دهورێ زانایێن دورست
مه گۆت زانایێن دورست میراتگرێن پێغهمبهرانه، و ل سهر ڕێكا وان ددهنــه ڕێ، و ئهو ژ ڕێبهرێن ژیانێنه، و گاڤا بهرێ ته كهفته دوڕیانهكێ، و ڕێ ل بهر ته بهرزهبوو، و ته نهزانى ب كیژ لایى دا بچى، هنگى پتر ژ ههر دهمهكێ دى ته ههوجهیى ب ڕێبهرهكى ههیه ڕێكا ڕاست نیشا ته بدهت؛ دا ب سلامهتى بگههییه ئارمانجا خۆ، و بهلا و موصیبهتێن تایبهت و یێن گشتى د ژیانێ دا، ژ وان ئاستهنگانه یێن گهلهك جاران سهرێن ڕێكان ل بهر مرۆڤى بهرزه دكهن، و مــرۆڤــى حـێـبـهتى دكهن، لهو ئێكهمین تشت ل وان دهمان مرۆڤ هزر لێ دكــهت ئهوه قهستا زانایهكى بكهت، و پسیارا خۆ پێ بكهت، و ڕێنیشادانێ ژێ بــخــوازت، و هــنــگــى ب دورسـتـى دهورێ زانایى دئێت، و كارێ وى یێ ب زهحمهتتر دهست پێ دكهت، و هنگى ئهو ب دورستى دكهفته سهر (مهحهككێ) دا دیار ببت كانێ زێڕهكێ صافییه، یان ژى هندهك زڕزڕك و پلپلكێن ب زهرى تامداینه!
و ئێك ژ مهزنترین گرفتاریێن گشتى -ئهگهر نهبێژین یا ژ ههمییان مهزنتر- ئهوه دهمێ مرۆڤ خهلهت د دینى دگههن، ڤێجا زێده شداندنێ تێدا دكـــهن، حــهتــا بهر ب توندییێ ڤه دچن، وهكى ل بهراهییا دیرۆكا ڤێ ئوممهتێ ل سهر دهستێ (خهوارجان) پهیدابووى، یان ژى زێده سستییێ تێدا دكهن، حهتا دیسا بهر ب توندییێ ڤه دچن، وهكى ل دووماهییا دیرۆكا ڤێ ئوممهتێ ل سهر دهستێ (علمانییان) پهیدابووى.
