حهدیسا سیهــ وچارێ
ژینگهها گازیكهرى
34 ـ عَـنْ أَبِــي سَـعِـيـدٍ الْخُـدْرِيِّ ـ رَضِيَ اللَّهُ عَنْهُ ـ عَنْ النَّبِيِّ ـ صَلَّى اللَّهُ عَلَيْهِ وَسَلَّمَ ـ قَالَ : [ كَانَ فِي بَنِي إِسْرَائِيلَ رَجُلٌ قَتَلَ تِسْعَةً وَتِسْعِينَ إِنْسَانًا ، ثُمَّ خَرَجَ يَسْأَلُ ، فَـأَتَـى رَاهِبًا فَسَأَلَهُ ، فَقَالَ لَهُ : هَلْ مِنْ تَوْبَةٍ ؟ قَالَ : لا ، فَقَتَلَهُ ، فَجَعَلَ يَسْأَلُ ، فَقَالَ لَهُ رَجُلٌ : ائْتِ قَرْيَةَ كَذَا وَكَذَا ، فَأَدْرَكَهُ الْمَوْتُ ، فَنَأى بِصَدْرِهِ نَحْوَهَا ، فَاخْتَصَمَتْ فِيهِ مَلائِكَةُ الرَّحْمَةِ وَمَلائِكَةُ الْعَذَابِ ، فَأَوْحَى اللَّهُ إِلَى هَذِهِ : أَنْ تَقَرَّبِي ، وَأَوْحَى اللَّهُ إِلَى هَذِهِ : أَنْ تَبَاعَدِي ، وَقَالَ : قِيسُوا مَا بَيْنَهُمَا ، فَوُجِدَ إِلَى هَذِهِ أَقْرَبَ بِشِبْرٍ فَغُفِرَ لَهُ ] رواه البخاري ومسلم .
ئهبوو سهعیدێ خودرى ـ خودێ ژێ رازىبت ـ دبێژت : پێغهمبهرى ـ سلاڤـ لـێ بن ـ گۆت : [ د ناڤـ ئسرائیلییان دا زهلامهك ههبوو نۆت ونهه مرۆڤـ كوشت بوون ، پاشى دهركهفت بۆ خۆ پسیارێ بكهت ، ئینا هاته نك عیبادهتكهرهكى وپسیار ژێ كر : ئهرێ تهوبه بۆ من ههیه ؟ وى گـۆت : نـه ، ئینا وى ئهو ژى كوشت ، ودهركهفت بۆ خۆ پسیارێ بكهت ، زهلامهكى گۆتێ : ههڕه فلان گوندى ، ئینا مرن ڤێڕا گههشت ، ووى سنگێ خۆ ب نك وى گوندى ڤه لێدا ، ڤێجا ملیاكهتێن ڕهحمێ ویێن عهزابێ د دهر حهقا وى داب ههڤڕكى چوون ، ئینا خودێ وهحى بۆ ڤى گوندى هنارت كو نێزیك ببه ، ووهحى بۆ ڤى گوندى هنارت كو دویر بكهڤه ، وگۆت : د ناڤبهرا ههردووان دا بپیڤن ، وان دیت ئهو بسوهتهكێ پتـر یێ نێزیكى ڤییه ، ئینا گونههێن وى هاتنه ژێبرن ] بوخارى وموسلم ڤهدگوهێزن .
مهعنا : ڕابوونا گازیكهرى ب چاككرنا وى جهى یێ ئهو لـێ دژیت كارهكێ گهلهك فهر وگرنگه ، ب تایبهتى ئهگهر ئهو ل دهسپێكا كارێ خۆ یێ دهعهوى بت ، وئهگهر ئهو نهشیا وێ چهندێ بكهت دڤێت ئهو خۆ ژ جهێ خۆ یێ خراب ڤهگوهێزته جههكێ باش یێ چاكى وباشى لـێ بهلاڤـ .
وئهڤـ حهدیسه دهلیلهكێ ب هێزه ل سهر ڤێ گۆتنا من گۆتى ، چونكى ئیشارهتهك تێدا هاتییه كو مرۆڤێ تۆبهكهر دڤێت وى جهى ووان سهر وبهران بهێلت یێن ئهو بهرى هنگى ل دهمێ گونههكارییێ ل سهر ، وخۆ ڤهگوهێزته جههكێ دى ، وخۆ ب تشتهكێ دى ڤه موژیل بكهت .
و ژ تشتێن پێتڤى كو بێته زانین : ڕێبازا گازیكهرییه .
