حهدیسا ههشتێ
تشتێ ڤهبڕ
8 ـ عَـنْ أَبِـي هُـرَيْـرَةَ ـ رَضِيَ اللَّهُ عَنْهُ ـ قَـالَ : سُئِلَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ : أَيُّ النَّاسِ خَيْرٌ ؟ فَقَالَ : [ أَنَا ، وَالَّذِينَ مَعِي ، ثُمَّ الَّذِينَ عَلَى الأَثَرِ ، ثُمَّ الَّذِينَ عَلَى الأَثَرِ ] ثُمَّ كَأَنَّهُ رَفَضَ مَنْ بَقِيَ . أخرجه أحمد .
ئـهبـوو هـورهیـرهى ـ خـودێ ژێ رازى بت ـ دبــێــژت : پـسـیـار ژ پێغهمبهرى ـ سلاڤـ لێ بن ـ هاتهكرن : كیژ مرۆڤـ ژ ههمییان دچێتـرن ؟ وى گۆت : [ ئهز ، وئهوێن د گهل من ، پاشى ئهوێن د دویڤـدا ، پاشى ئهوێن د دویڤـدا ] پاشى ههر وهكى وى ئهوی ماین قهبویل نهكرن . ئهحمهد ڤهگوهێزت .
ژ ڤێ حهدیسێ ئاشكهرا دبت كو ڕێكا دورست بۆ تێگههشتنا قورئانێ وسوننهتێ ئهوێن ههمى كهس پێ دئاخڤن ، ب كارئینانا صهحابییانه وئهوێن ل سهر ڕێكا وان چووین ژ تابعییان وئهوێن د دویڤ دا هاتین ژ دویكهفتییێن وان یێن سهرڕاست ، چونكى خێر ههمى ئهوه یا ل نك وان ههى ، و ژ وان دهركهڤت چو خێر تێ نینه ، وههر كهسهكێ بێژت : ئهز دویكهفتنا كیتابێ وسوننهتێ دكهم ، بێى ئهو تێگههشتن و ب كارئینانا ڤان ههر سێ جیلان ل بهر چاڤ وهرگرت ، گۆتنا وى ب چو ناچت ، وئاخفتنا وى چو بهایێ خۆ د تهرازییا حهقییێ دا نابت .
وئهگهر ئهڤـ تشتێ ڤهبڕ نهبت كو ڕاستى ژ درهوێ بۆ ئاشكهرا بت ، بۆ ههر كهسهكى دێ یا ب ساناهى بت بێژت : ئهز دویكهفتنا كیتاب وسوننهتێ دكهم ، بهلـێ دویكهفتن نه گۆتنا ب دهڤى ب تنێ یه ، بهلكى ئهو كار وكریاره ، ومهنههج وپێگیرییه .
وئهگهر چ ئهو كهسێن ل سهر ڤى مهنههجى چووین دكێم ژى بن ، بهلـێ گومان تێدا نینه كو خێر یا بهردهوامه ، وههر دێ مینت .
