ژ بهر من دێ ڤهخۆى.. پێش سوپاسیا من ڤه، ئهز ڤێ داخوازێ ژ ته دكهم، كره گرى حهتا دهنگێ وێ بلند بووى..
عهطوه ب حێبهتى ڤه لێ زڤڕى وگۆتێ:
ــ چ چێبوو؟
ــ تو نزانى یا چ ل من هاتى..
ــ چ ل ته هاتیه؟ سهربۆڕهك بوو ب سهر ته دا هاتى، دێ مفایى بۆ خۆ ژێ بینى ل پاشهڕۆژێ..
ــ ئهڤـ شهڤه ئهز ب كێر چو نائێم.. ئهز هیڤى ژ ته دكهم من بهێله دا بێنا خۆ بزڤڕینم.. ئهزا تێك چوویمه، بهس خودێ دزانت یا چ ل من هاتى، و ژ بـیـر نـهكه مال ههمى یێ ل هیڤیا من.
تورمبێل خۆشتر هاژۆت.. وهكى باى د جادا بهرفرهه دا چوو.. وهكى گورگهكێ برسى وبریندار بهخڕى وگۆت:
ــ ئـــهڤـ كـــارێ تـــه نابته بهخشیشێ دهرێخستنا من بۆ ته ژ ناڤ تبلێت وان..
دهستێ خۆ دانا سهر ملێ وى یێ ڕاستێ و ب نهرمى ڤه گۆتێ:
ــ عهطوه تو نزانى چهند ئهز حهز ژ ته دكهم! دهمێ تو هاتیه د مهزهلا تهحقیقێ ڤه خۆشیهكا زێده بۆ من چێبوو.. وهكى ملیاكهتهكى خودێ تو بۆ من هنارتى دا ئهز ژ وێ دهشتا ب ترس وبێ شینكاتى وئاڤـ ومرۆڤـ ڕزگار ببم، ئاخفتنا ته وهكى ئاڤێ ب سهر گیانێ منێ وهستیاى دا هات.. ئـهز بــۆ ته ڕاستیێ بێژم؟ هاتنا ته موعجزهیهك بوو، مـــن گـــهلـــهك دڤـــێــت حـــهقـــێ تــــه ژ ســـهر خۆ ڕاكهم، بــهلـێ د گــاڤــهكــا ب كێرهاتى دا.. وهكى من گۆتیه ته ئهڤـ شهڤه ئهز ب كێر چو نائێم.. ئهز پارچهیهكا بێ هیڤیبوون وعهزابدانێمه..
تورمبێل ل بهر دهرگههێ مالا وان ڕاوهستیا.. بابێ وێ یێ پـیـر ب غار چوو نك ههر وهسا دهیكا وێ ئهوا رۆماتیزم ل چۆكان.. لهو وێ خۆ دهژاند، خویشك وبرایێت وێ د گهل برازا وخوارزایێت وێ ستران گۆتن خۆ تێ وهركرن..
ــ نهبله نهبیلا.. ئهبله نهبیلا.
دهمێ نهبیلایێ دهستێ دهیكا خۆ گرتى وماچى كرى ڕۆندكێت وێ هاتنه خوارێ، دهستێ بابێ خۆ تهڕ كر پشتى ماچى كرى، بچویك ههمى دانه بهر سنگێ خۆ، دێمێ خۆ یێ تهڕ ژ ڕۆندكان ب سهرێ وان ڤهناوكره گرى..
عهطوهى خۆ نێزیك كر و ب ڕهقى دهستێ وێ كێشا وگۆت:
ــ ئهڤه چیه هوین دكهن؟ بهرێ خۆ بده پهنجهركێت جیرانان چاوا ژنك ههمى یێ سهح دكهنه مه.. مفایێ مه د ڤێ چهندێ دا نینه..
پاشى ل بابێ وێ زڤڕى وگۆت:
ــ مام! بهس تو دێ شێى د من گههى.. ئهڤا چێبووى نـابــت كــهس پــێ بزانت چونكى گهلهك گرفتاریێت سیاسى ژ بهر دیعایهتان چێ دبن.. مفایێ كهسێ ژ مه هندێ دا نابت كو نهبیلا وێ بێژت یا چێبووى.. دڤێت ئهو خۆ بێ دهنگ بكهت ههر وهكى چو چێ نهبووى..
زهلامى سهرێ خۆ یێ سپى هژاند و ب قانعى ڤه گۆت:
ــ ئهڤهیه عهقلدارى وڕاستى..
پــاشــى وى خـــۆ نـــێـــزیـــكـى نــهبـیـلایێ كر ودهستێ وێ ب نازكى ڤه گرت، گڕنژى وگۆت:
ــ تو تێ گههشتى خۆشتڤیا من؟
وێ سهرێ خۆ هژاند وگۆت:
ــ بهلێ..
ــ و ژڤانێ مه سوباهیه.. نهبیلا.
چاڤێت وێ ل وى بوون بهلێ هزرێت وێ دویر چووبوون ل دۆر وێ مهزهلكا ڕهش دزڤڕین ئهوا سهلوا ئهلصافى لێ، ومهزهلكێت تهحقیقێ ومێزێت جوان وزهلامێت دلڕهق یێت رهحم وڤیانێ نانیاسن.. تو بێژى وان زهلامان ژن وعهیال ودهیك وههڤال ههبن؟ ههر وهسا هزرێت وێ ل دۆر وێنهیێ سهرۆكى زڤڕین، ئهو وێنهیێ مهزنى وپشت گهرمیهكا مهزن ل هنداڤـ ههى.. چاڤێت وێ زڤڕین.. دهنگێ سرۆدان نێزیك بوو گوهان لێ كهڕكهت.. دهست قوتانا گهرم ودرێژ دهمارێت لهشێ وێ ههمى ڕاوهستاندن.. وان هند دیت ئهو كهت.. هاى ژ خۆ نهما.. وان ئهو هلگرت دا ببهنه ژۆر, دهیكا وێ كره گرى وههوار: كچا من, ئهز گۆرى. ئهڤه وان چ لێ كریه؟ گازى كهنه دختۆرى دا د ههوارا مه بێت..
عهطوه زێده زێده عێجز بوو وگۆت:
ــ چو مفایێ وێ د ڤێ چهندێ دا نینه.. هندهك گازندێت د جـهـێ خۆ دا یێت ژێ هاتینه كرن.. ههڕنه ژۆر ودهرگههى ل خۆ بگرن.. نه دختۆر نهقوڕهدهر..
دهیكێ خۆ نێزیكى وى كر پشتى پال دایه سهر ملێ نهڤیهكێ خۆ:
ــ كــوڕێ مـــن گـازنـدێـت چ؟ هندهك درهون پۆلیسان پێ ڕاداین.
عهطوهى دهستێت خۆ لێكدان وگۆت:
ــ وهى بۆ ڤێ بهلایێ.. دهیكا من د مـن بگههه.. ئـهڤـه سیاسهت وتهناهیا دهولهتێ یه.
ژنكێ دهستێ خۆ ل سنگێ خۆ دا و ب ترس ڤه گۆت:
ــ سیاسهت؟ نهبیلا كچا من؟ نه نابیت..
عهطوه تهنگاڤـ بوو وگۆت:
ــ خودێ ته فرههـــ كهت بێنا من..
وان نهبیلا ب ژۆر ئێخست.. لهشێ وێ وهكى دارى لێ هاتبوو.. دلێ مرۆڤى دما پێڤه ژ بهر وان نالێنت ژێ دهاتن، هــنــدى هاتــنـێ تبلێت وێ ژێك ڤهكهن نهشیان، ئاڤهكا سپى ژ دهڤى دهركهفت.. عهطوهى سهحكره چاڤێت وێ یێت نقاندى.. لێڤێت هشك، پویرتێ سهرى ئهوێ ب سهر بالیفكێ دا هاتیه خوارى.. جوانیا وێ دلێ وى كێشا د گهل ههمى قههرا وى ژێ دیتى، خۆ چهماند وئهنیا وێ ماچى كر وگۆت:
ــ شهڤا ته خۆش.. نهترسن دێ ب سلامهتى كهڤت.. ڕۆناهیێ دا بنڤت.. دلبۆرینه دێ د سهر ڕا بۆرت و چێ بت، گهلهك تشتێت هۆسا ههر ڕۆژ ئهز ل گرتیخانا حهربى دبینم.. ئهگهر شرانقهك د گهل من با نوكه ئهز دا وێ هشیار كهم.. پاشى دێ تهلهفوونێ كهم كانێ چ لێ هات.. ئهگهر من شۆل نهبا ئهڤـ شهڤه ئهز دا مینمه ل نك ههوه.
پشتى عهطوه چووى ووان گوهــ ل دهنگێ چوونا تورمبێلێ بووى، دهیكێ گۆت:
ــ ڤێ گاڤێ فڕێ كهنه ب دویڤ دختۆرى ڕا..
بابێ گۆت:
ــ ما ته گوهــ ل عهطوهى نهبوو؟
ــ عهطوه كیه؟
ــ ئهوه یێ كچا ته ژ گرتنێ ڕزگار كرى..
ــ كچا من.. ئێكهمین جار..
ــ وحــوكمهت، ئهڤه مهسهلهكا سیاسیه.. تو نزانى كانێ چ یا چێ دبت.
دهیك خوڕى:
ــ لهعنهت ل حوكمهتێ بن..
ــ كچێ دهنگێ خۆ نزم بكه ئهگهر ئهم دێ تێ چین..
ــ مــا دێ زێـــدهتـــر چ ل مــه ئـێـت؟ ئهز دێ ڕابم وهنێرمه ب دویڤ دختۆرى ڕا ویا دبت بلا ببت..
ب گرانى ب نك تهلهفوونێ ڤه چوو.. ئێشێت خۆ ههمى ژبیر كرن، نهخاسم مالێ ههمیێ پشتهڤانیا وێ كر د ڤێ چهندێ دا، ڕاسته ب دلێ بابێ نهبوو بهلێ دهمێ دیتى ژنكا وى یا هژمارێت تهلهفوونێ لێ ددهت بێهنا وى هات.
* * *
دختۆرى گۆت:
ــ نهخۆشیهكا زێده یا گههشتیێ، گیانێ وێ خۆ ل بهر نهگرتیه ودلێ وێ یێ بۆرى، دیاره وێ قههرهكا مهزن یا دیتى.. كێم كێم دڤێت ئهو دو حهفتیان بێهنا خۆ ڤهدهت، ویا باش ئهوه ئهو ژ قاهیره بچته جههكێ دى بۆ گهڕیانێ.. هندهك فیتامینان دێ دهینێ ودێ چێ بت، ودڤێت وێ هاى ژ خوارنا خۆ ههبت..
پشتى وێ هاى ژ خۆ بووى.. نهبیلا ژ سهر تهختى ڕابووڤه وگۆت:
ــ ئهز دێ نامهیهكێ بۆ سهرۆكى نڤیسم وههمى تشتان بێژمێ، هێشتا ئهز باوهر ناكهم كو ئهو صه ههمى تشتان بۆ وى دبێژن..
بابێ وێ گۆتێ:
ــ كچا من بێهنا خۆ فرههــ بكه، ههوجه ناكهت تو چو گرفتاریان بۆ مه چێ بكهى.. سوپاس بۆ خودێ كو تو زڤڕى، ئهم دێ دهرێ خۆ گرین ومه شۆله ژ چو نینه..
ــ ئهز نهشێم ژ بیر بكهم.. یا دبت بلا ببت.
دهیكێ ب خهم ڤه گۆت:
ــ كچا من ئهز دزانم وان زۆردارى یا ل ته كرى، دلێ من دبێژت، بهلێ سهرۆك بۆ ته چو ناكهت، ئهو ههمى صهیێت وینه!
بابێ وێ عهبدللا خوڕى:
ــ ب ڤێ گۆتنێ هوین دهرگههێ بهلایێ بۆ مه ڤهدكهن.. باوهر ژ سهرێ من یێ سپى بكهن.. من سهربۆڕ یێت دیتین.
دختۆرى خۆ نێزیكى نهبیلایێ كر وگۆتێ:
ــ ته چ دڤێت بنڤیسه..
وگۆته بابێ وێ:
نڤیسین ژى پشكهكا دهرمانیه.. ئهو ئێشێت وێ دێ سڤك كهت..
بابێ وێ گۆت:
ــ بلا پهرتۆكهكێ بخوینت.. گوهێ خۆ بدهته مۆسیقێ.. یان خۆ ب تهلهفزیوونێ ڤه موژیل كهت، گوهداریا سترانێت رادیۆیێ بكهت.. ما ئهڤه ههمى بهس نینن؟
نهبیلا ڕابوو وخۆش ب نك كتێبێت خۆ ڤه چوو.. ههمى د پهنجهرێ دا هاڤێتن، بابێ وێ ڤیا وێ ژ ڤى كارى مهنعه كهت، بهلێ دختۆرى گۆتێ:
ــ بهێلن..
پشتى ئهو وهستیاى زڤڕى سهر تهختێ خۆ.. دختۆرى گۆت:
ــ بۆچى ته وه كر؟
ــ ئهو د تژى درهون.. مرۆڤى ژ بیر ڤه دبهن.. چو تشتێ ڕاست تێدا نینه..
دختۆر گڕنژى، سرنجهكێ بچویك ئینا دهرێ.. ودهرزیك كره د پاشیا ملێ وێ ڕا وگۆت:
ــ ئهز د گهل ته نینم.. گهلهك نڤیسهرێت خودان نامویس ههنه.. وئاخفتنێت ڕاست دمشهنه..
پاشى لێ زڤڕى وگۆتێ:
ــ ته چ قورئان نینن؟
وێ ب حێبهتى ڤه سهحكره وى، پاشى هچكێ ب سهر دهستێ خۆ دا ئنا خوار وگۆت:
ــ نهو..
دختۆرى قرئانهكا بچویك ژ بهریكا خۆ ئینا دهر وگۆت:
ــ ئهڤه دیاریا منه بۆ ته.
ب دهستهكێ ڕهجفى ڤه وێ ئهو ژێ وهرگرت، نێزیكى ڕویێ خۆ كر، نڤیسینا ل سهر جلدێ وێ خواند، نێزیكى دهڤێ خۆ كر وماچى كر، بێنهكا خۆش هۆسا ما.. پاشى ئهو ل دختۆرى زڤڕى وگڕنژینهك ل سهر ڕویێ وێ یێ زهربووى ئاشكهرا بوو.. گۆت:
ــ نه وه بت تو ژ ئیخوانان بى!
ــ گهلهك بهرى ئیخوانان قورئان یا هاتیه خوارێ، وئهو كیتابا كهسێ نینه كیتابا خودێ یه.. بۆ ههمى موسلمانانه، بهلكى ئهو بۆ ههمى مرۆڤانه..
چانتكێ خۆ گرت وگۆت:
ــ ب تنێ باوهرى زوى ساخلهمیێ دێ دهته ته، ئهو بۆ ته ژ ههمى دهرمانان چێتره.
نهبیلایێ قورئان دانا سهر مێزهكا نێزیك وگۆت:
ــ دختۆر.. ئهرێ باوهریا ته چو جاران كێم نهبوویه؟
دختۆرى گۆت:
ــ بـهلـێ.. گــهلـــهك جاران ئهڤه چێ دبت، مانێ ئهم نه پێغهمبهرین..
ــ بۆچى؟
ــ چونكى مرۆڤـ كۆمهكا هزرانه.. هندهك جاران ب هێز دكهڤت، وهندهك جاران لاواز دبت، ب هیڤى دكهڤت وبێ هیڤى دبت، ژیانا مه وهكى (خیچا تهختیتێ) یه بلند بت ونزم دبت، بهلێ دڤێت مه هاى ژ خۆ ههبت دا نهكهڤینه دهرهجا صفرێ.. ژ بهر هندێ بهلا یێت داین وبێنفرههى، وبهحهشت وجههنهم..
نهبیلا ژ سهر تهختى ڕابووڤه وگۆت:
ــ سوباهى دێ چمه خواندنگههێ..
دختۆرى ب كهیف ڤه گۆت:
ــ فهرمانێت من دڤێت ب جه بێن..
ــ مانێ ئهز خۆ چێتر دنیاسم.. ئهز نوكه باشترم.
ــ ژ بیر نهكه ئهڤه شۆلا منه، ومرۆڤێ عهقلدار گوهداریا یێ شارهزا دكهت.
وێ سهرێ خۆ هژاند وگۆت:
ــ تو ڕاست دبێژى..
ــ ل دهمێ بێنڤهدانێ تو دێ هزرێت گهلهك تشتان كهى، دێ عهقلێ خۆ نوى دانیهڤه، و ژ بیر نهكه بێنفرههى گهلهكا پێتڤیه بۆ ته، ههچیێ صهبرێ ببینت عیبادهت ل بهر وى دێ یــێ خـــۆش بـــت، وئــهوێ ببینت صهبر قهیده دێ عیبادهت ل بهر وى یێ نهخۆش بت.. تو د ئاخفتنا من دگههى؟
وێ ب كهیف ڤه گۆت:
ــ بهلێ..
ــ نوكه ژ دهستویریا وه ئهز دێ چم..
ب نهرمى ڤه گۆتێ:
ــ دێ جارهكا دى ته بینین؟
ــ ئهگهر خودێ حهز بكهت.. ومــن پـــێ خـــۆشــه ئـــهز تــه ل عیادێ ببینم.
چوو دهستى:
ــ ب خێر بچى..
پشتى ئهو چووى نهبیلا د جه دا ڕوینشت وگۆت:
ــ ئهزا برسیمه.. من دڤێت گوهێ خۆ بدهمه پارچهیهكا مۆسیقا هێدى.. ههڕن وان كتێبان بینن یێت من هاڤێتین.. سوباهى سپێدێ ئهز دێ چمه ئهسكهندهریێ، من نهڤێت كهس د گهل من بت، وجهێ من بۆ كهسێ نهبێژن..
* * *
سپێدێ دهمێ عهطوهى زانى ئهو یا ژ مال دهركهفتى دین وهار بوو.. گۆت:
ــ ئـــهڤـــه بــهلایـــه!! لازم ژ مال دهرنهكهفتبا بهرى ئهو دهستویریێ ژ موخابراتێ وهرگرت.. چوویه كیڤه؟
بابێ وێ گۆت:
ــ ئهم نزانین.. كاغهزهك ل جهێ خۆ هێلابوو وتێدا نهگۆتیه كانێ ئهو چوویه كیڤه.. بهس گۆتبوو پشتى دو حهفتیێت دى ئهز دێ زڤڕم..
دهستكێ تهلهفوونێ ژ كهرب ڤه دانا وگۆت:
ــ ب هزاران زهلامێت مهزن ئهز ب تبلا خۆ دزڤڕینم.. نوكه ئهز نهشێمه كچكهكا كێمتر ژ پێنجى كیلۆیان؟ وللا خۆش.. باشه!
