حهدیسا بیست وههشتێ
هوویربینى وڕژدییا گازیكهرى
28 ـ عَنْ أَبِي هُرَيْرَةَ ـ رَضِيَ اللَّهُ عَنْهُ ـ عَنْ النَّبِيِّ ـ صَلَّى اللَّهُ عَلَيْهِ وَسَلَّمَ ـ قَـالَ : [ كَفَى بِالْمَرْءِ كَذِبًا أَنْ يُحَدِّثَ بِكُلِّ مَا سَمِعَ ] رواه مسلم .
ئـهبـوو هورهیره ـ خودێ ژێ رازى بت ـ دبێژت : پێغهمبهر ـ سـلاڤـ لـێ بن ـ دبێژت : [ تێرا مرۆڤى ههیه درهو كو ههر تشتهێ وى گوهــ لـێ ببت ئهو بێژت ] موسلم ڤهدگوهێزت .
مـرۆڤێ داعیه د ههمى تشتان دا یێ هشیاره وهویربینییا وى ههیه ، ب تایـبـهتـى د وان گـۆتـنـان دا یێن وى گوهــ ل خهلكى دبن ، یان ئهو د كتێب وڕۆژنامهیان دا دخوینت ، ویا پێتڤى ل سهر وى ئهوه ئهو یێ هشیار بت وخۆ پشت ڕاست بكهت ژ ههر گۆتنهكا ب بهر گوهێ وى دكهڤت بهرى ئهو بچت بهلاڤـ كهت یان ڤهگوهێزت ، وخۆ پشت ڕاستكرن هـێـشـتـا فـهرتـر لـێ دئێت د وان مهسهلان دا یێن پهیوهندى ب دینى وشریعهتى ڤه ههى ، یان پهیوهندى ب سومعهت ونامویسا مۆڤهكى ڤه ههى ، هنگى دڤێت ئهو گهلهك یێ هشیار بت وسستییێ نهكهت ، ولهزێ د بهلاڤكرنا وێ گۆتنێ دا نهكهت .
وئهڤـ هویربینى وحرصا مرۆڤێ داعیه بهرێ وى ددهته هندێ ژى ئهو دهمێ خۆ زهعێ نهكهت وبهایێ وهختى بزانت .
