ناڤبرا سیهێ
دهمێ نهبیلا گههشتیه عهردێ توركى، ئهو ل ستهنبۆلێ ب خهریبیهكا زێده حهسیا، وێ كهس نهدنیاسى، ههر زوى وێ قهستا ئۆتێلهكا بچویك كر دا لێ ئاكنجى ببت، وهكى شۆفێرێ تهكسیێ ب ئنگلیزیهكا بێ سهر وبهر ئهو تێگههاندى.. چهند ڕۆژهكان ئهو ما ل ئۆتێلێ، زهحمهتهكا مهزن ددیت حهتا بشێت د شۆلكهر وزهبوونێت ئۆتێلێ بگههت، پێ حهسیا كو خێزانهكا عیراقى ژى یا ل وێ ئۆتێلێ ههى، كهیفهكا زێده بۆ وێ چێبوو، ب ڕاستى ئهڤ خێزانا حهفتیهكێ ل ئۆتێلێ ماى مفایهكێ باش گههانده نهبیلایێ، وشیرهتێت پێتڤى لێ كرن، وێ ب گۆتنا وان كر وكتێبهك ل دۆر فێربوونا زمانێ تركى بۆ خۆ كڕى، وشیا چهند گۆتن وپهیڤێت گرنگ ژ بهر بكهت، دا بشێت شۆلێت خۆ د گهل خهلكى ب ڕێڤه ببهت، پاشى وێ سهرهدانهك بره هندهك مۆزهخانێت كهڤن یێت شوینوارێت خهلیفێت ئۆسمانیان، وعهجێبیێت دیرۆكا وان یا مهزن، ههر وهسا ئهو چوو مزگهفتا (ئهیا صووفیا) یا ناڤدار، وچهند مزگهفتێت دى ژى یێت دیرۆكى، وچهند حێبهتیهكا زێده بۆ چێبوو دهمێ دیتى مزگهفتێت وان ههر وهكى مزگهفتێت قاهیرهنه، وهندهك خوارنێت وهكى خوارنێت مصرێ ل خوارنگههێت ستهنبۆلێ دئێته پێشكێشكرن، بهلكى خۆ هندهك سترانێت تركى یێت ناڤدار ژى ئاوازێت وان ژ ئاوازێت محهمهد عهبدلوهابى وفهرید ئهگرهشى وعهبدلحهلیمى دوهرگرتینه، وتاما ڕۆژههلاتێ ژێ دئێت.. نهبیلا كهیفخۆش بوو دهمێ بێنا دیرۆكا كهڤن هاتیێ، ئهها ل ڤێرێ ئمبراتۆریهتهكا ئیسلامى یا مـهزن هاتبوو دانــان، دهاته هــژمـــارتـــن ئــێـــــك ژ مهزنترین ئمبراتۆریهتێت جیهانێ، ودهولهتێت ڕۆژههلاتا ئهورۆپا ونهمسا وهتد، ههمى ل بهر وێ شكهست بوون، بهلێ مخابن تو نابینى گهلێ توركى ئێك ژ وان زمانێ عهرهبى بزانت، وخۆ پهیڤێت عهرهبى یێت ڕهسهن ژى ئهو ب حهرفێت لاتینى دنڤیسن، دا ب ڤێ چهندێ پهیوهندى د ناڤبهرا وان وكولتۆرێ ئیسلامى یێ مهزن نهمینت..
وێ د بن لێڤلێڤكان ڕا گۆت:
ــ بۆچى ته ئهڤه كر كهمال ئهتاتورك؟ ئهڤه گونهههكا مهزنه..
نهبیلایێ دهلیڤه ژ دهست خۆ نهبر، وئهو ب هندهك سهرهدانان بۆ قوبرصێ وئهسینا ورۆمایێ وچهند وهلاتێت دى ژى ڕابوو، وههر وهلاتهكێ ئهو چووبایێ وێ كاغهزهكا توند ودژوار ژێ بۆ عهطوهى دهنارت.. د كاغهزهكێ ژ ڤان كاغهزان دا گۆتێ:
((پیسێ پیس! دهستێ ته یێ قڕێژى ب خوینا ههژاران ناگههته من.. نوكه ئهزا ل جیهانهكا پێشكهفتى دگهڕیێم، وئهزا دبینمكانێ چاوا مرۆڤ ب سهربهستى ل وان باژێڕان دژین یێت ئهز دچمێ.. چاوا ب ڤیان وئازادى دژین.. بهلێ تو ئهى دینێ دین، ڕۆژ وشهڤێت خۆ یێ د خزمهتا شهیتانى دا دبۆرینى.. تو د میحرابا وى دا دژى وكهرب وكینێ ب سهر بێ گونههان دا دكهى.. تو حهیوانى!!.
بمره ژ كهربێت خۆ دا، ڕۆژا حسێبێ حسێبا نهخۆش وگران ب سهر ته دا ئێت، تو مرۆڤهكێ بهرزهیى.. یێ بێ بهایى.. ژینا ته یا بێ مهعنایه، تو جوانیا بیر وباوهران نزانى و ب خۆشیا چاكان ناحهسێى..
ژ بیر نهكه، ڤێ كاغهزا من بۆ زهلامێت موخابهراتێ ببه، دا ئهو یاریان بۆ خۆ ب سهرشۆڕیا ته بكهن.. ئهى زارۆكێ مهزن!!)).
نێزیك بوو عهطوه دین ببت دهمێ وى كاغهزێت ب ڤى ڕهنگى دخواندن، ودیسا وى ئهو دبرنه ڕێڤهبهریا ئاسایشێ دا ئهو وان بكهنه د ناڤ فائێلا نهبیلایێ یا مهزن دا، ودا نیشان ل دویڤ نیشانێ دژى وێ بێنه پاراستن.. دا بهلكى ئهو ژى وهكى وى بزانن كو نهبیلا دوژمنه، ڤێجا بچن بابێ وێ بگرن وعهزاب بدهن..
پـشـتـى بــۆریـنـا ههیڤهكێ ژ مانا وێ ل توركى، كاغهزهك ژ لایێ عهبدلعهزیزێ سیسى ڤه گههشتێ، تێدا داخواز ژێ كربوو كو پشتى حهفتیهكێ ئهو بێته بهیرووتێ، دا ئێك ودو ببینن، ونهبیلایێ زهحمهتهكا مهزن نهدیت دا كو ل بهیرووتێ ئاماده ببت وعهبدلعهزیزى ل دهزگهههكا بهلاڤكرنێ یا مهزن ببینت، ئهوا كتێبێت ئیسلامى ب تنێ بهلاڤ دكهت، ل ڕۆژێت ئێكێ یێت نهبیلایێ ل بهیرووتێ قهتاندین، هژمارهكا مهزن یا ئیخوانێت مهشخت بووین ژ ژن ومێران دیتن، ههر وهسا وێ گهلهك پهنابهرێت سیاسى یێت پارتى وكۆمهلێت دى ژى دیتن، نهبیلا حێبهتى بوو ژ بهر ڤێ ئازادیێ ودهلیڤهیێت نڤیسین ودان وستاندنێ یێت ل بهیرووتێ ههین.. بهلێ ترسهكا بهرزه د دلێ وێ دا ههبوو، ئهڤ سهربهستیه ڕاسته یا جوانه، بهلێ ڕویدانێت كوشتنێ وڕهڤاندن وغهدرێ دهم بۆ دهمى چێ دبوون.. د گهل هندێ ئهو پێ دحهسیا كو بارا وێ ژ ڕهوشهنبیریێ ڕۆژ بۆ ڕۆژێ یا زێده دبت، ڕۆژنامهڤانیا جیحانى ڕاسته گۆتنێت ژێك جودا دكهت، بهلێ ئهو ههمى ڕویدانان تێكڤه ددهت، وچو بابهتێت قهدهغه ل بهر نینن.. ئازادیا پهرستنێ ههیه.. دیسا سهربهستیا كرنا خرابیان ژى.. وبازرگانیێ.. ودورستكرنا هۆنهرهكێ ب كێرنههاتى ویێ ب كێرهاتى ژى.. مرۆڤێت خودێ ودویڤهلانكێت شهیتانى ب ڕهخ ئێك ڤه دژین، بهلێ پاره یێ دهسههلاته، ومرۆڤ قهستا گۆلێت پیس وگهنى دكهن.. ئهڤ ڕهنگێ سهربهستیێ وێ دترسینت ترسهكا ڤهشارتى.. دلێ وێ دچته جیهانهكا پاك.. یا تهنا.. ئازاد، پهیوهندیێت خهلكى ب درهو ودوسهریێ نههاتبنه گرێدان، گهلهك بۆ وێ نهخۆش بوو دهمێ وێ زانى هندهك ڕۆژنامه خۆ دفرۆشنه وى یێ پترێ بدهت، ئێك ژ وان نه دویره ئهڤرۆ دێ هاڤێته وى وسوباهى دێ بڕهڤانیێ ژێ كهت، وێ هندهك بهلاڤۆك دیتن، زۆرداران بلند دكهنه ڕێزا خودێ، وهندهك لهعنهتان لێ دبارینن، ئهڤه چ دژینیه؟؟
سهیدا عهبدلعهزیزێ سیسى گۆت:
ــ ئهم ل كیژ دهمى دژین؟
ــ ل نیڤا دووێ ژ چهرخێ بیستێ..
وێ بهرێ خۆ دایێ، دیت ئهو یێ دگڕنژت، عهجێبگرتى ما وگۆت:
ــ ئهرێ دبت ئهڤ ههمى خرابیا كهفتیه سهرێك جارهكا دى چێ ببت؟
وهكى ههر جار وى ب هێدى ڤه گۆت:
ــ بۆچى نه؟؟ ڕۆژا هاتنا پێغهمبهرى ل بیرا خۆ بینهڤه، جیهان ههمى چهند یا پیس وگهمار بوو؟
نهبیلایێ گۆت:
ــ جاهلیهتا كهڤن ب ڤى ڕهنگى یا ئالۆز وپیس نهبوو..
دوباره گڕنژى و ب باوهرى ڤه گۆت:
ــ حێشتر یا بوویه فرۆكه.. شیر بومبا زهرریه.. كافریا كهڤن یا بوویه ماركسیهت ووجوودییهت.. شاعرێ ئویجاخێ یێ بوویه ئێزگه وڕۆژنامه وتهلهفزیوون وسینهما وشانۆ.. چو یێ نوى نینه.. ئهو كچا ب ساخى دهاته ڤهشارتن، ئهڤرۆ ڕویس یا ل كۆلانان دچت، نامویس ههمى یا هاڤێتى، مهعنا ئهڤه ژى كهلهخه، بهلێ ب كهنى وهژاندنا پهرداغان ئهو یا دئێته ڤهشارتن..
بێنهكێ عهبدلعهزیز بێ دهنگ بوو، ئینا نهبیلایێ گۆت:
ــ پاشى چ؟
ــ چو زهمان بێ نهخۆشى نههاتینه..
وێ سهرێ خۆ هژاند:
ــ عهطوهیێ مهلهوانى ژى ههر سهربڕێ كهڤنه..
ــ بهلێ..
وێ هێدى و د بن لێڤلێڤكان ڕا گۆت:
ــ ڕێك ل كیڤهیه؟
عهبدلعهزیزى ئایهتهك ژ قورئانێ خواند: (قل هذه سبیلی أدعو إلى الله على بصیره أنا ومن اتبعن وسبحان الله وما أنا من المشركین).
وێ گۆت:
ــ صدق الله العظیم.
دوباره وێ گۆت:
ــ تارى یا زۆره..
ــ ئهز دزانم.
ــ وئهڤه دهمهكێ درێژه مرۆڤێت ئازا ل پشت زنجیران دڤهشارتینه..
ــ بێى قوربانیدان ئهم ب سهرناكهڤین..
ــ وئهم نوكه ل ڤێرێ سهیرانان بۆ ڕهخ ودۆرێت جیهانێ دكهین، ل وى دهمێ ئهو د زیندانێت تهنگ دا دژین..
ــ ئهو ژ مه چێترن..
ــ مسۆگهره..
ــ ڤێجا خهمگینى بۆ چیه؟
ــ ئهوبرایێت منن.. ل ههمى جهان برایێت منن..
ــ ئهڤ ههست وبیره چهند دپاكن..
بێهنهكێ كهفته هزران، پاشى وێ گۆت:
ــ دختۆر سالم دشیا بێت.. مشهخت ببن، وئهو ژى وهكى مه ژ زۆرداریا وان ڕزگار ببت.. بهلێ وى وه نهكر، ڤیا بمینته ل ناڤ شهڕى، وخۆلێكدانێ د گهل دێوێ ئهفسانهیى بكهت، و ب دلهكێ رازى چوو د گرتیخانهیێ ڤه..
پاشى ل عهبدلعهزیز زڤڕى وگۆت:
ــ بۆچى من ژى وهكى وى نهدكر..
عهبدلعهزیزى گۆت:
ــ مهیدانا جهنگێ یا بهرفرههه..
ــ مهخسهدا ته چیه؟
ــ هـنـدهك ســهربـاز ل وهلاتــى.. وهندهك ژ دهرڤه، هندهك ل پـێـشـیـێ وهــنــدهك ل پـاشـیـێ، هندهك ب چهكى وهندهك ب قهلهمى، جهنگ ل ههر عهردهكێ ههبت دئێتهكرن، هزر نهكه ئهو ل مصرێ ب تنێ ههیه.. ل ئهورۆپا ورۆسیا وئـهمـریـكـا ووهلاتێت عهرهبان تبلێت شهیتانى ههنه.. سالم ل سهر ڕێبازا خۆ ل وێرێ یێ خهباتێ دكهت، نهبیلا ل ڤێرێ یا كارهكى دكهت، ئێك یێ دى تمام دكهت، ئێك بێى یێ دى نابت.. ڤێجا خهمگینى بۆ چیه؟
دهمێ وێ بهرسڤ نهداى، وى خۆ نێزیك كر وگۆت:
ــ ئهم مرۆڤین، وهندهك هێز مه یا ههى، قابله ئهم ڤێ جیهانێ ب شهڤ وڕۆژهكێ بگوهۆڕین؟!
ــ تو ڕاست دبێژى.. ئهڤه نهخۆشیا منه.. ئهز نهشێم بێنا خۆ ل سهر ڤان كرێتیان فرهه بكهم..
ــ ئهگهر ئهڤ كرێتیه مرۆڤهكێ ب تنێ با خهلك دا بهلا وى ژ خۆ ڤهكهن ورحهت بن، بهلێ مهسهله یا هۆسایه وهكى تو دبینى..
عــهبــدلــعــهزیــز شــیــا گــرفــتــاریـــا نــهبــیــلایــێ ل كوێتێ ب دویماهى بینت، وئهو د گهل بهرپسیاران گههشته هندێ كو ئهو بزڤڕت، بهلێ دهولهت قهبویل ناكهت ئهو بزڤڕته سهر شۆلهكى ل وهزارهتهكێ.. ب بێ دهنگى ههمى تشت چێبوون ونهبیلا د گهل عهبدلعهزیزى زڤڕى باژێڕێ كوێتێ، و د گاڤێ دا وێ خۆ گههاندنه دهزگهههكا نه یا حوكوومى یا هاریكرنا ڤهكۆلهران وبهلاڤكرنا كتێبان، نهخسام كتێبێت دینى وعلمى..
نـهبـیـلایـێ هند دیت ڕۆژهكێ ئهو هاته د مهزهلا وێ ڤه، ب سهر وسیمایان ڤه ئهویێ شهرمكرى بوو، گۆتنێت وى خۆش خۆش نهدهاتنێ، وێ زانى تشتهكێ د پشت ڤێ چهندێ ڕا ههى، وێ خۆ تێ نهگههاند وخۆ ب كتێبهكێ ڤه موژیل كر، وى ژى ڕۆژنامهیهك هلگرت وبهرێ خۆ دایێ، ههر زوى ئهو دانا وئێكا دى ڕاكر، دویماهیێ دهنگێ خۆ خۆش كر وگڕنژى وگۆت:
ــ ئهز حهز ژ صهراحهتێ دكهم..
وێ ب نازكى ڤه بهرێ خۆ دایێ وگۆت:
ــ نه ههوجهى چو پێشهكیانه..
ــ دڤێت بچینه د ناڤ بابهتى دا..
سهرێ خۆ هژاند، وبهرێ خۆ دایێ، وگوهداریا وى كر كانێ ئهو دێ چ بێژت..
ــ تو وهكى كچا منى.. ژیانا مشهختیێ یا كوئهم تێدا دژین، گهلهكا نهخۆشه.. وئهگهر چاوا بت مرۆڤ یێ پێتڤى ههڤالهكیه پشكداریێ د ژینا وى دا بكهت.. ما وه نینه؟؟
چاڤێت خۆ گرتن، ئێكسهر مهخسهدا وى زانى، بێ گومان وى دڤێت ئهو شوى ب ئیخوانهكێ مشهخت بكهت یێ ئــهو دنـیـاست، هزرێت وێ ڕاست دهركهفتن، دهمێ وێ گوه ل وى بووى گۆتى:
ــ تو وى دنیاسى.. وشویكرن نیڤا دینیه..
دێمێ وێ ژ شهرمان دا سۆر بوو..
ــ ئهڤه ئهمره؟
وى گۆت:
ــ چاوا؟ مهسهلهكا ب ڤى ڕهنگى ئهمر تێدا چێ نابت.. ژنئینان وشویكرن دڤێت ب كهیفا خودانى بت..
نزانت بۆچى ل ڤى دهمى بیرا سالمى هاته بیرێ، بهژنا وى یا بلند هاته بهر چاڤێت وێ، وچاكیتێ وى یێ سپى، وگڕنژینا وى یا شرین.. چاڤێت وێ ژ ڕۆندكان تهڕ بوون، وگۆت:
ــ چاوا شاهیان بكهین وزهلام ل پشت شویرهان دئێته عهزابدان؟
یێ شارهزا بوو. لهو وى لێ ڤهگێڕا:
ــ قهیدى ناكهت.. ژیان ب ڤى ڕهنگیه.. د ههر گاڤهكێ دا هندهك مرۆڤ دمرن، وهندهك زارۆك دبن، كاروانێ ژینێ لازمه ب ڕێڤه بچت..
دهمێ وێ خۆ بێ دهنگكرى، وتێكچووى، ودهستێت وێ تێك ئالزیاین، وى گۆتێ:
ــ یان ژى ئێكێ دى ههیه؟
بێنهكێ كهته هزران، پاشى سهرێ خۆ هژاند وگۆت:
ــ بهلێ..
ــ ببۆره.. دا بهحسهكێ دى بكهین.
* * *
ڕۆژ ب تهنگاڤى وخهمگینى بۆرین، ڕویدان ڕاناوهستن، وپێلا دژوار ههر یا دچت، ههڤڕكى یا بهردهوامه، وعهسمانى ژ دویكلا ڕهش تژى دكهت.. د گهل هندێ چهند بڕیارێت نوى ل مصرێ دهركهفتن، دستوورێ بهروهخت یێ سالا 1956 دهركهفت، ئهو گرتیێت نههاتینه حوكمكرن هاتنه بهردان، بهلێ یێت وهكى رزق ئیبراهیم وعهبدلحهمیدێ نهجار د گهل هشكى وتهعلی ونهخۆشیا ژیانێ مانه ل پشت شویرهان، د گهل هندێ كهیف وشاهى كهفته هندهك مالان، نێ دهركهفتنا گرتیان ژ نوى بۆ ژیانێ، مزگینیا باشیێ ددهت ههر چهنده ئاسایشا گشتى گهلهك شهرتێت ڕهق هاڤێتنه بهر وان، وهكى: نابت ئهو ژ باژێڕهكى بچنه باژێڕهكێ دى بێى دهستویرى، وئهندامێت كۆمهلا (ئیخوانان ئهلموسلمین) یا پویچكرى، نابت ئێك ودو ببینن یان سهرا ئێك ودو بدهن، ههر وهسا بڕیار ب ڤهگوهاستنا خودان مۆچهیان بۆ جهێت دویر دهركهفتن، د گهل ئاگههداركرنێ كو نابت كارێت مهزن بكهڤنه دهستێ وان، ههر وهسا ئهو ژ لایێ سیاسى ڤه ئهو ژ كارى هاتنه مهنعهكرن، نابت ئهو بهربژێر بن ونابت ئهو دهنگى ژى بدهن، ونابت خۆ كوڕێت وان ژى بچنه كولیژێت لهشكهرى، یان جڤاتا دبلۆماسى، یان ههر كارهكێ كرنگێ ههبت، ههر وهسا زێرهڤانیهكا موكم وشدیاى ل وان هاته كرن، وبڕیار هاتهدان نڤیسینێت وان ب هویرى بێنه خواندن بهرى بێنه چاپكرن..
ڕۆژنامهیێت مصرى پویتهیهكێ زێده دا مهسهلا دستوورێ بهروهخت یێ نوى، ڕاپۆرتێت ڕۆژنامهڤانى د گهل مهزنه زارڤهكهر وهۆنهرمهند وسـهمـاكــهران هـاتـنـه بهلاڤكرن، د گهل وێنهیێت وان.. كانێ بیر وباوهرێت وان دهربارهى دستوورى وهلبژارتنا سهرۆكى چنه، كو ئهوئێكهمین سهرۆكه د دهنگدانهكا مهزن دا دئێته هلبژارتن، نڤیسهران بهحسێ ڤێ ژیانا ڕزگار وئازاد وكهرامهتێ كر..
بهلێ تشتێ نه هاتیه سهر هزرا نهبیلایێ چێبوو.. شهڤهكێ بهرى عهیشا دهمێ ئهو دزڤڕى مال، وهكى ههر جار وێ گاڤێت خۆ ب لهز دهاڤێتن وسهرێ وێ یێ تژى هزر وتهخمین بوو.. نێ ئهو فێرى دان وستاندنا د گهل خۆ بووبوو، وپشتى ئهو كهفتیه د ناڤ خواندنێت ههمه ڕهنگ دا، ههر زوى وێ دهست ددا كاغهزێ وهزرێت خۆ ددانانه سهر، ههر جارهكا وێ پتر دخواند، دلێ وێ هندى دى دچوو خواندنێ، ژیانا هزر وبیران گهلهكا بهرفرههه.. دهمێ ئهو چوویه جادا وێ كۆلانێ یا مالا وێ لێ دهنگێ هندهك فیشهكان ئهو ژ هزران ئینادهر.. دهمهكى ڕاوهستیا ب ترس ڤه ل دۆر خۆ زڤڕى، ڕهشهكهك زوى ل بهر چاڤان غهواره بوو، بێ حهسیا كو كارهكێ خهگهر یێ دئێتهكرن.. ب ههمى هێزا خۆ كره غار، دهمێ ب ژۆر كهفتى بێنا وێ چك بووبوو، گوهێ خۆ دا سهر لهشێ خۆ باوهر نهكر كو یا ساخه.. چاوا چ گولله ڤێ نهكهفتن؟؟ ئهنیا وێ خوه دا، زهر بوو.. قهستا مهزهلا خۆ ل قاتێ دووێ كر، بێنا وێ چــك بــوو، ئــهو بیژنا د گهل ههر سێ زارۆكێت خۆ د گهل وێ دژیا، گۆتێ:
ــ مامۆستا نهبیلا چ قهومیه؟
وێ چانته وكاغهزێت خۆ هاڤێتنه سهر مێزا دارى یا بچویك وگۆت:
ــ چوننه..
پاشى وێ خۆ هاڤێته سهر كورسیكێ ودهست دا گریێ.
وداد خانم د گهل زارۆكێت خۆ ب نك ڤه چوون:
ــ كچا من باخڤه.. دیاره هندهك جحێلێت حێنج دڤیا ته بڕهڤینن؟
نهبیلایێ ڕۆندكێت خۆ ڤهمالین وخۆ ب زیرهكیێ ئینادهر وگۆتێ:
ــ سوباسیا ته دكهم، پشت ڕاست به، تشتهكێ وهسا چێ نهبوویه..
پشتى بێنهكێ وێ تهلهفوون ڕاكر، وداخوازا عهبدلعهزیز ئهلسیسى كر، ههر زوى ئهو د گهل ژنكا خۆ هات ووان ئهو بره مالا خۆ، ل مال نهبیلایێ چیرۆك ههمى بۆ ڤهگێڕا، مهسهله یا غهریب وخهگهر بوو، ئاشكهرایه كو ئهڤه ڕاهێلانهكا سیاسى یا پیسه ل ژێر سیبهرا دستوورێ نوى، ئهڤ چهنده جار وباران ل دهولهتان چێ دبت، بهلێ یا نهخۆش ئهوه نهبیلا نهشێت چو سالۆخهتێت وى زهلامى بێژت یێ كو دڤیا وێ بكوژت.. پشتى سهعهتهكێ كۆمبوونهك ل مالا عهبدلعهزیزێ سیسى هاته گرێدان، كۆمهكا ئیخوانێت باوهرێ لێ ئاماده بوون، پشتى دان وستاندن ل دۆر مهسهلێ كرى گههشتنه چهند بڕیارهكان، یا ژ ههمیان گرنكتر ئهو بوو ئهو ڤـێ ڕویــدانــێ بــۆ كاربدهستان نهبێژن، نه كو ئهو كارى ل سهر وبهرێ سیاسى یێ حوكمهتێ بكهت دهربارهى سیاسیێت مشهخت، چـونـكـى وان ل كـوێتێ نهڤێت كارێت ب ڤى ڕهنگى چێ ببن، وبڕیارهكا دى ئهو بوو ئهو نهبیلایێ ڤهگوهێزنه خانیهكێ دى، وئیخوانهك دانا دا زێرهڤانیێ لێ بكهت، ل دهزگهها بهلاڤكرنێ، ل دهمێ هاتن وچوونا وێ.. ووان بۆ وێ دیاركر كو نابت ئهو ب تنێ بگهڕیێت، د گهل هندهك سهروبهرێت دیتر یێت تهناهیێ مسۆگهر دكهن، ووى كهسێ نهنیاس ئاشكهرا دكهن..
* * *
ل دهمێ حهجێ هژمارهكا نه یا كێم ژ حهجیێت مصرى هاتنه كوێتێ، هژمارهكا ئیخوانێت بهرێ هاتینه گرتن، د ناڤ وان دا بوون، ب بزاڤا خۆ و ب هاریكارى ودهسكاتیا هندهك كهسان ئهو شیان دهستویریا چوونا حهجێ ب دهست خۆ بێخن، وقهستا حهجێ بكهن، وان دهلیڤه ژ دهست خۆ بهرنهدا، خۆ گههاندنه هندهك وهلاتێت عهرهبان ورازى نهبوون بزڤڕنه مصرێ.. ڤان ئیخوانان گهلهك دهنگ وباس وڕاپۆرت د گهل خۆ ئینان، تشتێ بوویه پویته پێكرنا عهبدلعهزیزێ سیسى وههڤالێت وى.. نهبیلا یا ب لهز بوو وان ئیخوانان ببینت، دا پسیارا حالێ مصرێ ژ وان بكهت پشتى ئهو ژ وێرێ هاتى..
ل دهمێ وێ وێ ل دهواما ئێڤارى شۆل دكر، وێ كتێبا (ئیسلام د چهرخێ بیستێ دا) یا نڤیسهرێ مهزن عهبباس مهحممود ئهلعهققادى دخواند، هندهك ڕێز وێ بۆ خۆ ل سهر كارتێت بچویك دنڤێسین، نهبیلا ب ههمى ڤه د گهل كتێبێ بوو، ئهوا بهحسێ ئیسلامێ وهك هێزهكا سهركهفتى وخۆڕاگر دكهت.. و ل دویماهیێ خۆڕاكریا ئیسلامێ بهرانبهر لههیێت نهیارهتیا جیهانى ودیرۆكى یێت ب ترس دیار دكهت، وكا چاوا لاگرێت ئیسلامێ بهر ب زێدهبوونێ ڤهنه.. دهنگهك هاتێ: السلام علیكم..
سهرێ خۆ ڕاكر.. دیت ئهو ل بهر سنگێ وێ یێ ژ پیان ڤهیه، ب بهژن وبالا وگڕنژینا خۆ ڤه.. سهرێ خۆ هژاند، وچاڤێت خۆ پهرخاندن، نێزیك بوو بكهڤت..
ــ كیه؟ دختۆر سالم؟ تشتهكێ نه یێ مهعقووله..
ڕۆندكێت وێ ب سهر ڕویان دا هاتن، ب گهرمى چوو دهستێ وێ ونهشیا باخڤت.. وى زانى كو ئهو د ناڤ لههیا خۆشیێ دا خهندقى ما.. ڤیا حێبهتیا وێ كێم بكهت، لهو گۆت:
ــ ل مالا خودێ، و ل سهر چیایێ عهرهفێ، ودهمێ من نڤێژا مهغرهب وعهیشا ل موزدهلیفێ كرى، و ل ههمى جهێت پاك، من دوعا یێت بۆ ته كرین..
ههر وهكى گۆتنا وى ڤاژى بهرههم ژ خۆ دا، لهو گریا وێ زێدهتر لێ هات.. ڤیا تڕانهیان بكهت، گۆت:
ــ گاڤا من بهرك د شهیتانى وهردكرن، دیمهنێ عهطوهیێ مهلهوانى ومهزنێت وى یێت زۆردار ل بهر چاڤێت من بوو، یا ژ من ڤه بهركهك ژ وان ب ناڤچاڤێت وى كهفت..
ووى كره كهنى.. وێ ژى كره كهنى وڕۆندك د چاڤێت وێ دا بوون.. پیچهكێ بێ دهنگ بوون، پاشى نهبیلایێ جهرهس لێدا، خزمهتكارى قههوه ئینا و ب ژۆر كهفت.. نهبیلایێ گۆت:
ــ حالێ بابێ من چیه؟
دێمێ وى تێك چوو.. ڤیا ژ بهرێخۆدانێت وێ بڕهڤت، بهلێ نهشیا، جارهكا دى حهزكر هندهك گۆتنێت نه یێت ڕاست بێژت، بهلێ دلێ وى نهگرت، ژ دێمێ وى زانى.. ژ پشت مێزێ ڕابووڤه، لێ زڤڕى، ملێ وى گرت وگۆت:
ــ من دڤێت ڕاستیێ بزانم..
وى هێدى گۆت:
ــ ڕێكا مه ههمیانه.. مان بۆ خودێ ب تنێیه..
نهبیلایێ نهزانى پشتى هنگى چ چێبوو، گاڤا چاڤێت خۆ ڤهكرین ههڤالێت خۆ یێت شۆلى ب ڕهخ خۆ ڤه دیتن، ودختۆر سالم ل بهر دهرگههى یێ ژ پیان ڤه بوو، ههڤالان سهر وڕویێ وێ ڤهمالى و ژ ڕۆندكان هشك كر..
* * *
پشتى حهفتیهكێ نهبیلایێ دختۆر سالم ئهوێ بوویه نۆژدار ل نهخۆشخانهیا (حولى) ل كوێتێ دیت، سهعهت نێزیكى دووێ پشتى نیڤرۆ بوو، ل تورمبێلا وى یا نوى سویار بوون، وى تورمبێل دا شۆلى، و ب ساناهى گۆت:
ــ ئهز سوپاسیا سهیدایێ سیسى دكهم، چونكى پارێت تورمبێلێ وى ب دهین یێت داینه من..
پاشى ل وێ زڤڕى وگۆتێ:
ــ ئهڤرۆ وى ئهزێ داخوازكریمه فراڤینێ، ویێ گۆتى: وێ ژى د گهل خۆ بینه، لهو منتهلهفوون بۆ ته كر..
چهندهكێ بێ دهنگ بوون، ههر چهنده دنیا یا گهرم ژى بوو بهلێ لهشێ وێ ڤهدلهرزى، وهكى ههر جار ب ساناهى گۆتێ:
ــ بهرى خودێ بابێ ته ببهته نك خۆ.. من گۆتبوویێ..
ــ چ؟
گڕنژى پاشى گۆت:
ــ وى گۆته من: بلا.. بهس ئهگهر نهبیلا یا قانع بت..
ــ ئهزنزانم تو بهحسێ چ دكهى..
ب دهنگهكێ بلند كهنى، نهبیلا ژى كهنى، خۆ نێزیكى وێ كر وگۆت:
ــ تو شوى ب من ناكهى؟
ــ چاوا دێ شوى ب سیاسیهكى عهزلكرى كهم..
وى گۆت:
ــ ڤێجا سیاسیێ عهزلكرى چ بكهت؟
وێ گۆت:
ــ نزا..
ــ دێ عهزلكریهكا وهكى خۆ بۆ خۆ ئینت..
دوباره ل كهنیێ ڤهگهڕیان..
سالمى گۆت:
ــ عهبدلعهزیزێ سیسى ل شوینا بابێ من وبابێ تهیه..
وێ سهرێ خۆ هژاند وگۆت:
ــ بهلێ..
دوباره گۆت:
ــ ئهم د گهل ئێك ودو، ئهم دێ دهست ب قویناغهكا نوى كهین..
وێ لێ ڤهگێڕا:
ــ ڕۆژا مه ئێك ودو دیتى مه دهست ب قویناغهكا نوى كریه..
ــ ئهزژى ژ پاشهڕۆژێ ناترسم.. ترسا ژ سوباهى مرنه وئازاردانه.. پهرده ب سهر ناڤبڕهكێ دا هات.. ژ ئهڤرۆ پێڤه چیرۆكهكا نوى دێ دهست پێ كهین..
وێ سهرێ خۆ هژاند وگۆت:
ــ بهلێ شویرهه وتێلێت ستریكرى هێشتا یێ ل وێرێ.. صهیێت هار یێت ڕهون.. قێژى وههوارێت ژاران هێشتا یێت د گوهێ من دا دهنگ ڤهددهن..
وى د بن لێڤلێڤكان ڕا گۆت:
ــ ئهو دهستێت شویرهه ئاڤاكرین، دشێن بههڕفینن ژى.. ژیێ صا یێ كورته، وئهو نه گرفتارینه چونكى حهیوان یێ ل بن دهستێ مه.. وخۆگۆریكهر دساخن، ل نك خودێ دخۆن وڤهدخۆن.. وهكى من باوهرى ب خودێ ههى وهسا من باوهرى ب سهركهفتنێ ههیه.. چونكى ئهڤه سۆزا خودایێ پاك وبلنده..
نهبیلایێ بێهنا خۆ هلكێشا، وهێدى گۆت:
ــ ئهزا برسیمه..
ئهو گڕنژى وگۆت:
ــ ئهز ژى..
* * *
دویماهى
