ئازادبوون ژ كۆلهتیا ئومهییهى
ودهمێ تهنگاڤى دژوار دبت مهسهله بهرفرههـ دبت، ومرۆڤى ئهگهر بۆ خودێ تهحهممولا نهخۆشیێ كر، خودێ ڕێكێ بۆ مرۆڤى دبینت ونهخۆشیێ ژ سهر لاددهت.. دهمــێ تــهنـگــاڤــى ل ســهر بیلالى دژوار بووى، ڕۆژهكێ زهلامێ دووێ د ئیسلامێ دا ئهبوو بهكر د بهر وى جهى ڕا بۆرى یێ كافران بیلال وههڤالێن وى لێ عهزاب ددان، ئهبوو بهكرى گۆته ئومهییهى:
- ما تو ژ خودێ ناترسى؟ حهتا كهنگى دێ ڤى ههژارى عهزاب دهى؟
- سویچێن تهنه.. ته ئهوێ خراب كرى، وتو وى خلاس بكه..
ئهبوو بهكرى گۆتێ:
- باشه.. ئهز دێ وه كهم، ب چهندێ تو دێ وى فرۆشیه من؟
- چهندێ تو دێ پێ دهى؟
- پێنج وهقیێن زێڕى..
- من قهبویله..
وپشتى ئومهییهى زێڕێ خۆ وهرگرتى گۆته ئهبوو بهكرى:
- ئهگهر وهقیهكا ب تنێ ژى ته پێ دابا، ئهز دا وى فرۆشمه ته.
ئهبوو بهكرى گۆتێ:
- وئهگهر ته سهد وهقى ژ من خواستبان ئهز دا پێ دهم!
وپشتى هنگى ئهبوو بهكر وههڤالێن خۆ چوون قهید وزنجیرێن بیلالى ڤهكرن، وبرینێن وى دهرمانكرن، وئهو د گهل خۆ بره مالا (ئهرقهمى) ل نك پـێـغهمبهرى -سلاڤ لێ بن- ووێ كۆما خودان باوهران یا د گهل.. و ل سیهـ سالیێ مـوحـهممهدى دلـێ بـیـلالى ژ قهیدێن شركێ ڕزگـاركر، وئهبوو بهكرى دهستێن وى ژ قهیدێن عهبدینیا ئومهییهى ئازادكرن.. پاشى ئهو د ڕێكا خودێ دا ئازادكر، وبیلال عهبدێ حهفتێ بوو یێ ئهبوو بهكرى ب مالێ خۆ كڕى وئازاد كرى، ڕۆژهكێ بابێ وى گۆتێ:
- كوڕێ من! مادهم تو ههر مالێ خۆ زهعێ دكهى، عهبدان دكڕى وئازا دكهى، ههچكو هندهك زهلامێن ب هێز ئازا كه دا ئهو سوباهى بۆ ته ببنه پشت..
ئهبوو بهكرى گۆتێ:
- بابۆ! ههما بۆ خودێ ئهز ڤى كارى دكهم..
ل بهر وان یێن ڕۆناهیا ئیسلامێ نهگههشتیه دلێن وان، ئهڤ كارێ ئهبوو بهكرى دكر زهعێكرنا مالى بوو، بهلێ ئهبوو بهكرى ب ڕهنگهكێ دى هزر دكر، ئهڤ كهسێن خهلكى بێ هێز ولاواز ددیتن، ل بهر ئهبوو بهكرى كافرێن دنیایێ ههمى، ب ههمى مال وسهلتهنهتا خۆ ڤه، بهایێ ئێك ژ وان نهدئینا، ئهوێن هه ژ بهر كوفرا خۆ ب ههمى سهنگا خۆ ڤه بهایێ پێشیهكێ نائینن د تهرازیا خودێ دا، وئهڤه ژ بهر باوهریا خۆ ههر ئێك دنیایهكێ دئینت.
پشتى بیلال ژ جیهانا ئومهییهى وئهبوو جههلى یا تژى تارى وعهزاب ڕزگار بووى، وپشتى ئهبوو بهكرى قهنجى لێ كرى وبارێ عهبدینیێ یێ گران ژ سهر ملان داناى، وى قهستا دیوانا خۆشتڤیێ خۆ كر، ئهوێ ب كهیف وگڕنژین ڤه پێشوازى لێ كرى.. جلكێن وى د بهر دا ددڕیاى بوون، وهێشتا برینێن وى خوین ژێ دزا، وهكى دهیكهكا دلۆڤان دهمێ زارۆكێ خۆ ددهته بهر سنگێ خۆ، وهسا كۆما خودان باوهران بیلالێ بێ خودان د ناڤ خۆ دا حهواند، و ژ وێ ڕۆژێ وهره بیلالى بهرپهڕهكێ نوى ژ دهفتهرا ژیێ خۆ ڤهكر، ئهو بهرپهڕێ ب زهلالیا باوهریێ وشرینیا حهژێكرنێ دهست پێ كرى..
w
