دەسپێك
إنَّ الحمد لله ، نحمده ونستعينه ونستغفره ، ونعوذ بالله من شرور أنفسنا ، وسيئات أعمالنا ، من يهد الله فلا مضل له ، ومن يضلل فلا هادي له ، وأشهد أن لا إله إلا الله وحده لا شريك له ، وأشهد أنَّ محمداً عبده ورسوله .
(يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ(102))
( يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً ۚ وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ ۚ إِنَّ اللَّهَ كَانَ عَلَيْكُمْ رَقِيبًا(1))
(يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا(70) يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ ۗ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا(71)
أما بـعـد : فإنَّ أصدق الحديث كتاب الله ، وأحسن الـهـدي هدي محمد رسول الله ـ صلى الله عليه وسلم ـ ، وشر الأمور محدثاتها ، وكل محدثة بدعة ، وكل بدعة ضلالة ، وكل ضلالة في النار .
خواندهڤانێن خۆشتڤى : دیرۆكا مرۆڤینىیێ یا درێژ ئهگهر ئهم بـخـوینیـن دێ بینین ئهو مرۆڤێن هاتینه د ڤــێ دنـیـایـێ دا وداى بێى كو بستینن ، وقــهدر و بـهـایــێ مرۆڤى وهك مرۆڤ زانى ، و ب چاڤهكێ بلند بهرێ خۆ دایه سهروهرىیا عهقلى .. گهلهك دكێمن ! ولیستهیا ڤان ناڤێن كێم ئهگهر ئهم سهح بكهین بێ گــومـان نـاڤــێ موحهمـمهدێ پێغهمبهر ـ سلاڤ لـێ بن ـ دێ ل سهرێ لیستێ بینین .
وگهلهك جاران دهمێ ئهم بهحسێ موحهممهدى دكهین ـ سلاڤ لـێ بن ـ ئــهم بـهحسێ وى دكهین وهك پێغهمبهر ، پێغهمبهرهكێ ( موئهییهد ) ژ لایێ خودێ ڤه ، یێ خودان دین وشریعهت ، خودان موعجزه وكهرامهت ، یێ گرێداى ب عهسمانى ڤه .. بهلـێ موحهممهد وهك مرۆڤ ، مرۆڤهكێ طەبیعهت مرۆڤ ، یێ خودان كـهسـیـنـیـهكا وهسا ئهو د سهر ههمى مرۆڤان ڕا كرىیه سهروهر ل وى دهمێ ئهو دژیا ئێك د ناڤ وان دا ، ئهڤێ كێم جاران ئهم خۆ لـێ دكهینه خودان !
ڕاسته موحهممهدێ پێغهمبهر و موحهممهدێ مرۆڤ ژێك نائێنه جوداكرن بهلـێ نێزیكه مرۆڤ بێژت ـ ئهگهر ئهڤ گۆتنه یا دورست بت ـ : ئهگهر موحهمـمـهد سلاڤ لـێ بن پێغهمبهر نهبا ژى ئهو دا مرۆڤهكێ ل مستهوایێ پێغهمبهران بت ، چونكى مهزنىیا ( موحهممهدێ مرۆڤ ) بوو گهلهك جاران ل سهر دهمێ وى هندهك ژ ( دوژمنێن وى ! ) هند ب لایێ وى ڤه دكێشان كو ببنه مهزنـتـرین ههڤال و پشتهڤانێن وى .
لهو ب هزرا من یا فهره ئهم موسلمان سالۆخهتێن پێغهمبهرێ خۆ وهك مرۆڤ باش بزانین وچاڤ لـێ بكهین ، و ب كریار نیشا خهلكى بدهین ئهگهر مه بڤێت خزمهتێ پێشكێشى وى دینى بكهین یێ ئهڤ پێغهمبهرێ خۆشتڤى ـ سلاڤ لـێ بن ـ پێ هاتى .
وئـهز باوهر دكـهم پسیارا نوكه د سهرێ گهلهك ژ ههوه دا ههى دێ ئهڤه بت : ئهرێ مهخسهدا مه ب ( موحهممهدێ مرۆڤ ) چیه ؟ وبـۆچـى گهلهك جاران ( مــوحـهمـمـهدێ مرۆڤ ) بهرى ( موحهممهدێ پێغهمبهر ) خهلك ب لایێ دینێ وى ڤه دكێشا ؟
وبۆ بهرسڤ دێ بێژم : مهخسهدا مه ب موحهممهدێ مرۆڤ ئهو تبیعهتێ بهشهرىیه ئهوێ ل نك پێغهمبهرى ـ سلاڤ لـێ بن ـ ههى یێ كو گهلهك كهسێن دى ژ مرۆڤان پشكدارىیا وى تێدا دكهن ، بهلـێ وى د ڤى تبیعهتێ خۆ دا بهرى خهلكێ دى ههمىیێ ڕاكرى .. وئهڤ تبیعهتهیه مرۆڤى حێبهتى دكهت وئێكا هند ژێ چێ دكهت ب چاڤهكێ بلند بهرێ خۆ بدهته خودانى .. نه وهكى پێغهمبهرینىیێ ئهوا بۆ مرۆڤ دئێته دان بێى وى دهستهك تێدا ههبت !
ومرۆڤ دهمێ ب تبیعهتێ ڤى پێغهمبهرێ مهزن ئاگههدار دبت ولایێ مرۆڤینىیێ ل نك وى دخوینت پـتـر وێ دویراتىیێ دزانت یا كهفـتـىیه د ناڤبهرا ڤى پێغهمبهرى ودویكهفتىیێن وى یێن نوكه دا .
ڤێجا وهك بهرگهڕیانهك ژ مه بۆ هندێ كو ئهم پتـر پێغهمبهرێ خۆ یێ خۆشتڤى بنیاسین مه ل بهره د ڤان بهرپهڕێن كێم دا چهندهكێ د گهل وى بژین وهندهك بابهتێن جودا جودا یێن پهیوهندى ب وى ڤه ههین ل بهر دهست بداین ..
وهـهژى گۆتنێ یه بێژین كو ئهڤ ههمى بابهته ئهو بووینه یێن ل ڤان سالێن دویماهىیێ مه د بهرنامهیێن خۆ یێن تهلهفزیوونێ دا پێشكێش كـریـن ، وكارێ مه د هندهك ژ وان دا ب تنێ وهرگێڕانه ، وهندهك ژى مه بهرههڤكرینه وسهر ژ نوى دارێژتینه ، هیڤىیا مه ژ خودایێ مهزن ئهوه مفایێ خواندهڤانان د ڤان نڤیسینێن مه دا ههبت.
