ل هیڤییا سوپاسییا كهسێ نهبه
خودێ بهنی یێن ئافراندین دا زكرێ وی بكهن، و وی رزق یێ دایه وان دا شوكرا وی بكهن، بهلێ گهلهك ژ وان پهرستنا ئێكێ دی ژبلی وی كر، و بارا پتر ژ وان سوپاسییا ئێكێ دی ژبلی وی كر، چونكی تبیعهتێ زال ل سهر مرۆڤان ئهوه ئهو دبێ نان و خویێنه و قهنجییێ ژ بیر دكهن، ڤێجا تو عهجێبگرتی نهبه ئهگهر ئێك ژ ڤان كارێ ته یێ جوان ڤهشارت و باشییا ته سۆت و قهنجییا ته ژ بیركر، یان ئهگهر خۆ دژمناتییا ته كر و ب مهنجهنیقا كهربا ڤهشارتی دانا ته، نه ژ بهر چو ب تنێ ژ بهر هندێ چونكی ته قهنجی د گهل وان كرییه:(وما نقموا إلا أن أغناهم الله ورسوله من فضله)(التوبة: 74) و وان منافقان تشتهك ل نك پێغهمبهری نهدیت كو ڕهخنێ پێ لێ بگرن و پێ بهاڤێنێ، ژبلی كو خودێ قهنجی د گهل وان كر، و ئهو ژ وێ خێرێ زهنگین كرن یا وی ل سهر پێغهمبهرێ خۆ ڤهكری.
و بهرێ خۆ بده تۆمارا عالهمێ یا بهرچاڤ، د ناڤ بهرپهڕێن وێ دا سهرهاتییا بابهكی دێ بینی كوڕێ خۆ پهروهردهكر بوو، جلك و خوارن و ڤهخوارن دابوونێ، زانین و تۆره نیشا دابوو، ب شهڤێ خهو نههاتبوو چاڤان دا ئهو بنڤت، خۆ برسی كربوو دا ئهو تێر ببت، خۆ وهستاندبوو دا ئهو رحهت ببت، و گاڤا بهركهپییێ ڤی كوڕی ڕهش بووی و بوویه خودان زهند و باسك بۆ بابێ خۆ وهكی سهیێ هار لێهات، ب چاڤهكێ كێم بهرێ خۆ دایێ، بێ بها كر، د گهل خراب بوو، و نهخۆشییهكا مهزن گههاندێ.
ڤێجا ئهوێن جوانه بهرپهڕێن وان ل نك وان كهسان هاتینه سۆتن یێن خۆڕستییا خۆ دهرنشیف كری بلا رحهت ببن، و بلا كهیفا خۆ ب وێ قهنجییێ بینن یا كو ل نك وی ههی یێ خزینهیێن وی چو جاران خلاس نهبن.
و ئهڤ گۆتنا گهرم ته بۆ هندێ داخواز ناكهت كو تو باشییێ بهێلی یان قهنجییێ نهگههینییه خهلكی.. نه، بهلێ ئهو ته ل هندێ هشیار دكهت كو دبت تو بهرانبهر ڤێ قهنجییێ دلڕهقییێ ژ وان ببینی، ڤێجا تو ژ كارێ وان ب خهم نهكهڤه.
باشییێ تو بۆ كنارێ خودێ بكه، چونكی ههر چاوا بت یێ سهركهفتی تویی، پشتی هنگی ئهوێ د گهل ته بێ نان و خویێ بت و قهنجییا ته ژ بیر بكهت چو زیانێ ناگههیتنه ته، و تو حهمدا خودێ بكه كو ته باشی كری، و دهستێ بلند ژ یێ نزم چێتره:(إنما نطعمكم لوجه الله لا نريد منكم جزاء ولا شكورا)(الإنسان: 9) ههما بۆ كنارێ خـــودێ و دا ئــــهو ژ مـــــه ڕازی ببت ئهم قهنجییێ د گهل ههوه دكهین، مه چو بهرانبهر ژ ههوه نهڤێت و مهخسهدا مه ئهو نینه هوین مهدحێن مه بكهن یان شوكرا مه بكهن.
و گهلهك مرۆڤێن عاقلدار مهندههووش دبن دهمێ دبینن مرۆڤێن عامی دبێ نان و خویێنه، ههر وهكی وان گوهـ ل وهحییێ نهبوویه دهمێ دفن بلندییا ڤی ڕهنگێ مرۆڤان ددهته بهرچاڤێن وان وهكی دبێژت:(وإذا مس الإنسان الضر دعانا لجنبه أو قاعدا أو قائما فلما كشفنا عنه ضره مر كأن لم يدعنا إلى ضر مسه كذلك زين للمسرفين ما كانوا يعملون)(یونس: 12) یهعنی: ڕهنگهكێ مرۆڤان ههیه ئهگهر نهخۆشی و تهنگاڤییهك گههشتێ پێخهمهت ڕاكرنا وێ نهخۆشییێ ئهو دێ ههوارێن خۆ گههینته مه، ڤێجا گاڤا مه ئهو نهخۆشی ژ سهر وی ڕاكر ئهو دێ بهردهوامییێ ل سهر ڕێبازا خۆ یا بهرێ كهت، و ئهو دێ وێ نهخۆشییێ و تهنگاڤییێ ژ بیرا خۆ بهت یا ئهو كهفتییێ، و سوپاسییا خودایێ خۆ ناكهت یێ ئهو نهخۆشی ژ سهر ڕاكری، و دێ وهسا چت ههر وهكی وی بۆ ڕاكرنا چو نهخۆشییان ههوارێن خۆ نهگههاندینه مه.
ڤێجا عهجێبگرتی نهبه ئهگهر ته قهلهم دا مرۆڤهكێ كێم فام و وی ب وی قهلهمی هاڤێته ته، یان ئهگهر ته شفكهك دا مرۆڤهكێ زڤڕ دا ئهو كارێ خۆ پێ بكهت ڤێجا ئهو سهرێ ته ب وێ شفكێ بسهلخینت، ئهو مرۆڤینییا د ناڤ كفنێ قهنجی ڤهشێرییێ دا هاتییه پێچان حالێ وێ د گهل خودایێ وێ ئهڤهیه، ڤێجا بۆچی د گهل من و ته د وهسا نهبن؟
