حهدیسا دوازدێ
دویكهفتنا كیتابێ وسوننهتێ
12 ـ عَنْ جَابِرِ بْنِ عَبْدِ اللَّهِ ـ رَضِيَ اللَّهُ عَنْهُ ـ قَالَ : كَانَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ إِذَا خَـطَـبَ احْمَرَّتْ عَيْنَاهُ ، وَعَلا صَوْتُهُ ، وَاشْتَدَّ غَضَبُهُ ، حَتَّى كَأَنَّهُ مُنْذِرُ جَيْشٍ ، يَقُولُ : صَبَّحَكُمْ وَمَسَّاكُمْ ، وَيَقُولُ : [ بُعِثْتُ أَنَا وَالسَّاعَةُ كَهَاتَيْنِ ] وَيَقْرُنُ بَيْنَ إِصْبَعَيْهِ : السَّبَّابَةِ وَالْوُسْطَى ، وَيَقُولُ : [ أَمَّا بَعْدُ : فَإِنَّ خَيْرَ الْحَدِيثِ كِتَابُ اللَّهِ ، وَخَيْرَ الْهُدَى هُدَى مُحَمَّدٍ ، وَشَرَّ الأُمُورِ مُحْدَثَاتُهَا ، وَكُلُّ بِدْعَةٍ ضَلالَةٌ ] رواه مسلم وغيره .
جابرێ كوڕێ عهبدللاهى ـ خودێ ژێ رازى بت ـ دبێژت : دهمێ پێغهمبهرى ـ سلاڤـ لـێ بن ـ خوتبه دخواند چاڤێن وى سۆر دبوون ، ودهنگێ وى بلند دبوو ، ودژوار دبـوو ، دا بێژى ئهو یێ لهشكهرهكى ب دوژمنى ئاگههدار دكهت ودبێژتێ : سپێدێ وئێڤارى دێ ئێته ههوه ، ودگۆت : [ ئهز وقیامهت وهكى ڤان ههردووان هاتینه ] و وى ههردوو تبلێن خۆ یا شاهدێ و یا ناڤێ ددانه د گهل ئێك ، و پاشی دگۆت : [ باشتـرین گۆتن كیتابا خودێ یه ، وچێتـرین ڕێ بۆ هیدایهتێ ڕێكا موحهممهدییه ، وخرابتـرین كار كارێن نوى دهركهفتینه ، وههر بیدعهیهكا نوى دهركهفتى بهرزهبوونه ] موسلم وهندهكێن وى ڤهدگوهێزن .
وئهڤـ حهدیسه هندێ دگههینت كو دویكهفتنا ڕاست ودورست ئهوه مرۆڤـ پێگیرییێ ب كیتابا خودێ وسوننهتا پێغهمبهرێ وى ـ سلاڤ لـێ بن ـ بكهت ، چونكى ڕێكا دورست ئهوه ، ومرۆڤ ژ قهنجیكاران نائێته هژمارتن حهتا دویكهفتنا پێغهمبهرى ـ سلاڤـ لـێ بن ـ نهكهت ، وههر كارهكێ ههبت حهتا ژ مرۆڤى بێته قهبویلكرن دڤێت دوو شهرت تێدا هەبن :
ئێك : دڤێت ئیخلاص تێدا ههبت ، یهعنى : بۆ خودێ ب تنێ بت .
دوو : دڤێت یێ دورست بت و ب وى ڕهنگى بت یێ شریعهت پێ هاتى .
وهندى ئهو ل دویڤ شریعهتى نهبت ئو نائێته قهبویلكرن ئهگهر خۆ ئیخلاص تێدا ههبت ژى .
ئهگهر ڕاستییا ڤان ههردو بناخهیان : تهوحید ودویكهفتن ، د نهفسا مـرۆڤـى دا بـنـهجـهــ بوون ، ئهڤـ چهنده دێ بته كلیل بۆ بناخهیێ سییێ ژ بناخهیێن گازییا ئیسلامێ ، بناخهیێ خۆپاككرنێ .
