حهدیسا سییێ
ههڤڕكى و ژێك جودابوون
3 ـ عَنْ عَبْدِ اللَّهِ بْنِ مَسْعُودٍ ـ رَضِيَ اللَّهُ عَنْهُ ـ قَالَ : خَطَّ لَنَا رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ خَطًّا ثُـمَّ قَـالَ : [ هَذَا سَبِيلُ اللَّهِ ] ثُمَّ خَطَّ خُطُوطًا عَنْ يَمِينِهِ وَعَنْ شِمَالِهِ ثُمَّ قَالَ : [ هَذِهِ سُبُلٌ مُتَفَرِّقَةٌ ، عَلَى كُلِّ سَبِيلٍ مِنْهَا شَيْطَانٌ يَدْعُو إِلَيْهِ ] ثُمَّ قَرَأَ : [ إِنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ] ( الأنعام : 153 ) رواه الطيالسي وأحمد .
عهبدللاهـێ كوڕێ مهسعوودى ـ خودێ ژێ رازى بت ـ دبێژت : پێغهمبهرێ خـودێ ـ سـلاڤـ لـێ بـن ـ خـیـچـهك بۆ مه كێشا وگۆت : [ ئهڤه ڕێكا خودێ یه ] پاشى هندهك خیچێن دى ل لایێ ڕاستێ ویێ چهپێ ژ وێ خیچێ كـێـشان وگـۆت : [ ئهڤه هندهك ڕێكێن جودا جودانه ، ل سهر ههر ڕێكهكێ ژ وان شهیتانهك ههیه بۆ گازى دكهت ] پاشى وى ئهڤـ ئایهته خواند : [ إِنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِه ـ هندى ئیسلامه ئهوه ڕێكا من یا ڕاست هوین دویكهفتنا وێ بكهن ، ودویچونا كۆره ڕێكان نهكهن ئهو دێ بهرێ ههوه ژ ڕێكا وى لادهن ] وتهیالسى وئهحمهد ڤهدگوهێزن .
مهسهلهكا زێده گرنگ ژ ڤێ حهدیسێ بۆ مه ئاشكرا دبت ، ئهو ژى ههڤڕكى وژێكڤهبوونه ئهوا ب سهر ئوممهتێ دا دئێت ، دهمێ ئهو ژ ڕێكا خودێ یا ڕاست لاددهت ، وپشت ددهته سوننهتا پێغهمبهرى ـ سلاڤـ لـێ بن ـ ودویكهفتنا وان كۆره ڕێكان دكهت یێن نهیار ودوژمنێن ئیسلامێ د ناڤـ موسلمانان دا بهلاڤـ دكهن ب ههر ناڤهكێ ههبت یان ل ژێر ههر دوریشمهكێ ههبت ، دا ڕێزێن وان پێ ژێك ژێك بكهن ، وهێزا وان پێ بژاله بكهن .
وئاشكهرایه كو دهرمانێ ئێكانه یێ ڤى دهردێ گران ئهوه موسلمان ههمى ل سهر ڕێكا خودێ یا ڕاست بگههنه ئێك ، ووان ههمى ڕێك وڕێبازان یێن شهیتانى داناین بهێلن وپشت بدهنێ .
