حهدیسا ههڤدێ
چارهیا خهلهلـێ
17 ـ عَنْ تَمِيمٍ الدَّارِيِّ ـ رَضِيَ اللَّهُ عَنْهُ ـ أَنَّ النَّبِيَّ ـ صَلَّى اللَّهُ عَلَيْهِ وَسَلَّمَ ـ قَالَ : [ الدِّينُ النَّصِيحَةُ ] قُلْنَا : لِمَنْ ؟ قَالَ : [ لِلَّهِ ، وَلِـكِـتَـابِـهِ ، وَلِـرَسُـولِـهِ ، وَلأَئِـمَّـةِ الْـمُـسْـلِـمِـيـنَ وَعَامَّتِهِمْ ] رواه مسلم .
تهمیمێ دارى ـ خودێ ژێ رازى بـت ـ دبـێـژت پێغهمبهرى ـ سـلاڤـ لـێ بن ـ گۆت : [ دین شیرهته ] مه گۆت : بۆ كێ ؟ گۆت : [ بۆ خودێ وبۆ كیتابا وى ، وبۆ پێغهمبهرێ وى ، وبۆ مهزنێن موسلمانان وبۆ عامییێن وان ] موسلم ڤهدگوهێزت .
ب شیرهتكرنێ ب تنێ ئهم دشێین خۆ ڕاست ودورست بكهین ، وكارێ چاك بكهین ، وخهلهتییێن خۆ دورست بكهین ، ژ بهر ڤێ چهندێ شیرهتكرن كارهكێ فهره دڤێت ئهم نههێلین ، وئهگهر هات وكهسهكى ژ دلسۆزییا خۆ شیرهتهكێ باش ل مه كر دڤێت ئهم ژێ بێنتهنگ نهبین وخۆ ژێ عێجز نهكهین ، چونكى ب تنێ مرۆڤێ نهزان وبێ فام ژ شیرهتان دڕهڤت وخۆ د سهر شیرهتكرنێ ڕا دبینن .
وشیرهتكهرێ دلسۆز ودهسپاك نیشانا وى ئهوه دهمێ وى دڤێت كهسهكى شیرهت بكهت ، دهمێ یێ ب تنێ ئهو وى شیرهت دكهت نه كو د ناڤـ خهلكى دا ، بۆ هندێ دا ئهو شهرمێ ژ خۆ نهكهت .
وبهروڤاژى ڤێ چهندێ ئهو كهسێ د شیرها خۆ دا یێ دلسۆز وڕاستگۆ نهبت دێ د ناڤـ خهكى دا و ل پێش چاڤێن وان شیرهتان ل كهسێ بهرانبهر كهت ، دا وهسا خۆ بینته پێش كو ئهو كهسهكێ دلسۆزه ، یان ژى دا ئهو وى بشكێنت وخهلهتییا وى د ناڤ خهلكى دا بهلاڤـ كهت .
وئهگهر ئهم ئهو بین یێن ب كارێ شیرهتكرنێ ڕادبین دێ شێین وى واقعى پهیدا كهین یێ مه دڤێت .
