مهزنكرنا پیرۆزییان
خودایێ مهزن د قورئانێ دا دبێژت: ( ذَٰلِكَۖ وَمَن يُعَظِّمۡ حُرُمَٰتِ ٱللَّهِ فَهُوَ خَيۡرٞ لَّهُۥ عِندَ رَبِّهِۦۗ ) (الحج: 30) و پشتى هنگى ب دو ئایهتان دبێژت: ( ذَٰلِكَۖ وَمَن يُعَظِّمۡ شَعَٰٓئِرَ ٱللَّهِ فَإِنَّهَا مِن تَقۡوَى ٱلۡقُلُوبِ ) (الحج: 32) و ئهڤ ههردو ئایهته ل سهر هندێ كۆم دبن كو ههچییێ (حورومات و شهعائرێن) خودێ بپارێزت، ئهو بۆ وى ل نك خودایێ وى باشه، و ئهو ل بهرچاڤ ژى نیشانا تهقوایا دلییه.
و (حورومات) ئهو تشتن یێن لازمه (حورمهتا) خۆ ل نك مرۆڤى ههبت، و مهخسهد ب (حورمهتێ) ڕێز و ئحتیرام و قهدرگرتنه، تشتهك ئهگهر ل نك ته یێ (موحتهرهم) بت تو دێ وى پارێزى، و بهایهكێ بهرچاڤ دهیێ، و تو قهبویل ناكهى ئهو زهعێ ببت، و (شهعائر) فهرمانێن خودێنه ژ ئهمر و نههییان، و پالدانا (حورومات و شهعائران) بۆ خودێ د ڤان ههردو ئایهتان دا هندێ دگههینن كو ئهو ئهو تشتن یێن خودێ ب بها ئێخستین و فهرمان پێ كرى، لهو دهمێ مرۆڤ وان دپارێزت و بهایى ددهتێ و كارى پێ دكهت، مرۆڤ ژ بهر خودێ و بۆ خودێ وێ چهندێ دكهت، نه ژ بهر تشتهكێ دى، مهعنا: ڕێز و ئحتیرام و قهدر و بها دووماهییێ ههر بۆ خودێ دزڤڕت نه كو بۆ وى تشتى ب خۆ یێ ڕێز لێ دئێتهگرتن.. بۆ نموونه: قهدرگرتنا كهعبێ یان بهرێ ڕهش، ژ بهر ذاتێ كهعبێ و بهرى نینه، بهلكى ژ بهر وى خودایه یێ فهرمان ب قهدرگرتنا وان ل مه كری، و ئهڤ مهعنایه بوویه ئیمامێ عومهر د مهسهلێ دا دیتى دهمێ گۆتییه بهرێ ڕهش: ئهز دزانم تو بهرهكى نه چو مفایى دگههینى و نه چو زیانێ، و ئهگهر من نهدیتبا پێغهمبهرى -سلاڤ لێ بن- تو ماچى كرى، چو جاران من تو ماچى نهدكرى!
و مرۆڤ ئهگهر یێ زانا بت ب شریعهتێ خودێ ئهوێ د كیتابا وى و سوننهتا پێغهمبهرێ وى دا هاتى، دێ زانت كو خودێ هندهك توخویب داناینه و فهرمان ل بهنییێن خۆ كرییه كو ئهو وان دهرباس نهكهن و پێ لێ نهدانن، و ئهڤه ئهو تشتن یێن وى حهرامكرین، ههر وهسا وى هندهك حـهق و حـقـووق ژى د ناڤبهرا مرۆڤان دا داناینه، و ژ وان خواستییه ئهو ڕێزێ لێ بگرن، و بپارێزن، و ژ بلى ڤێ چهندێ وى هندهك دهم و هندهك جهـ ژى بۆ مه دهسنیشان كرینه و بهرێ مه دایه گرتنا ڕێزێ ل وان، وهكى: مزگهفتان و رهمهزانێ بۆ نموونه.
بۆچى ئهم (حوروماتێن خودێ) بپارێزین؟
و ل ڤێرێ مهسهلهك ههیه ژ كهڤن وهره گهلهك جاران ئهو ژ لایێ هندهك كهسان ڤه دئێته هلێخستن، ئهو ژى ئهڤهیه: دهمێ فهرمان ل مه دئێتهكرن كو ئهم حورومات و شهعائرێن خودێ بپارێزین، یهعنى: طاعهت و عیبادهتێ وى بكهین، ئهرێ ئهم وێ چهندێ بكهین چونكى ئهو یێ ههژى هندێیه كو حوروماتێن وى بێنه پاراستن، یان ژى ژ بهر هندێ دا ئهو مه خهلات كهت و جزا نهدهت؟
هندهك كهسان ژ خهلهتى و نهزانین دگۆت: ئهم نه ژ بهر طهمهعییا بهحهشتێ و ترسا جههنهمێ طاعهتێ خودێ دكهین، بهلكى ئهم طاعهتێ وى دكهین ژ بهر كو ئهو یێ هێژاى طاعهتییه، و ئهگهر بهحهشت و جههنهم نهبانه ژى ئهم ههر دا طاعهتێ وى كهین.. و ئهڤه نه ئهو ڕێكه یا پێغهمبهرێن خودێ ل سهر چووین و نیشا دویكهفتییێن خۆ داین، ڕاسته خودێ یێ ههژییه طاعهت و پهڕستنا وى بێتهكرن، بهلێ ههر وى ب خۆ بهحهشت و جههنهم ل دووماهییا ڕێكێ یێن داناین، و فهرمانا ل مه كرى ئهم ئهڤێ بخوازین و خۆ ژ ئهڤێ بپارێزین، و وى عهمهل یێ كرییه ئهگهر بۆ وێ چهندێ، و ئهو گۆتنا دى (موبالهغهیهكا نه مهقبووله) د تهقوایێ دا.. خودێ بهرێ مه بدهته حهقییێ د ههر مهسهلهیهكێ.
