حهیسا بیستێ
دهسپێكا گازیكهرى
20 ـ عَنْ عَبْدِ اللَّهِ بْنِ عَمْرٍو ـ رَضِيَ اللَّهُ عَنْهُما ـ قَالَ : قَالَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ : [ لِكُلِّ عَمَلٍ شِرَّةٌ ، وَلِكُلِّ شِرَّةٍ فَتْرَةٌ ، فَمَنْ كَانَتْ فَتْرَتُهُ إِلَى سُنَّتِي فَقَدْ أَفْلَحَ ، وَمَنْ كَانَتْ إِلَى غَيْرِ ذَلِكَ فَقَدْ هَلَكَ ] رواه أحمد وغيره .
عهبدللاهێ كوڕێ عهمرى ـ خودێ ژێ راى ببت ـ دبێژت : پێغهمبهر ـ سلاڤـ لـێ بن ـ دبێژت : [ بۆ ههر كارهكى زیرهكییهك ههیه ، وههر زیرهكییهكێ بێ خیرهتییهك بۆ ههیه ، ڤێجا ههچییێ بێ خیرهتییا وى ل نك سوننهتا من بت ئهو هاته سهر ڕێ ، وههچییێ بێ خیرهتییا وى ل نك تشتهكێ دى بت ئهو چوو هیلاكێ ] ئهحمهد وهندهكێن دى ڤهدگوهێزن .
بێ گومان ههر كارهكى دهسپێكهك بۆ ههیه ، وههر دهسپێكهكا ههبت دێ یا ب زهحمهته ، وزهحمهتییا دهسپێكێ ژ مرۆڤهكى بۆ ئێكێ دى یا جودایه ، و ب نسبهت وى موسلمانى یێ قهستا كارێ گازیكرنا ژ بۆ دینى دكهت دهسپێكا وى دێ یا ب هێز بت ، چونكى وى دڤێت دینى ههمییێ ب كار بینت ، وخـۆ ژ شـركـێ ههمییێ بدهته پاش .. وهۆسا ب نسبهت ههمى مهسهلێن دى ، بهلـێ ڤێ گهرمییا وى یا ل دهسپێكێ دهمـهكـى سـسـت وخاڤییهك د دویڤ دا دئێت ، ڤێجا ئهگهر ئهو خاڤى ل وى دهمى بێت یا ئهو تێدا ل سهر سوننهتێ ، ئهو خودێ خێرا وى ڤیا وئهو ب هیداهت هات ، ئهگهر نه ئهو دێ چته هیلاكێ ، خودێ مه بپارێزت .
ژ بهر ڤێ چهندێ نیشانا ب هیدایهت هاتنا مرۆڤى ئهوه خودێ بهرێ وى دهته وى زانایى یێ بهرێ وى ددهته سوننهتا پێغهمبهرى ـ سلاڤـ لـێ بن ـ وخێرێ ل بهر وى شرین دكهت ، وبهرێ وى ژ وى كهسى وهردگێڕت یێ سوننهتێ ل بهر وى ڕهش دكهت ، وبهرێ وى ددهته بیدعێ .
ژ بهر ڤێ چهندێ گرنگییا ههڤالینییێ بۆ مرۆڤى ئاشكهرا دبت ، ومرۆڤێ داعیه دڤێت ل ڤێ چهندێ ژى یێ ئاگههدار بت .
