حهدیسا سیهــ وههشتێ
چاوایى نه چهندى
38 ـ عَنْ ثَوْبَانَ ـ رَضِيَ اللَّهُ عَنْهُ ـ قَالَ : قَالَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ : [ يُوشِكُ الأُمَمُ أَنْ تَدَاعَى عَلَيْكُمْ كَمَا تَدَاعَى الأَكَلَةُ إِلَى قَصْعَتِهَا ] فَـقَـالَ قَائِـلٌ : وَمِنْ قِلَّةٍ نَحْنُ يَوْمَئِذٍ ؟ قَالَ : [ بَلْ أَنْتُمْ يَوْمَئِذٍ كَثِيرٌ ، وَلَكِنَّكُمْ غُثَاءٌ كَغُثَاءِ السَّيْلِ ، وَلَيَنْزَعَنَّ اللَّهُ مِنْ صُدُورِ عَدُوِّكُمْ الْمَهَابَةَ مِنْكُمْ ، وَلَيَقْذِفَنَّ اللَّهُ فِي قُلُوبِكُمْ الْوَهْنَ ] فَقَالَ قَائِلٌ : يَا رَسُولَ اللَّهِ ! وَمَا الْوَهْنُ ؟ قَالَ : [ حُبُّ الدُّنْيَا وَكَرَاهِيَةُ الْمَوْتِ ] رواه أبو داود .
ثەوبان ـ خودێ ژێ رازى بت ـ دبێژت : پـێـغـهمـبهرى ـ سلاڤـ لـێ بن ـ گۆت : [ نێزیكه مللهت ب ههوه داجڕیێن وهكى خورا ل سفرێ دادجڕیێن ] مـرۆڤـهكـى گۆت : هنگى ئهم دكێمین لهوا ؟ وى گۆت : [ نه هوین هنگى گهلهكن ، بهلـێ هوین كهفن وهكى كهفا ب سهر لههییێ دكهڤت ، وخودێ ترسا ههوه ژ دلێن دوژمنێ ههوه دێ ئینته دهر، وخودێ لاوازییێ دێ هاڤێته دلێن ههوه ] وى گۆت : ئهى پێغهمبهرێ خودێ ، لاوازى چیه ؟ گۆت : [ ئهو ڤیانا دنیایێ ونهڤیانا مرنێ یه ] ئهبوو داوود ڤهدگوهێزت .
ئهگهر ئهم خهمێ ژ چهندێ وگهلهكییێ بخۆین دێ وهكى وێ كهفێ لـێ ئێین یا ب سهر لههییێ دكهڤت ، چونكى كهلهكییا بێ تێگههشتن وزانین وپهروهرده زیانا وێ یا مسۆگهره ، چونكى ئهو دفن بلندى وغوروورێ پهیدا دكهت ، وئهو ڕێكا نه قهبویلكرنا حهقییێ یه ، وژێك جودابوون وفاشلى وشكهستنه ، وبهلكى ئهڤه مهعنا گۆتنا پێهمبهرى بت ـ سلاڤـ لـێ بن ـ دهمێ گـۆتـى : [ ولا یغلب إثنا عشر ألف من قلة ـ دوازه هزار ژ بهر كێمییێ نائێنه شكاندن ] مهعنا : ئهڤـ هژماره یا كێم نینه، بهكى ئهو گهلهكه ، پا بۆچى ئهڤـ گهلهكییه دێ شكێت ؟
شكهستنا مه ژ بـهر هندێ یه چونكى مه پویته ب لایێ رهسهن ژ ئیسلامێ نهكرییه كو تهوحیدا خودێ یه ، وداعیه ل سهر هندێ نههاتینه پهروهردهكرن كو ئهو مافان بزانن وئهركان ب جـهــ بینن ، ڤێجا ئهو لاواز بوون ، وسست بوون ، ومانه ل پاشییا كاروانى پشتى كو ئهو ل بهراهییێ بوون ، وبێ هێز بوون پشتى هێزدارییا خۆ .
ڤێجا ئهگهر داعیه ب دورستى بێته پهروهردهكرن ، و ل سهر مهنههجێ پێغهمبهرى ـ سلاڤـ لـێ بن ـ ب ڕێڤه بچت ، بێ گومان ئهو دێ گههته ئارمانجا بلندتر .
